Мікалай Андрэевіч Сухій

Мікалай Андрэевіч Сухій
Старшыня Мінскага аблвыканкама 18 чэрвеня 1975 — 1983
Кіраўнік урада	Аляксандр Аксёнаў Уладзімір Бровікаў
Папярэднік	Альфонс Тышкевіч
Пераемнік	Сяргей Лінг
Нараджэнне	30 красавіка 1922(1922-04-30) ці 30 мая 1922(1922-05-30) Княгінін, Вілейскі павет, Віленская зямля, Польская Рэспубліка
Смерць	17 лютага 2016(2016-02-17) (93 гады)
Бацька	Андрэй Мікалаевіч Сухі
Партыя	КПСС
Адукацыя	Беларускі дзяржаўны інстытут народнай гаспадаркі імя В. У. Куйбышава (1953)
Узнагароды

Мікалай Андрэевіч Сухій (30 красавіка 1922 г., в. Княгінін, Вілейскі павет, Польская Рэспубліка  — 17 лютага 2016) — беларускі палітычны і дзяржаўны дзеяч, старшыня Мінскага абласнога выканаўчага камітэта (1975—1983). Герой Сацыялістычнай Працы (1966).

Біяграфія

Нарадзіўся 30 красавіка 1922 года ў в. Княгінін Вілейскага павета Польскай Рэспублікі (цяпер — Мядзельскі раён Мінскай вобласці).

У 1941—1942 гады — чорнарабочы, сяло Васкрасенск Саратаўскай вобласці, у 1942—1944 — шафёр завода «Камуніст», г. Маркс Саратаўскай вобласці, у 1944 годзе — шафёр райкама партыі, у 1944—1947 — шафёр, камсорг батальёна 4-га асобнага аўтатранспартнага батальёна 1-й Мазырскай Чырванасцяжнай дывізіі марской пяхоты Балтыйскага флоту.

У 1947—1948 — старшыня райплана (г. Вілейка Маладзечанскай вобласці), у 1948—1949 — намеснік старшыні Вілейскага райвыканкама Маладзечанскай вобласці.

Скончыў Беларускі дзяржаўны інстытут народнай гаспадаркі імя В. У. Куйбышава (1953). У 1953—1956 — старшыня калгаса імя Чапаева Заслаўскага раёна Мінскай вобласці. У 1956—1958 — аспірант Інстытута эканомікі Акадэміі навук БССР.

У 1958—1959 — інструктар сельскагаспадарчага аддзела Мінскага абкама КП Беларусі. У 1959—1962 — старшыня выканкама Капыльскага раённага Савета дэпутатаў працоўных. У 1962 — першы сакратар Капыльскага райкама КП Беларусі. У 1962—1966 — начальнік Капыльскага раённага вытворчага ўпраўлення сельскай гаспадаркі. У 1966—1969 — першы сакратар Салігорскага райкама КП Беларусі.

У 1969—1970 — начальнік Мінскага абласнога ўпраўлення сельскай гаспадаркі. У 1970—1975 — загадчык сельскагаспадарчага аддзела ЦК КП Беларусі.

У 1975—1983 — старшыня выканкама Мінскага абласнога Савета народных дэпутатаў.

Член ЦК КПБ (1971—1981), дэпутат Вярхоўнага Савета БССР (1971—1981).

Памёр 17 лютага 2016 года.

Узнагароды

• Герой Сацыялістычнай Працы (1966)
• Ордэн Леніна (1966)
• Ордэн Кастрычніцкай Рэвалюцыі (1973)
• Ордэн Працоўнага Чырвонага Сцяга (1976)
• Ордэн Дружбы народаў (1982)

Спасылкі

• Его года — его богатство. Мінская праўда 28 красавіка 2012 г. Архівавана 12 жніўня 2016.
• Герои Социалистического Труда. Афіцыйны сайт Мядзельскага райвыканкама Архівавана 9 кастрычніка 2020.