Марк Шагал

З пляцоўкі Вікіпедыя.
Перайсці да: рух, знайсці
Марк Шагал
Парыж, 1921
Парыж, 1921
Дата нараджэння:

7 ліпеня 1887(1887-07-07)
Месца нараджэння:

Сцяг Расіі
Сцяг Беларусі Віцебск, Расійская імперыя (цяпер Рэспубліка Беларусь)
Дата смерці:

28 сакавіка 1985(1985-03-28) (97 гадоў)
Месца смерці:

Сцяг Францыі Сен-Поль-дэ-Ванс, дэпартамент Прыморскія Альпы, Францыя
Паходжанне:

беларускі яўрэй
Грамадзянства:

Расійская імперыя, Францыя
Жанр:

мастак, паэт
Стыль:

Сюррэалізм, Экспрэсіянізм
Марк Шагал
4 ліпеня 1941.
Фота Carl Van Vechten
Партрэт М. Шагала працы Ю. Пэна

Марк Шагал (7 ліпеня 1887, Віцебск — 28 сакавіка 1985) — беларускі (у той час тэрыторыя Расійскай Імперыі) і французскі мастак. Бацька — Захар Мордухавiч. Дзед — Мордух Сегал, па невядомых прычынах змянiў прозвiшча на Шагал. Пры нараджэннi будучага мастака назвалі Маісеям, імя на Марка ён змяніў, калi пераехаў у Санкт-Пецярбург.

Біяграфія [правіць]

Пачатковую адукацыю атрымаў традыцыйную яўрэйскую — па Торы, Талмуду, з вывучэннем старажытнаяўрэйскай мовы. Увосені 1900 паступiў у гарадское чатырохкласнае вучылiшча з рамесным ухiлам, дзе дасягнуў поспехаў толькі ў маляванні і геаметрыі. У сям'і Шагалаў маляванне ў адпаведнасці з догмамі іўдаізму лічылася грэшным заняткам. Тым не менш, маці згадзілася з жаданнем сына і сама прывяла яго ў майстэрню адзінага тады ў Віцебску прафесійнага жывапісца Ю. Пена, дзе ён правучыўся два месяцы. У 1907 Марк Шагал накіраваўся працягваць мастацкую адукацыю ў Санкт-Пецярбург. Вучыўся ў рысавальнай школе пры Таварыстве заахвочвання мастацтваў, у прыватнай школе А. Званцавай.

У 1910 Марк Шагал паехаў у Парыж, дзе наведваў даступныя ўсiм жадаючым, так званыя «свабодныя Акадэмii» — знакамiтую Гранд Шам'ер на Манпарнасе i Ла Палет. Але галоўнай яго акадэмiяй сталi Луўр з палотнамi старых мастакоў, мастацкiя салоны i лаўкi Парыжу, у якiх можна было ўбачыць палотны iмпрэсiянiстаў, постiмпрэсiянiстаў i авангарда 1900-х гадоў. У 1912 Марк Шагал упершыню прыняў удзел у Асеннiм Салоне.

Летам 1914 ён вярнуўся ў Віцебск. Пасля рэвалюцыi з рэкамендацыi А. Луначарскага прызначаны паўнамоцным прадстаўніком па справах мастацтваў Віцебскай губерні. Стварыў Віцебскую народную мастацкую школу і ўзначальваў яе некаторы час. З 1919 кiраваў «Вольнай майстэрняй жывапiсу», дапамагаў у стварэннi Віцебскага музею сучаснага мастацтва, кiраваў мастацкім афармленнем Вiцебска ў гонар гадавiны рэвалюцыi. У чэрвені 1920 Марк Шагал пераехаў у Маскву, афармляў спектаклi i глядзельную залу Камернага яўрэйскага тэатра, выкладаў у працоўнай калоніі для беспрытульнікаў «III Інтэрнацыянал» пад Масквой.

The building of the People's Art School where the Vitebsk Museum of Modern Art was situated

У 1922 Марк Шагал з сям'ёй пераехаў у Берлін, дзе яшчэ ў 1914 адбылася яго выстаўка і засталіся работы, а ў 1923 пераехаў у Парыж. З гэтага часу сталiца Францыi стала для яго ўжо больш чым «другi Вiцебск». Мастак шмат працаваў, падарожнiчаў па Францыі і за яе межамі. У 1930-я гады адбыліся яго першыя рэтраспектыўныя выстаўкі. Мастак быў узнагароджаны першымі прэміямі. У 1940 Музей сучаснага мастацтва ў Нью-Ёрку запрасiў Шагала ў Амерыку, і ў чэрвені 1941 разам з сям'ёй і сваімі работамі ён адплыў у Нью-Ёрк, дзе ў 1943 сустрэўся з членамі яўрэйскага антыфашысцкага камiтэта С. Міхаэлсам і І. Феферам, якія прыехалі з Масквы ў Амерыку, і перадаў з імі на радзіму «Письмо моему родному Витебску».

У 1947 Марк Шагал упершыню пасля вайны прыехаў у Парыж у сувязi з адкрыццём сваёй рэтраспектыўнай выстаўкi, арганiзаванай Музеем сучаснага мастацтва, а ў 1948 вярнуўся ва Францыю назаўсёды. Менавiта ў гэты перыяд яго творчасць набыла сусветную вядомасць. Адна за другой адбываюцца выстаўкi жывапiсу, графікі, скульптуры мастака. Ён удастойваецца ганаровых званняў i ўзнагарод, сярод якiх — вышэйшая ўзнагарода Францыi Вялiкi крыж Ганаровага Легiёну. На працягу 1950-1970-х гг. ён выканаў мноства вітражоў i керамiчных пано для вядомых сабораў Францыі.

У 1973 у Ніцы адкрыўся Нацыянальны музей «Біблейскае пасланне Марка Шагала». У гэтым жа годзе Марк Шагал прыязджаў у Маскву i Ленiнград і перадаў у дар Дзяржаўнаму музею выяўленчага мастацтва імя А. С. Пушкіна 75 сваiх лiтаграфiй, а ў 1997 на радзіме мастака, у Віцебску, быў адкрыты мемарыяльны Дом-музей Марка Шагала. Нашчадкі мастака перадалі ў дар музею калекцыю яго графічных работ. Пачынаючы з 1991, у Віцебску штогод праходзяць Міжнародныя Шагалаўскія чытанні, адкрыты помнік Марку Шагалу работы віцебскага мастака А. Гвоздзікава.

На працягу творчасці Марк Шагал звяртаўся да розных відаў выяўленчага і прыкладнога мастацтва, але ўсёж перавагу аддаваў жывапісу. У яго жывапісе знайшлі сваё ўвасабленне нацыянальныя звычаі, роднасныя сувязі, віцебскія краявіды. На палотнах Марка Шагала жывуць рамеснікі і гандляры, мяснікі і рабіны, местачковыя скрыпачы і блазны, а таксама сяляне, жывёлы, цэрквы і дамы Віцебска, і, перш-на-перш, бацькоўскі дом («Віцебск», «Стары Віцебск», «Сіні дом у Віцебску», «Анёл над Віцебскам», «Я і мая вёска»). Шмат работ мастака прысвечана тэмам прыроды і кахання («Над горадам», «Бэла і Іда», «Бэла ў белым каўнерыку», «Шпацыр», «Блакітныя закаханыя», «Ружовыя закаханыя», «Зялёныя закаханыя», «La Mariée»).

Не абыдзена ў творчасці мастака і біблейская тэма («Белае распяцце», «Падзенне анёла», 17 палотнаў пад агульнай назвай «Біблейскае пасланне»). Творы Марка Шагала вылучаюцца жывапісным тэмпераментам, эмацыянальнасцю, пластычнай выразнасцю, сакавітым колерам і мяккім лірызмам. Свае сюжэты мастак трактуе ў гратэскна-сімвалічным і іранічна-фантастычным духу. З жывапісам шчыльна звязаная і графіка мастака. Асноўныя тэмы яго графічных работ — адвечныя моманты чалавечага і прыроднага існавання («Адам і Ева», «Мацярынства», «Каін і Авель»), родны горад (серыя літаграфій «Успаміны аб Віцебску»), тэатр і цырк. Вялікую частку графічных работ мастака складаюць ілюстрацыі да «Мёртвых душ» М. Гогаля, «Баек» Ж. Лафантэна, казак «Тысяча і адна ноч» і іншых выданняў.

Марк Шагал таксама добра вядомы як скульптар, керамік, майстар мазаік і габеленаў, але больш за ўсё як майстар вітража. Свае вітражныя работы ён ствараў не толькі для французскіх сабораў, але і для храмаў Рэймса, Цюрыха, Майнца, будынкаў ААН у Нью-Ёрку, сінагогі Медыцынскага цэнтра ў Іерусаліме, гатычнага сабора ў Мецы.

Марк Шагал пакінуў значную літаратурную спадчыну — дзённікі, лісты і вершы.

Творы [правіць]

  • Аўтапартрэт, 1914

  • 1993. Stamp of Belarus 0038.jpg
  • 1993. Stamp of Belarus 0039.jpg
  • 1993. Stamp of Belarus 0037.jpg

  • Чырвоная аголеная

8 лютага 2012 года на лонданскім аўкцыёне Christie’s за 650 000 долараў Белгазпрамбанкам у рамках карпаратыўнай праграмы «Мастакі парыжскай школы — выхадцы Беларусі» была выкуплена карціна «Закаханыя» (1981). Карціна стала адзінай жывапіснай працай на Радзіме мастака, да гэтага творчасць Марка Шагала ў Беларусі была прадстаўлена толькі некалькімі літаграфіямі ў Віцебску[1].

Некаторыя выданні мастацкіх твораў [правіць]

  • Шагал. Возвращение мастера [Изоматериал] : по материалам выставки в Москве к 100-летию со дня рождения художника: [альбом-каталог] / сост. М. А. Бессонова; авт. ст.: А. Вознесенский и др.]. — [2-е изд.]. — М.: Советский художник, 1989. — 327 с.: цв. репрод.
  • Марк Шагал = Marc Chagall [Выяўленчы матэрыял]: творы міжземнамор. перыяду, 1949—1985: гуашы, акварэлі, літаграфіі: [кат. выстаўкі] / Нац. маст. музей Рэсп. Беларусь і інш. [уступ. арт. С. Фарэсцье]. — Мн.: [б.в.], 1997. — 95 с.: каляр. рэпрад.
  • Марк Шагал. Пейзажи = Marc Chagall. Paysages [Изоматериал] / [авт. ст.: Б. Фасье и др.]. — [Б. м.: б. и.], 2002. — [29] с., [35] л. цв. репрод.
  • Марк Шагал і Біблія = Марк Шагал и Библия = Marc Chagall and the Bible [Изоматериал]: кат. прац са збору музея Марка Шагала ў Віцебску / [аўт.-уклад.: Ю. Сцепанец, Л. Хмяльніцкая]. — Віцебск: Музей Марка Шагала, 2002. — 95 с.: рэпрад.
  • Марк Шагал и сцена = Marc Chagall et la scene [Изоматериал]: [кат. выставки, Нац. худож. музей Респ. Беларусь (Минск), 7 июля — 12 сент. 2004 г., Музей Марка Шагала (Витебск), 15 сент. — 17 окт. 2004 г.]. — [Б. м. : б. и.], 2004. — [24] c., [40] л. цв. репрод.
  • Марк Шагал. Колер у чорна-белым = Marc Chagall. Farbe in Schwarz-Weib = Marc Chagall. La couleur en noir et blanc = Марк Шагал. Цвет в черно-белом [Выяўленчы матэрыял]: [альбом] / М-ва культуры Рэсп. Беларусь [і інш.]. — Мн: Юніпак, 2005. — 87 с.: рэпрад. — На бел., ням., фр. і рус. мовах.

Некаторыя літаратурныя творы [правіць]

  • Ангел над крышами: стихи. Проза. Статьи. Выступления. Письма / Марк Шагал; [пер. с идиш, сост., авт. предисл. и коммент.] Л. Беринский; [ил. М. Шагала]. — М.: Современник, 1989. — 222 с. : цв. ил.
  • Паэзія / Марк Шагал; [пер. з ідыш Р. Барадуліна, Л. Бярынскага; іл. М. Шагала]. — Мінск : Мастацкая літаратура, 1989. — 131 с. : каляр. іл.
  • Моя жизнь : [автобиогр. роман] / Марк Шагал; [пер. с фр. Натальи Мавлевич; предисл. Н. Апчинской]. — Санкт-Петербург : Азбука-классика, 2004. — 253 с. : ил.

Бібліяграфія [правіць]

Гл. таксама [правіць]

Зноскі

  1. ↑ TUT.BY: Картины Шагала и Сутина возвращаются в Беларусь

Спасылкі [правіць]

Узята з "http://be.wikipedia.org/w/index.php?title=Марк_Шагал&oldid=1591489"