Надбрамная царква Іаана Багаслова
Славутасць | |
Надбрамная царква Іаана Багаслова | |
---|---|
![]() | |
53°01′00″ пн. ш. 27°32′39″ у. д.HGЯO | |
Краіна |
![]() |
Горад | Слуцк |
Канфесія | Праваслаўе |
Тып будынка | Царква |
Першае згадванне | XVII стагоддзе |
Будаўніцтва | 1870 |
Стан | страчана |
Надбрамная царква Іаана Багаслова — колішні праваслаўны храм у горадзе Слуцку Мінскай вобласці.
Гісторыя
[правіць | правіць зыходнік]![](http://upload.wikimedia.org/wikipedia/commons/thumb/c/cf/S%C5%82ucak%2C_Traj%C4%8Dany%2C_Vilenskaja._%D0%A1%D0%BB%D1%83%D1%86%D0%B0%D0%BA%2C_%D0%A2%D1%80%D0%B0%D0%B9%D1%87%D0%B0%D0%BD%D1%8B%2C_%D0%92%D1%96%D0%BB%D0%B5%D0%BD%D1%81%D0%BA%D0%B0%D1%8F_%281901-17%29.jpg/220px-S%C5%82ucak%2C_Traj%C4%8Dany%2C_Vilenskaja._%D0%A1%D0%BB%D1%83%D1%86%D0%B0%D0%BA%2C_%D0%A2%D1%80%D0%B0%D0%B9%D1%87%D0%B0%D0%BD%D1%8B%2C_%D0%92%D1%96%D0%BB%D0%B5%D0%BD%D1%81%D0%BA%D0%B0%D1%8F_%281901-17%29.jpg)
Па звестках за 1678 год Троіцкі манастыр быў абнесены драўлянай сцяной. На вуліцы Трайчанскай знаходзілася драўляная брама, якая мела два ўваходныя праёмы і з бакоў фланкіравалася двума абарончымі вежамі. Паміж вежамі другім ярусам над уваходам размяшчалася драўляная царква святога Мікіты.
У 1870 годзе брама змяніла свой выгляд і над уваходным праёмам узводзіцца мураваная царква Іаана Багаслова. Пабудова атрымала сіметрычны пірамідальны характар у руска-візантыйскім стылі. Надбрамная царква — прамавугольны ў плане аб’ём з арачнымі ваконнымі праёмамі і схільным дахам, завершаны светлавым чацвярыком са зрэзанымі вугламі, які пакрываў гранёны шацёр з невялікім купалком. Прыпісалі Іаанабагаслоўскую царкву да духоўнага вучылішча, што знаходзілася побач з манастыром. Не стала манастырскай брамы ў 1930-я гады, на яе месцы быў узведзены корпус Дома афіцэраў[1].
Зноскі
Літаратура
[правіць | правіць зыходнік]- Памяць. Слуцкі раён, Слуцк. Кн.1, Мн. 2000.