Праваслаўная царква Украіны

Праваслаўная царква Украіны
Православна церква України

Міхайлаўскі Залатаверхі манастыр у Кіеве — цэнтральны кафедеральны сабор ПЦУ
Асноўная інфармацыя
Аўтакефалія	з 2019
Прызнанне аўтакефаліі	з 2019 (Канстанцінопальская Праваслаўная Царква)
Прадстаяцель у наш час	Мітрапаліт Епіфаній
Цэнтр	Кіеў
Рэзідэнцыя Прадстаяцеля	Кіеў
Юрысдыкцыя (тэрыторыя)	Украіна (аспрэчваецца)
Царква-маці	Канстанцінопальскі патрыярхат
Мова набажэнстваў	украінская
Каляндар	Юліянскі каляндар

Праваслаўная царква Украіны (укр.: Православна церква України) — аўтакефальная памесная праваслаўная Царква, якая заняла з 6 студзеня 2019 года 15-е месца ў дыптыху аўтакефальных памесных Цэркваў. Мае юрысдыкцыю выключна на тэрыторыі Украіны.

Утворана на Аб'яднаўчым саборы 15 снежня 2018 года шляхам аб'яднання ўкраінскіх святароў некананічных праваслаўных юрысдыкцый (УПЦ КП і УАПЦ), а таксама асобных клірыкаў УПЦ МП.

Паводле прынятага статуту, царкву ўзначальвае прадстаяцель з тытулам «Мітрапаліт Кіеўскі і ўсяе Украіны». З 15 снежня 2018 года на гэтай пасадзе — мітрапаліт Епіфаній (Думенка), былы мітрапаліт Пераяслаўскі і Белацаркоўскі УПЦ КП.

16 снежня новаабраны прадстаяцель Праваслаўнай царквы Украіны мітрапаліт Епіфаній правёў першую літургію ў Міхайлаўскім саборы.

Томас аб аўтакефаліі царквы быў ўручаны мітрапаліту Епіфанію ў Стамбуле 6 студзеня 2019 года асабіста Патрыярхам Канстанцінопальскім Варфаламеем.

Спасылкі

• Дорошенко Д. Православна церква в минулому і сучасному житті українського народу. Берлін, 1940.
• Полонська-Василенко Н. Історичні підвалини УАПЦ. Рим, 1964.
• Олександр (Драбинко). Українська автокефалія як моральний виклик
• Ульяновський, В. Церква в Українській державі 1917—1920 рр. Кн.1-2. Київ: Либідь.