Сцяпан Акімавіч Красоўскі

З пляцоўкі Вікіпедыя
Jump to navigation Jump to search
Сцяпан Акімавіч Красоўскі
Stepan Krasovsky.jpg
Дата нараджэння 20 жніўня 1897(1897-08-20)
Месца нараджэння
Дата смерці 21 красавіка 1983(1983-04-21) (85 гадоў)
Месца смерці
Месца пахавання
Прыналежнасць Flag of the Soviet Union.svg СССР
Род войскаў Flag of the Soviet Air Force.gif Авіяцыя РСЧА (ВПС) УС СССР
Гады службы 19161983
Званне
Маршал авіяцыі ВПС СССР
Камандаваў 2-я паветраная армія,
Ваенна-паветраная акадэмія імя Ю. А. Гагарына
Бітвы/войны Першая сусветная вайна,
Грамадзянская вайна ў Расіі,
Савецка-фінская вайна 1939—1940 гг.,
Вялікая Айчынная вайна
Узнагароды і прэміі
Медаль «Залатая Зорка»
Ордэн Леніна Ордэн Леніна Ордэн Леніна Ордэн Леніна
Ордэн Леніна Ордэн Леніна Ордэн Кастрычніцкай Рэвалюцыі Ордэн Чырвонага Сцяга
Ордэн Чырвонага Сцяга Ордэн Чырвонага Сцяга Ордэн Чырвонага Сцяга Ордэн Суворава I ступені
Ордэн Кутузава I ступені Ордэн Багдана Хмяльніцкага I ступені Ордэн Суворава II ступені Ордэн Чырвонай Зоркі
Ордэн «За службу Радзіме ва Узброеных Сілах СССР» III ступені
Commons-logo.svg Сцяпан Акімавіч Красоўскі на Вікісховішчы

Сцяпан Акімавіч Красоўскі (20 жніўня 1897, вёска Глухі, Быхаўскі раён, Магілёўская вобласць — 21 красавіка 1983) — Герой Савецкага Саюза (1945), маршал авіяцыі.

Біяграфія[правіць | правіць зыходнік]

У 1916 г. прызваны ў царскую армію, ваяваў на Заходнім фронце. З сакавіка 1917 г. у 25-м карпусным авіяатрадзе, выбіраўся членам салдацкага камітэта. За рэвалюцыйную прапаганду сярод салдат быў арыштаваны. З лістапада 1917 г. у Чырвонай гвардыі, потым у Чырвонай Арміі. У Грамадзянскую вайну на Усходнім і Каўказскім франтах: авіяматарыст, начальнік сувязі авіяатрада, ваенкам. У 1927 г. скончыў курсы ўдасканалення начсаставу ВПС, у 1936 г. — Ваенна-паветраную інжынерную акадэмію імя Жукоўскага. Камандаваў авіяцыйнымі брыгадай, корпусам, раёнам ваеннай акругі.

Удзельнік савецка-фінляндскай вайны 1939—1940 гг. У 1940—1941 гг. начальнік авіяцыйнага вучылішча, памочнік камандуючага, камандуючы ВПС Паўночна-Каўказскай акругі. У Вялікую Айчынную вайну на Паўднёвым, Бранскім, Паўднёва-Заходнім, Варонежскім і 1-м Украінскім франтах, камандуючы ВПС 56-й арміі, ВПС Бранскага фронту, 2-й і 17-й паветранымі арміямі. Удзельнічаў у распрацоўцы і правядзенні баявых аперацый савецкіх войск пад Растовам-на-Доне, Сталінградам і Курскам, па фарсіраванню Дняпра, Корсунь-Шаўчэнкаўскай, Львоўска-Сандамірскай, Ніжне-Сілезскай, Берлінскай і Пражскай аперацый. Вызначыўся ўмелым камандаваннем авіяцыяй і арганізацыяй узаемадзеяння з наземнымі войскамі пры авалоданні Берлінам, Дрэздэнам і вызваленні Прагі. З 1945 г. на камандуючых пасадах у ВПС, Далёкаўсходняй, Маскоўскай, Паўночна-Каўказскай і Беларускай ваенных акругах. У 1956—1968 гг. узначальваў Ваенна-паветраную акадэмію імя Гагарына. З 1970 г. ваенны інспектар-саветнік Групы генеральных інспектараў Міністэрства абароны СССР. Член Цэнтральнай рэвізійнай камісіі КПСС у 1961—1966 гг., член ЦК КПБ у 1956—1960 гг.

Аўтар кнігі «Жыццё ў авіяцыі» (3-е выд., 1976). Узнагароджаны шасцю ордэнамі Леніна, ордэнам Кастрычніцкай рэвалюцыі, ордэнамі Суворава І і ІІ ступеней, чатырма ордэнамі Чырвонага Сцяга і інш., а таксама чатырнаццаццю ордэнамі і медалямі Чэхаславакіі, Манголіі, Польшчы, Балгарыі, ГДР, Кітая, Венгрыі. Імем Красоўскага названа плошча ў Быхаве, яго імя прысвоена піянерскай дружыне Быхаўскай СШ № 3, вуліцы ў Варонежы.

Зноскі

Літаратура[правіць | правіць зыходнік]

  • Красоўскі Сцяпан Акімавіч // Беларуская энцыклапедыя: У 18 т. Т.8.- Мн.: БелЭН, 1999.- С. 464.
  • Красоўскі Сцяпан Акімавіч // Беларусь у Вялікай Айчыннай вайне, 1941—1945: Энцыкл.- Мн.: БелСЭ, 1990.- С. 274.
  • Красоўскі Сцяпан Акімавіч // Энцыклапедыя гісторыі Беларусі: У 6 т. Т.4.- Мн.: БелЭН, 1997.- С. 253.


Спасылкі[правіць | правіць зыходнік]