Перайсці да зместу

Павел Іванавіч Чыкіда

З Вікіпедыі, свабоднай энцыклапедыі
У Вікіпедыі ёсць артыкулы пра іншых людзей з прозвішчам Чыкіда.
Футбол
Павел Чыкіда
Поўнае імя Павел Іванавіч Чыкіда
Нарадзіўся 21 чэрвеня 1995(1995-06-21)[1] (29 гадоў)
Грамадзянства  Беларусь
Рост 178 см
Вага 77 кг[2]
Пазіцыя абаронца
Інфармацыя пра клуб
Клуб Беларусь Славія
Нумар 27
Клубная кар’ера[* 1]
2012 Беларусь Тарпеда-БелАЗ (Жодзіна) 0 (0)
2013—2018 Беларусь Смалявічы 125 (3)
2015 →  Беларусь Крумкачы (Мінск) 15 (0)
2019 Беларусь Дняпро (Магілёў) 16 (0)
2020—2021 Беларусь Гомель 51 (0)
2022 Казахстан Мактаарал (Атакент) 12 (0)
2023— Беларусь Славія (Мазыр) 8 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 6 лютага 2024.

Павел Чыкіда (нар. 21 чэрвеня 1995) — беларускі футбаліст, абаронца мазырскай «Славіі».

Клубная кар’ера

[правіць | правіць зыходнік]

У 2012 годзе выступаў за дубль жодзінскага «Тарпеда-БелАЗ», а на наступны сезон перайшоў у клуб Першай лігі «Смалявічы-СТІ». У 2014 годзе стаў трывала выхадзіць на поле ў складзе смалявіцкай каманды.

У жніўні 2015 года на правах арэнды далучыўся да «Крумкачоў»[3], замацаваўся ў аснове сталічнага клуба ў якасці абаронцы (да таго выступаў у паўабароне) і дапамог яму выйсці ў Вышэйшую лігу. Па заканчэнні сезона 2015 вярнуўся ў «Смалявічы-СТІ» і праз два гады са смалявіцкай камандай таксама прабіўся ў элітны дывізіён.

У снежні 2017 года падоўжыў кантракт з клубам[4], які ў сезоне 2018 змяніў назву на «Смалявічы». У пачатку сезона 2018 звычайна выхадзіў на замену, а з лета стаў часцей з’яўляцца ў стартавым складзе.

Са студзеня 2019 года знаходзіўся на праглядзе ў мінскім «Промні» і ў сакавіку падпісаў з ім кантракт[5]. Неўзабаве «Прамень» пераехаў у Магілёў і аб’яднаўся з мясцовым «Дняпром», і абаронца стаў іграком аб’яднанай каманды, якая атрымала назву «Дняпро». Гуляў пераважна ў стартавым складзе. У жніўні 2019 года атрымаў траўму, з-за якой выбыў да канца сезона.

У лютым 2020 года стаў іграком «Гомеля»[6]. Замацаваўся ў стартавым складзе каманды і дапамог ёй па выніках сезона 2020 вярнуцца ў Вышэйшую лігу. У лютым 2021 года падоўжыў кантракт з «Гомелем»[7]. У сезоне 2021 чаргаваў выхады ў стартавым складзе і на замену. У студзені 2022 года пакінуў гомельскі клуб[8], пасля чаго праходзіў прагляд у «Віцебску» і казахстанскім «Аксу», а ў лютым 2022 года папоўніў склад дэбютанта казахстанскай Прэм’ер-лігі «Мактаарала»[9]. Пакінуў «Мактаарал» па заканчэнні сезона 2022.

Са студзеня 2023 года трэніраваўся з бабруйскай «Белшынай»[10], аднак не трапіў у заяўку клуба не сезон і ў першай палове 2023 года заставаўся без каманды. У ліпені 2023 года стаў іграком мазырскай «Славіі»[11]. У лістападзе 2023 года кантракт са «Славіяй» быў разарваны[12][13]. У студзені 2024 года афіцыйна быў дапушчаны да прафесійнай дзейнасці спартсмена ў Беларусі камісіяй пры Генпракуратуры[14], пасля чаго зноў стаў трэніравацца з мазыранамі і ў лютым падпісаў новы кантракт з клубам[15].

Міжнародная кар’ера

[правіць | правіць зыходнік]

У 2016 годзе прыцягваўся да моладзевай зборнай Беларусі[16], аднак так і не згуляў за яе.

Статыстыка выступленняў

[правіць | правіць зыходнік]
Сезон Дывізіён Клуб Краіна Матчы Галы
2012 дубль Тарпеда-БелАЗ Беларусь
2013 Д2 Смалявічы-СТІ Беларусь 9 0
2014 Д2 Смалявічы-СТІ Беларусь 27 0
2015 (1) Д2 Смалявічы-СТІ Беларусь 14 1
2015 (2) Д2 Крумкачы Беларусь 15 0
2016 Д2 Смалявічы-СТІ Беларусь 24 1
2017 Д2 Смалявічы-СТІ Беларусь 28 1
2018 Д1 Смалявічы Беларусь 23 0
2019 Д1 Дняпро Беларусь 16 0
2020 Д2 Гомель Беларусь 23 0
2021 Д1 Гомель Беларусь 28 0
2022 Д1 Мактаарал Казахстан 12 0
2023 (2) Д1 Славія Беларусь 8 0

Грамадзянская пазіцыя

[правіць | правіць зыходнік]

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі[17].

Крыніцы

[правіць | правіць зыходнік]
  1. ↑ Pavel Chikida // Transfermarkt — 2000. Праверана 9 кастрычніка 2017.
  2. ↑ https://www.teams.by/-/player-2728/
  3. ↑ «Крумкачы» арендовали Чикиду (руск.). by.tribuna.com.
  4. ↑ Чикида, Василенок, Горбачик, Степанов и Гомелько продлили контракты со «Смолевичи-СТИ» (руск.). by.tribuna.com.
  5. ↑ Чикида стал игроком "Луча" (руск.). football.by (7 сакавіка 2019). Праверана 6 лютага 2024.
  6. ↑ Чикида стал игроком «Гомеля» (руск.). by.tribuna.com.
  7. ↑ "Гомель" продлил контракт с Чикидой (руск.). football.by (2 лютага 2021). Праверана 6 лютага 2024.
  8. ↑ Чикида расстался с "Гомелем" (руск.). football.by (11 студзеня 2022). Праверана 6 лютага 2024.
  9. ↑ Чикида сменил "Гомель" на казахстанский "Мактаарал" (руск.). football.by (15 лютага 2022). Праверана 6 лютага 2024.
  10. ↑ Чикида тренируется с "Белшиной" (руск.). football.by (29 студзеня 2023). Праверана 6 лютага 2024.
  11. ↑ Чикида, находившийся без клуба с 2022 года, продолжит карьеру в "Славии" (руск.). football.by (19 ліпеня 2023). Праверана 6 лютага 2024.
  12. ↑ «Славия» расторгла контракты с тремя футболистами (руск.). metaratings.by (28 лістапада 2023). Праверана 6 лютага 2024.
  13. ↑ ИСТОЧНИК: СО “СЛАВИЕЙ” РАССТАЛИСЬ СРАЗУ ЧЕТЫРЕ ФУТБОЛИСТА (руск.). betnews.by (29 лістапада 2023). Праверана 9 лютага 2024.
  14. ↑ Семерым "беглым" атлетам разрешили заниматься профдеятельностью в Беларуси (руск.). sputnik.by (26 студзеня 2024). Праверана 6 лютага 2024.
  15. ↑ Джигеро и Чикида подписали контракты со "Славией" (руск.). football.by (6 лютага 2024). Праверана 6 лютага 2024.
  16. ↑ Байдук не сыграет за молодежку, Чикида и Шибун пополнили состав (руск.). by.tribuna.com.
  17. ↑ 93 беларускія футбалісты выступілі з асуджэннем гвалту ВІДЭА . Наша Ніва (12 верасня 2020). Праверана 6 лютага 2024.
Узята з "https://be.wikipedia.org/w/index.php?title=Павел_Іванавіч_Чыкіда&oldid=4673746"