Гофбург (Вена)

З пляцоўкі Вікіпедыя
(Пасля перасылкі з Хофбург (Вена))
Jump to navigation Jump to search
Славутасць
Гофбург
ням.: Hofburg
Новы замак з коннай статуяй Яўгена Савойскага
Новы замак з коннай статуяй Яўгена Савойскага
48°12′23,15″ пн. ш. 16°21′57,67″ у. д.HGЯO
Краіна
Месцазнаходжанне
Архітэктурны стыль рэнесансная архітэктура
Архітэктар Філіберта Лукезэ[d]
Дата заснавання 1279

Гофбург (ням.: Hofburg) — зімовая рэзідэнцыя аўстрыйскіх Габсбургаў і асноўнае месцазнаходжанне імператарскага двара ў Вене. У цяперашні час — афіцыйная рэзідэнцыя прэзідэнта Аўстрыі. Усяго ў ёй 2600 залаў і пакояў.

Гісторыя[правіць | правіць зыходнік]

Сярэднявечны замак верагодна быў пабудаваны на гэтым месцы задоўга да Габсбургаў. Паводле дакументаў вядома, што ўжо ў 1279 г. аўстрыйскія правіцелі жылі менавіта ў Гофбургу. Сярэднявечныя збудаванні, размешчаныя вакол рэнесанснага Швейцарскага дворыка, уключаюць у сябе гатычны капэлу XV ст. і імператарскую скарбніцу, у якой цяпер выстаўлены імперскія клейноды імператараў Свяшчэннай Рымскай імперыі.

Амаль кожны з імператараў дынастыі Габсбургаў працягваў пашыраць і перабудоўваць сваю гарадскую рэзідэнцыю. Пры Фердынандзе I з’явіліся Швейцарская брама; пры Максіміліяну II — стайні, пазней пераабсталяваныя пад мастацкую галерэю; пры Рудольфе II — крыло з пакоя імператрыцы, пасля названае Амаліенбургам; пры Леапольдзе I — вінныя склепы і Леапольдава крыло з параднымі заламі для прыёмаў; пры Карле VI — грандыёзны будынак манежа і імператарская бібліятэка з пышным скульптурным афармленнем (арх. Фішэр фон Эрлах); пры Марыі Тэрэзіі — прыдворны Бургтэатр; пры Іосіфе II — Ёзэф-плац з коннай статуяй імператара.

У 1740—1780 гг. у палацы Гофбург кіравала імператрыца Марыя Тэрэзія, у 1780—1790 гг. — яе сын Іосіф II. Пасля зносу гарадскіх сцен Вены ў сярэдзіне XIX стагоддзя было прынята рашэнне пашырыць Гофбург за кошт будаўніцтва пампезнага «Новага замка» ў стылі неа-ампір. У 1889—1891 гг. былі ўзведзены Музей мастацкай гісторыі і Музей натуральнай гісторыі, аднак будаўніцтва новага крыла палаца зацягнулася да 1912 года. З-за Першай сусветнай вайны так і не былі ажыццёўлены планы ўладкавання каласальнага імператарскага форума на старажытнарымскі манер, была пабудавана толькі плошча Хельдэнплац. 15 сакавіка 1938 з балкона Новага замка Гітлер абвясціў аншлюс.

Гл. таксама[правіць | правіць зыходнік]

Зноскі

  1. 1,0 1,1 Monuments database — 2017.
  2. 2,0 2,1 archINFORM — 1994. Праверана 31 ліпеня 2018.

Спасылкі[правіць | правіць зыходнік]

Шаблон:Імперскія клейноды