Сплюшка звычайная

З пляцоўкі Вікіпедыя
Перайсці да: рух, знайсці
Сплюшка звычайная
Centro provinciale (2).jpg
Навуковая класіфікацыя
Міжнародная навуковая назва

Otus scops Linnaeus, 1758

Арэал
выява
Ахоўны статус
Wikispecies-logo.svg
Сістэматыка
на Віківідах
Commons-logo.svg
Выявы
на ВікіСховішчы
ITIS   555376
NCBI   126827
EOL   1178238

Сплюшка, або зорка (Otus scops) — від птушак атрада совападобных.

Апісанне[правіць | правіць зыходнік]

Памер цела 15-20 см, маса 60-130 г, размах крылаў да 50 см. Афарбоўка шэра-карычневая, з белымі плямамі на плечавым пер'і, цёмнымі стракацінамі і тонкім струменьковым малюнкам; як у многіх відаў роду існуюць шэрая і карычневая (рудая) каляровыя фазы. Радужына жоўтая, радзей аранжавая. Крык сплюшкі — сумны меладычная посвіст «сплю-ю» або «сплю-плю», аднаскладовы ў самца, двухскладовы ў саміцы. Паўтараецца з інтэрвалам 2-3 секунды. За крык птушка і атрымала назву.

Пашырэнне[правіць | правіць зыходнік]

Арэал: Паўднёвая, Цэнтральная і Усходняя Еўропа, Малая Азія, Заходняя і Цэнтральная Азія праз Алтай да Японіі, Прыморскага краю, Маньчжурыі, Кітая і Тайваня, на поўдні да Ірана, Пакістана і Андаманскіх а-воў, Паўночна-Заходняя Афрыка.

Насяляе лісцевыя або мяшаныя лясы, групы высокіх лісцевых дрэў на пагоркавых тэрыторыях, берагі ручаёў, зарослыя старымі дрэвамі, алеі, старыя сады, плантацыі алівак, вінаграднiкi, паркі, прыдарожныя дрэвы, дарогі, абсаджаныя дрэвамі, гарадскія насаджэнні ў малых і нават вялікіх гарадах. У Альпах даходзіць да 1500 м, на Каўказе — да 1700 м, а ў Туркменістане — да 2000 м над у.м.

Пералётны від, паўднёвыя папуляцыі аселыя. Залятае ў Паўночную і Заходнюю Еўропу (Данія, Галандыя, Бельгія, Вялікабрытанія, Ірландыя, Ісландыя, Фарэрскiя а-вы, Люксембург, Германiя, Нарвегія, Швецыя, Латвія, Літва, Польшча, таксама на Мадэйру). На Беларусі вельмі рэдкі на гнездаванні пералётны від. Месца зімовак еўрапейскіх папуляцый — у трапічнай Афрыцы.

Асаблівасці біялогіі[правіць | правіць зыходнік]

Гняздо робіць у дуплах, скальных шчылінах, у будынках і сценах, зрэдку — у пакiнутых гнёздах варон і сарок; займае гнездавыя скрынкі. Яно без высцілкі.

Яйкі (4-5, часам 2-7) уздутыя з аднолькавымі тупымі канцамі, часам амаль акруглыя, белыя, з моцным бляскам. Памеры: 32,0 х 27,5 мм.

Літаратура[правіць | правіць зыходнік]

  • Птушкі Еўропы: Палявы вызначальнік / пад рэд. М. Нікіфарава. — Варшава: Навуковае выдавецтва ПНВ, 2000.
  • Е. А. Коблик. Разнообразие птиц, часть 3. Москва, Издательство Московского университета, 2001