Альсевічы (Баранавіцкі раён)

Альсевічы
Краіна	Беларусь
Вобласць	Брэсцкая
Раён	Баранавіцкі
Сельсавет	Крошынскі
Каардынаты	53°10′52″ пн. ш. 26°09′02″ у. д.HGЯO
Насельніцтва	▼54 чал. (2019);
Часавы пояс	UTC+3
Тэлефонны код	+375 163
Аўтамабільны код	1
СААТА	1204830046

Альсе́вічы^[1] (трансліт.: Aĺsievičy, руск.: Ольсевичи) — вёска ў Баранавіцкім раёне Брэсцкай вобласці. Уваходзіць у склад Крошынскага сельсавета. Размешчана за 13 км на паўночны ўсход ад Баранавіч. 122 жыхары, 56 гаспадарак (2005).

Гісторыя

Вядома прынамсі з 1568 года, у «Прадажным лісце Асана Махмецевіча Улана Астафію Валовічу на дварэц Стайкі ад 03.01.1568» і «Прадажным лісце жонкі Асана Малікбашыча і яе сына Малікбашы Асанавіча на частку маёнтка Крошын ад 03.03.1570» згадваецца як служба цяглых сялян Алісеевічаў, то-бок нашчадкаў бліжэй не вядомага Алісея. Сучасная назва з’явілася ў ХІХ ст. і канчаткова замацавалася толькі ў ХХ ст.^[2]

Вёска Альсевічы (Olisiewicze) ёсць у спісе вёсак прыходу ўніяцкай царквы Адахаўшчына за 1680 год.^[3]

У сярэдзіне XIX стагоддзя вёска Альсевічы адносілася да прыходу праваслаўнай Свята-Ільінская царква (Адахаўшчына).^[4]

У 1880-я гады вёска Сталовіцкай воласці Навагрудскага павета Мінскай губерні. У 1897 годзе ў вёсцы існавала карчма.

З 1921 года ў складзе Польшчы, у Сталовіцкай гміне Баранавіцкага павета Навагрудскага ваяводства.

З 1939 года ў БССР. З 15 студзеня 1940 года ў Гарадзішчанскім раёне Баранавіцкай вобласці, з 8 студзеня 1954 — Брэсцкай вобласці, з 25 снежня 1962 года ў Баранавіцкім раёне.

У Вялікую Айчынную вайну з чэрвеня 1941 года да 8 ліпеня 1944 года акупіравана нямецка-фашысцкімі захопнікамі.

Насельніцтва

1880-я гады — 68 двароў, 546 жыхароў.
1897 год — 296 двароў, 683 жыхары.
пачатак XX ст. — 140 двароў, 750 жыхароў.
1939 год — 450 жыхароў.
1959 год — 446 жыхароў.
1970 год — 332 жыхары.
1998 год — 74 двары, 138 жыхароў.
2005 год — 122 жыхары, 56 гаспадарак

Вядомыя асобы

Анастасія Шлапакова (нар. 2000) — беларуская футбалістка. Выступала за нацыянальную зборную Беларусі.

Крыніцы

↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
↑ Дубейка В. М. Багрымаў Крашын / В. М. Дубейка. — Мінск: Чатыры чвэрці, 2019. — 212 с.: іл. ISBN 978-985-581-256-3. — С. 8-9.
↑ «Візіты ўніяцкіх цэркваў Мінскага і Навагрудскага сабораў 1680—1682 гг.» / Укладальнік Д. В. Лісейчыкаў. — Мінск: І. П. Логвінаў, 2009. — 270 с.
↑ Описание церквей и приходов Минской епархии, составленное по официально затребованным от причтов сведениям. Новогрудский уезд. 1879. — С. 134.

Літаратура

Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх

[1] Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)

[2] Дубейка В. М. Багрымаў Крашын / В. М. Дубейка. — Мінск: Чатыры чвэрці, 2019. — 212 с.: іл. ISBN 978-985-581-256-3. — С. 8-9.

[3] «Візіты ўніяцкіх цэркваў Мінскага і Навагрудскага сабораў 1680—1682 гг.» / Укладальнік Д. В. Лісейчыкаў. — Мінск: І. П. Логвінаў, 2009. — 270 с.

[4] Описание церквей и приходов Минской епархии, составленное по официально затребованным от причтов сведениям. Новогрудский уезд. 1879. — С. 134.

[1]

[2]

[3]

[4]