Нарачанскі сельсавет (Вілейскі раён)
Нарачанскі сельсавет | |
---|---|
Краіна | Беларусь |
Статус | Сельсавет |
Уваходзіць у | Вілейскі раён |
Уключае | 35 населеных пунктаў |
Адміністрацыйны цэнтр | аграгарадок Нарач |
Дата ўтварэння | 11 верасня 1975 |
Старшыня сельсавета | Бяганскі Анатоль Ксенафонтавіч |
Кіраўнік справамі | Абрамчык Алена Мікалаеўна |
Насельніцтва (2011) | 1 652 |
Плошча | 170,9 км² |
Часавы пояс | UTC+3 |
Тэлефонны код | +375 1771 |
Код аўтам. нумароў | 5 |
Афіцыйны сайт | |
Тэлефоны сельсавета | 4-82-35, 4-82-36 |
Нарачанскі сельсавет — сельсавет на тэрыторыі Вілейскага раёна Мінскай вобласці Рэспублікі Беларусь.
Геаграфічнае становішча
Размешчаны ў заходняй частцы Вілейскага раёна. Цэнтр сельсавета — аграгарадок Нарач знаходзіцца ў 17 кіламетрах ад райцэнтра горада Вілейка, у 115 кіламетрах ад горада Мінска. Нарачанскі сельсавет мяжуе з Іжскім, Любанскім, Асіпавіцкім сельсаветамі Вілейскага раёна і Войстамскім сельсаветам Смаргонскага раёна Гродзенскай вобласці.
Гісторыя
Нарачанскі сельсавет утвораны ў 1975 годзе.
Дэмаграфія
Усяго насельніцтва (2011 год) у сельсавеце — 1652, у тым ліку:
- Маладзей працаздольнага ўзросту — 246
- Працаздольнага ўзросту — 936
- Старэй працаздольнага ўзросту — 470
Склад
Нарачанскі сельсавет уключае 35 населеных пунктаў:
- Бабішча — вёска.
- Бараўцы — вёска.
- Вайдзені — вёска.
- Гіры — вёска.
- Доўгае — вёска.
- Жарсцвянка — вёска.
- Заброддзе — вёска.
- Кавалі — вёска.
- Камарышкі — вёска.
- Канстанполле — вёска.
- Кардон — вёска.
- Касічы — вёска.
- Клаўсюты — вёска.
- Красніца — вёска.
- Кузьмішкі — вёска.
- Купля — вёска.
- Ляхаўшчына — вёска.
- Маргі — вёска.
- Мардасы — вёска.
- Мацэвічы — вёска.
- Мішуты — вёска.
- Мячаі — вёска.
- Набарэжная — вёска.
- Навасады — вёска.
- Нарач — аграгарадок.
- Падкленне — вёска.
- Папоўцы — вёска.
- Парамец 2 — вёска.
- Прынта — вёска.
- Радзевічы — вёска.
- Рускае Сяло — вёска.
- Ручыца — вёска.
- Урэчча — вёска.
- Ялажычы — вёска.
- Ярмолічы — вёска.
Вытворчая сфера
- Нарачанскае лясніцтва ДЛГУ «Вілейскі лясгас»
- ДУП «Вілейская ЖКГ» кацельная Нарач
- ПАВП-16
- ААТ «Нарачанскія зоры»
- ААТ «Вілейскі райаграсэрвіс» дапаможная гаспадарка «Дружба»
Сацыяльна-культурная сфера, адпачынак
- Ахова здароўя: сельская доктарская амбулаторыя, 2 фельчарска-акушэрскіх пункта
- Адукацыя: сярэдняя агульнаадукацыйная школа, дашкольная ўстанова
- Культура: СДК, клуб-бібліятэка.
- У вёсцы Красніца размешчана аграэкасядзіба «Рачная», у вёсцы Навасады — «Таямніца».
Вядомыя асобы
- Сымон Барыс — 20 мая 1937, — беларускі педагог, журналіст, фалькларыст, этнограф, гісторык, краязнаўца. Выпускнік Рускасельскай сярэдняй школы.[1]