Геаметрыя

Геаме́трыя — раздзел матэматыкі, які вывучае ўласцівасці і адносіны між аб'ектамі ў прасторы. Гэтыя аб'екты называюць фігурамі.

Геаметрыя падзяляецца на планіметрыю, якая вывучае фігуры на плоскасці, і стэрэаметрыю, якая вывучае фігуры ў прасторы. Інакш кажучы, планіметрыя — гэта двухмерная геаметрыя, а стэрэаметрыя — трохмерная.

Паняцці пункта, прамой і плоскасці з'яўляюцца зыходнымі паняццямі геаметрыі.

Геаметрыя — аксіяматычная навука. Яе аснову складае шэраг аксіём, на якіх будуюцца ўсе іншыя яе палажэнні.

Традыцыйная (еўклідава) геаметрыя вывучае фігуры, якія можна выявіць з дапамогай лінейкі і (або) цыркуля.

Аналітычная геаметрыя вывучае фігуры, якія з'яўляюцца графічным прадстаўленнем алгебраічных выразаў. Яна з'яўляецца «мастом», які злучае геаметрыю з алгебрай.

Дыферэнцыяльная геаметрыя вывучае геаметрычныя фігуры з выкарыстаннем сродкаў матэматычнага аналізу.

Гл. таксама

• Аксіёмы геаметрыі
• Канічныя сячэнні

Раздзелы матэматыкі