Лютэранская кірха (Мінск)

Славутасць
Лютэранская кірха
53°54′10″ пн. ш. 27°33′50″ у. д.
Краіна	Беларусь
Месцазнаходжанне	Мінск
Архітэктурны стыль	класіцызм
Дата пабудовы	1846
Дата скасавання	1945

Лютэранская кірха — пратэстанцкі храм у Мінску ў стылі класіцызм.

Збудавана ў 1846 годзе, знішчана пасля Другой сусветнай вайны. Стаяла на Новым Месце прыкладна там, дзе цяпер знаходзіцца будынак з уваходам на станцыю метро Кастрычніцкая і рэстаранам «Патыё Піцца».

Кірха на здымку пач. XX ст.

Гісторыя

У 1846 годзе на Захараўскай вуліцы на месцы ранейшага драўлянага храма ўзвялі мураваную лютэранскую царкву (кірху) даволі вялікіх памераў.

У 1930-я гады савецкія ўлады ліквідавалі лютэранскую абшчыну, а храм закрылі і перарабілі на першы ў Беларусі дзіцячы гукавы кінатэатр «Навіны дня».

Будынак быў пашкоджаны падчас Другой сусветнай вайны, пазней канчаткова зруйнаваны.

Архітэктура

Прамавугольны ў плане асноўны аб’ём з паўкруглай алтарнай апсідай і прытворам, завершаным вежай-званіцай у выглядзе ратонды з васьмю калонамі тасканскага ордара і паўсферычным купалам. Сцены будынку рытмічна расчлянёны атыкамі. З паўночнага ўсходу да кірхі быў прыбудаваны двухпавярховы будынак, дзе жыў пастар. Яго сіметрычны па кампазіцыі галоўны фасад выходзіў на вул. Захар’еўскую (цяпер пр. Незалежнасці) і быў завершаны ступеньчатым атыкам.

Літаратура

• Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
• Мінск. Стары і новы / аўт.-склад. У. Г. Валажынскі; пад. рэд. З. В. Шыбекі. — Мінск: Харвест, 2007. — 272 с.: іл. — ISBN 978-985-16-0092-8.

Спасылкі

• Кірха (Менск) на Radzima.org
• Кірха Архівавана 28 студзеня 2010. (руск.) на Мінск стары і новы