Рэпішча (Пухавіцкі раён)

Вёска Рэпішча Краіна Беларусь Вобласць Мінская Раён Пухавіцкі Сельсавет Пухавіцкі Каардынаты 53°33′29″ пн. ш. 28°29′39″ у. д. Насельніцтва 3 чал. (1 студзеня 2002) Часавы пояс UTC+3 Тэлефонны код +375 1713 Аўтамабільны код 5 Рэпішча на карце Беларусі ±

Рэ́пішча (трансліт.: Repišča, руск.: Репище) — вёска ў Пухавіцкім раёне Мінскай вобласці. Уваходзіць у склад Пухавіцкага сельсавета.

Назва

Назва ўтворана ад угодзевага ўрочышча Рэпішча, дзе ўзнікла пасяленне.

Геаграфія

Знаходзіцца за 23 км на ўсход ад горада Мар’іна Горка, 23 км ад чыгуначнай Пухавічы Рудзенск на лініі Мінск—Ачіповічы.

Гісторыя

У складзе Расійскай імперыі

Паводле перапісу 1917 года ваколіца Пухавіцкай воласці Ігуменскага павета Мінскай губерні.

Найноўшы час

У Першую сусветную вайну ў лютым — снежні 1918 года была пад акупацыяй войскаў кайзераўскай Германіі.

25 сакавіка 1918 года згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 года ў адпаведнасці з пастановай І з’езда КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

У 1933 г. існаваў саўгас «Рэпішча», працаваў паравы млын, сталярная майстэрня, малочны завод, кузня.

Пад час Другой сусветнай вайны з канца чэрвеня 1941 г. да пачатку ліпеня 1944 г. акупіравана нямецкімі войскамі.

Да 29 чэрвеня 2006 года вёска ўваходзіла ў склад Краснаакцябрскага сельсавета.

Насельніцтва

• 1917 год — 34 двары, 208 жыхароў
• 1 студзеня 2002 года — 6 двароў, 3 жыхары.

Літаратура

• Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с. — 3000 экз. ISBN 985-01-0251-9.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх