Царква Нараджэння Хрыстовага (Слуцк)

Царква Нараджэння Хрыстовага
	Славутасць
Царква Нараджэння Хрыстовага
Краіна	Беларусь
Горад	Слуцк
Канфесія	Праваслаўе
Епархія	Слуцкая
Першае згадванне	XVI стагоддзе
Дата пабудовы	1762 год
Стан	страчана

Дагледжаная версія гэтай старонкі, зацверджаная 11 лютага 2020, была заснавана на гэтай версіі.

Царква Нараджэння Хрыстовага ці Раждзественская царква,Востраўская — колішні драўляны праваслаўны храм у горадзе Слуцку Мінскай вобласці.

Гісторыя

Першая вядомая царква Нараджэння Хрыстовага ў гістарычных дакументах узгадваецца з XVI стагоддза, але дакладны час заснавання яе невядомы, як невядома і месца, дзе яна спачатку знаходзілася. На планах горада XVIII стагоддзя царква паказана ў Старым горадзе на вуліцы Востраўскай (цяпер месца непадалёку ад Маладзёжнага цэнтра).

У 1762 годзе на тым жа мейсцу былы ўзведзена новая драўляная царква.

Пасля рэвалюцыі царкву была закрыта, у 1926 годзе ўзялі пад ахову дзяржавы як помнік архітэктуры. У 1941 годзе на пачатку вайны пры налёце нямецкай авіяцыі яна згарэла разам з іншымі царкоўнымі будынкамі.

Архітэктура

Царква была невялікая, пабудаваная з драўляных часаных брусоў. Галоўны аб’ём — чацвярык, завершаны нязначным па вышыні васмярыком, які пакрываў вялікі купалападобны шацёр з маленькім купалком на глухім барабане. Па баках і з галоўнага фасаду храм быў абнесены ўдвая меншай па вышыні галерэяй. Меліся тры, галоўны і два бакавыя, уваходы з ганкамі пад двухсхільнымі дахамі на слупах. Алтарная частка, да якой далучаліся дзяканнік і панамарнік, уяўляла сабою невялікі стромкі двух’ярусны чацвярык пад двухсхільным дахам. Сцены, звонку ашаляваныя дошкамі, праразаліся вузкімі лучковымі вокнамі. Ваконныя ліштвы, інтэр’ер і іканастас былі багата аздоблены разьбою, а сцены да 1870 года ўпрыгожваў манументальны роспіс. З правага боку ад уваходу на царкоўны пляц стаяла драўляная званіца, злева ад храма быў жылы царкоўны дом. У царкве спалучаліся рысы драўляных храмаў ярусна-восевага і цэнтрычнага тыпу. Мела яна рысы стылю барока^[1].

Зноскі

↑ Праваслаўныя храмы Слуцка

Літаратура

Памяць. Слуцкі раён, Слуцк. Кн.1, Мн. 2000.

[1] Праваслаўныя храмы Слуцка

[1]

Славутасці Слуцка
Раёны і кварталы	Гарадзішча • Стары горад • Новы горад • Востраў • Трайчаны • Выгода
Умацаванні	Верхні замак^† • Ніжні замак^† • Гарадскія ўмацаванні^†: Цытадэль (Новы замак)^† • Віленская брама^† • Капыльская брама^† • Востраўская брама^† • Навамейская брама^†
Палацы і сядзібы	Палац Радзівілаў^† • Стары палац Радзівілаў^†
Грамадскія будынкі і збудаванні	Ратуша^† • Дваранскі сход^ГКК • Паштовая станцыя^ГКК • Духоўнае вучылішча • Мужчынская гімназія • Дом культуры • Гарадскі стадыён
Музеі	Слуцкі краязнаўчы музей
Помнікі і мемарыялы	Помнік Сафіі Слуцкай
Манастыры, саборы і храмы	Свята-Міхайлаўская царква^ГКК • Свята-Аляксандра-Неўская царква • Трайчанскі манастыр^† • Ільінскі манастыр^† • Свята-Варварынская царква^† • Свята-Мікалаеўскі сабор^† • Свята-Раства-Багародзіцкая царква^† Свята-Казьма-Дзям’янаўская царква • Свята-Іаана-Прадцечанская царква^† • Свята-Успенская царква^† • Свята-Георгіеўская царква^† • Свята-Стэфанаўская царква^† • Свята-Васкрасенская царква^† • Царква Сімяона-Стоўпніка^† • Царква Нараджэння Хрыстовага^† • Надбрамная царква Іаана Багаслова^† • Касцёл Святога Антонія Падуанскага^† і кляштар бернардзінцаў • Касцёл Святога Духа і кляштар езуітаў^† • Касцёл і калегіум езуітаў^† • Фарны касцёл^† • Касцёл Святога Антонія • Свята-Варварынская капліца • Капліца^† • Кальвінскі збор^† • Харальная сінагога^† • Слуцкая халодная сінагога^†
Вуліцы	Віленская вуліца
^† страчаныя аб’екты ^ГКК маюць статус ГКК РБ