Чарнобыль (міні-серыял)

З пляцоўкі Вікіпедыя
Jump to navigation Jump to search
ЧарнобыльM:
Жанр гістарычная драма[d]
Рэжысёр
Прадзюсар
Сцэнарыст
У галоўных
ролях
Аператар
Кампазітар
Кінакампанія HBO[d] і Sky Television plc[d]
Краіна
Мова англійская
Год 6 мая 2019
IMDb tt7366338
Афіцыйны сайт

«Чарнобыль» (англ.: Chernobyl) — гістарычны міні-серыял, створаны Крэйгам Мазінам. Прэм'ера серыяла, створанага амерыканскім каналам HBO з брытанскай тэлесеткай Sky, адбылася ў ЗША і Вялікабрытаніі 6 мая 2019 года[1]. Паказ на беларускай мове на вялікім экране адбыўся 29 чэрвеня 2019 года[2].

Перадумовы[правіць | правіць зыходнік]

«Чарнобыль» адлюстроўвае «праўдзівую гісторыю адной з горшых тэхнагенных катастроф у гісторыі і распавядае пра адважных мужчын і жанчын, якія ахвяравалі сабой, каб выратаваць Еўропу ад нябачнай небяспекі. Міні-серыял адлюстроўвае маштаб катастрофы на атамнай станцыі, якая адбылася ва УССР у красавіку 1986 года, Раскрываючы, як і чаму гэта адбылося, і распавядаючы жахлівыя і выбітныя гісторыі герояў, што змагаліся і загінулі»[3].

У ролях[правіць | правіць зыходнік]

Эпізоды[правіць | правіць зыходнік]

Назва Рэжысёр Аўтар сцэнарыя Дата выхаду ў эфір Гледачы ЗША
(млн)
1 «1:23:45» 
«1:23:45»
Юхан Рэнк6 мая 20190.756 (млн)[6]

Уначы 26 красавіка 1988 года Валерый Лягасаў у Маскве надыктоўвае на магнітафон запіс, сцвярджаючы, што намеснік галоўнага інжынера станцыі Анатоль Дзятлаў, які быў прызнаны вінаватым у аварыі на Чарнобыльскай АЭС і атрымаў за гэта дзесяць гадоў турмы, заслугоўвае смерці. Схаваўшы касеты ў вентыляцыю побач са сваім домам, Лягасаў вяртаецца ў кватэру і здзяйсняе самагубства.

Два гады раней у Прып'яці пажарнік Васіль Ігнаценка і яго жонка Людміла становяцца сведкамі выбуху на Чарнобыльскай АЭС. Васіль рыхтуецца прыняць удзел у тушэнні пажару і запэўнівае Людмілу, што хутка вернецца дадому. У дыспетчарскай на электрастанцыі Дзятлаў, Акімаў, Таптуноў і іншыя супрацоўнікі АЭС прыходзяць у сябе пасля выбуху, які прагрымеў у час выпрабавання турбін. Перапуджаны Перавозчанка паведамляе калегам, што ўзарваўся рэактар, і актыўная зона разбурана. Аднак Дзятлаў перакананы, што ядро РВМК-рэактара не можа ўзарвацца, і пацярпеў толькі бак сістэмы кіравання і абароны (СКА). Калі пажарныя брыгады прыбываюць на электрастанцыю, Васіль становіцца сведкам таго, як яго калега падымае з зямлі кавалак графіту і пазней бачыць, што той атрымаў моцныя радыяцыйныя апёкі далоні ад іанізуючага выпраменьвання. Кудраўцаў і Праскуракоў у суправаджэнні Юўчанкі дабіраюцца да турбіннай залы і разумеюць, што актыўная зона гарыць адкрытым полымем.

Віктар Бруханаў і Мікалай Фамін выслухваюць даклад Дзятлава пра сітуацыю і на нарадзе запэўніваюць членаў Прып'яцкага гарвыканкама, што сітуацыя знаходзіцца пад поўным кантролем. Пасля сходу да Бруханава, Фаміна і Дзятлава прыходзіць Сітнікаў і паведамляе, што ўзровень радыяцыі зашкальвае, і, хутчэй за ўсё, рэактар узарваўся. Дзятлава паражае прыступ вострай прамянёвай хваробы, і Фамін пасылае Сітнікава на дах будынка, які прылягае да месца выбуху. Сітнікаў бачыць, што чацвёрты энергаблок АЭС цалкам знішчаны, і атрымлівае смяротную дозу радыяцыі.

Лягасаву тэлефануе Барыс Шчарбіна, які інфармуе пра інцыдэнт у Чарнобылі, і ад асобы генсака ЦК КПСС Міхаіла Гарбачова загадвае яму як спецыялісту па РВМК увайсці ў склад урадавай камісіі па ліквідацыі наступстваў катастрофы. 
2 «Калі ласка, захоўвайце спакой» 
«Please Remain Calm»
Юхан Рэнк13 мая 20191.004 (млн)[7]

Праз сем гадзін пасля інцыдэнту навуковец з Інстытута ядзернай энергетыкі АН Беларускай ССР Ульяна Хамюк і яе памочнік фіксуюць павышэнне ўзроўню радыяцыі ў Мінску (Беларусь) і хутка прыходзяць да высновы, што інцыдэнт адбыўся на Ігналінскай ці Чарнобыльскай АЭС. Ігналінская станцыя пацвярджае, што працуе ў штатным рэжыме, але Ульяне не ўдаецца звязацца з супрацоўнікамі Чарнобыля. Ульяна дакладвае пра радыяцыйную небяспеку ў гарадскі камітэт КПСС, але намеснік старшыні Гаранін адмаўляецца да яе прыслухоўвацца, і тады навуковец самастойна адпраўляецца ў Прып'яць. Тым часам Людміле ўдаецца прарвацца праз міліцэйскае ачапленне ў бальніцу Прып'яці і даведацца, што Васіль разам з іншымі пацыентамі з вострай прамянёвай хваробай эвакуіраваны ў Маскву.

У Маскве Лягасаў тлумачыць Гарбачову і скептыку Шчарбіне, што сітуацыя значна больш сур'ёзная, чым рапартуе Прып'яцкі гарвыканкам, і Гарбачоў адпраўляе Шчарбіну і Лягасава ў Прып'яць для высвятлення акалічнасцяў здарэння. Падчас палёту верталёта над АЭС Лягасаў паказвае на абломкі графіту на даху і блакітнае іанізуючае свячэнне, пераконваючы Шчарбіну ў тым, што ядро рэактара сапраўды аголена. Шчарбіна выслухвае дырэктара ЧАЭС Бруханава і галоўнага інжынера ЧАЭС Фаміна, якія вінавацяць Лягасава ў дэзінфармацыі. Каб пацвердзіць адзін з пунктаў гледжання, генерал Пікалаў, выкарыстоўваючы дазіметр высокага радыусу дзеяння, пад'язджае на грузавіку ўшчыльную да ЧАЭС, і даказвае, што ўзровень выпраменьвання вельмі высокі. Па загадзе Шчарбіны, Бруханаў і Фамін узяты пад арышт. Лягасаў інструктуе ваенных тушыць агонь пяском і борам, але задача апыняецца вельмі рызыкоўнай. Пасля таго, як Шчарбіне паведамляюць, што міжнародная супольнасць даведалася пра гэты інцыдэнт, распачатая неадкладная эвакуацыя насельніцтва Прып'яці.

Па прыбыцці ў Прып'яць Хамюк папярэджвае Лягасава і Шчарбіну пра небяспеку новай катастрофы — паравога выбуху, які адбудзецца, калі расплаўленае ядзернае паліва працячэ ў размешчаныя пад рэактарам бакі-барбацёры, запоўненыя вадой пасля тушэння пажару. У Маскве Лягасаў просіць у Гарбачова дазволу адправіць трох чалавек на самагубную місію, каб адкрыць шлюзавы вентыль і пачаць адпампоўку вады з бакаў. Аляксей Ананенка, Валерый Бяспалаў і Барыс Баранаў выклікаюцца добраахвотнікамі і спускаюцца ў падвал з радыеактыўнай вадой. 
3 «Адкрыйся шырока, Зямля!» 
«Open Wide, O Earth»
Юхан Рэнк20 мая 20191.063[8]
 
4 «Шчасце ўсяго чалавецтва»[9] 
«The Happiness of All Mankind»
Юхан Рэнк27 мая 2019?
 
5 «Вечная памяць»[10] 
«Vichnaya Pamyat»
Юхан Рэнк3 чэрвеня 2019?
 

Вытворчасць[правіць | правіць зыходнік]

Распрацоўка[правіць | правіць зыходнік]

26 ліпеня 2017 года было абвешчана, што тэлеканал HBO замовіў серыял «Чарнобыль», што стала яго першай сумеснай вытворчасцю са Sky Television. Сцэнарый да пяцісерыйнага міні-серыялу павінен быў быць напісаны Крэйгам Мазінай, а рэжысёрам міні-серыяла павінен быў стаць Юхан Рэнк. Мазіна таксама павінен быў выступаць у якасці выканаўчага прадзюсара разам з Кэралін Штраус і Джэйн Фезэрстоўн, а Крыс Фрай і Рэнка выступалі ў якасці су-выканаўчых прадзюсараў[3][11].

11 сакавіка 2019 года стала вядома, што прэм'ера міні-серыялу адбудзецца 6 мая 2019 года[12].

28 сакавіка 2019 года ў інтэрнеце быў размешчаны трэйлер да будучага серыялу[13].

Здымкі[правіць | правіць зыходнік]

Асноўныя здымкі праходзілі ў Літве ў перыяд з красавіка па май 2018 года, а ў чэрвені — у Кіеве[11]. Большая частка натурных здымкаў энергаблокаў ЧАЭС адбывалася на Ігналінскай АЭС, якая мае рэактары таго ж тыпу (РБМК), што і Чарнобыльская АЭС. Здымкі гораду Прыпяць ажыццяўляліся ў Вільні, у раёне Фабіёнішкес[14].

Рэйтынгі[правіць | правіць зыходнік]

Міні-серыял «Чарнобыль» на Internet Movie Database (IMDb) атрымаў ад гледачоў большы рэйтынг чым вядомыя гіты «Breaking Bad» і «Гульня тронаў»[15].

Беларускі пераклад[правіць | правіць зыходнік]

Паўтара месяца спатрэбілася кампаніі velcom-a1, каб дамовіцца з «HBO», на платформе якога выйшаў «Чарнобыль», і ўласна перакласці ўсе пяць эпізодаў серыялу. 29 чэрвеня 2019 года серыял упершыню паказвалі на беларускай мове і на вялікім экране.

Ацэнкі[правіць | правіць зыходнік]

Пісьменніца Святлана Алексіевіч заявіла, што лічыць міні-серыял «Чарнобыль» найлепшым сярод экранізацый і пастановак «Чарнобыльскай малітвы». Яна ў прыватнасці сказала:[16]

"

Вельмі моцны фільм. Нешта такое там было знойдзена ў эстэтыцы, што прабіваецца да сучаснай свядомасці. Там ёсць і доля страху, ёсць развагі, ёсць прыгажосць. Гэта тое, што мяне заўсёды хвалявала ў зле, калі гэта не адкрытае зло, калі столькі ўсяго перамешана.

"

Зноскі[правіць | правіць зыходнік]

  1. Па панядзелках да 3 чэрвеня: тэлеканал НВО пачаў паказ міні-серыяла «Чарнобыль» «Euroradio.fm»
  2. belsat.eu
  3. 3,0 3,1 Petski, Denise ‘Chernobyl’ Miniseries Starring ‘The Crown’s Jared Harris Set By HBO & Sky — TCA (26 ліпеня 2017). Праверана 24 лістапада 2017.
  4. Emily Watson on her new TV drama, Chernobyl , The Scotsman, JPIMedia (May 4, 2019). Праверана 28 мая 2019.
  5. Беларускі акцёр серыялу «Чарнобыль»: «Паклікалі на ролю правай рукі прафесара, а стаў галоўным урачом» «Радыё Свабода»
  6. Metcalf, Mitch Updated: ShowBuzzDaily's Top 150 Monday Cable Originals & Network Finals: 5.6.2019 (англ.) . showbuzzdaily.com (7 мая 2019). Праверана 7 мая 2019.
  7. Metcalf, Mitch Updated: ShowBuzzDaily's Top 150 Monday Cable Originals & Network Finals: 5.13.2019 (англ.) . Showbuzz Daily (14 мая 2019). Праверана 14 мая 2019.
  8. Metcalf, Mitch Updated: ShowBuzzDaily's Top 150 Monday Cable Originals & Network Finals: 5.20.2019 (англ.) . Showbuzz Daily (21 мая 2019). Праверана 21 мая 2019.
  9. Chernobyl 04: The Happiness of All Mankind (англ.) . HBO. Праверана 1 красавіка 2019.
  10. Chernobyl 05: Vichnaya Pamyat (англ.) . HBO. Праверана 1 красавіка 2019.
  11. 11,0 11,1 Littleton, Cynthia HBO Sets ‘Chernobyl’ Miniseries to Star Jared Harris (26 ліпеня 2017). Праверана 24 лістапада 2017.
  12. HBO Miniseries Chernobyl Sets May Premiere Date
  13. HBO Chernobyl (2019) | Official Trailer | HBO (28 сакавіка 2019). Праверана 2 красавіка 2019.
  14. Vilniuje — tikras „Černobylis“: vaizdas gatvėse gniaužia kvapą. tv3.lt. Праверана 8 мая 2019.
  15. Серыял «Чарнобыль» апярэдзіў у рэйтынгах «Breaking Bad» і «Гульню тронаў» «Радыё Свабода»
  16. svaboda.org

Спасылкі[правіць | правіць зыходнік]

Шаблон:Чарнобыльская катастрофа