Свята-Стэфанаўская царква (Слуцк)
Славутасць | |
Свята-Стэфанаўская царква | |
---|---|
53°00′21″ пн. ш. 27°32′01″ у. д.HGЯO | |
Краіна |
![]() |
Месцазнаходжанне | Слуцк |
Канфесія | Праваслаўе |
Першае згадванне | XVII стагоддзе |
Дата скасавання | 1950-я |
Стан | страчана |
![]() |
Свята-Стэфанаўская царква — колішні драўляны праваслаўны храм у горадзе Слуцку Мінскай вобласці.
Гісторыя[правіць | правіць зыходнік]
![](http://upload.wikimedia.org/wikipedia/commons/thumb/7/77/S%C5%82ucak%2C_Traj%C4%8Danskaja%2C_Stefana%C5%ADskaja._%D0%A1%D0%BB%D1%83%D1%86%D0%B0%D0%BA%2C_%D0%A2%D1%80%D0%B0%D0%B9%D1%87%D0%B0%D0%BD%D1%81%D0%BA%D0%B0%D1%8F%2C_%D0%A1%D1%82%D1%8D%D1%84%D0%B0%D0%BD%D0%B0%D1%9E%D1%81%D0%BA%D0%B0%D1%8F_%281800-50%29.jpg/250px-S%C5%82ucak%2C_Traj%C4%8Danskaja%2C_Stefana%C5%ADskaja._%D0%A1%D0%BB%D1%83%D1%86%D0%B0%D0%BA%2C_%D0%A2%D1%80%D0%B0%D0%B9%D1%87%D0%B0%D0%BD%D1%81%D0%BA%D0%B0%D1%8F%2C_%D0%A1%D1%82%D1%8D%D1%84%D0%B0%D0%BD%D0%B0%D1%9E%D1%81%D0%BA%D0%B0%D1%8F_%281800-50%29.jpg)
Дакладны час з’яўлення царквы святога першапакутніка архідыякана Стэфана невядомы. У дакументах звесткі пра яе сустракаюцца з другой паловы XVII стагоддзя, адна з найранейшых згадак датавана 1657 годам. У 1661 годзе яна згадваецца як збяднелая і перададзеная пад апеку Спаскага брацтва. Пры царкве ў тыя часы меўся шпіталь для ўтрымання хворых і ўбогіх, які захоўваўся і пазней.
Размяшчаўся царкоўны пляц у прадмесці Трайчаны, па правым боку Трайчанскай вуліцы перад Трайчанскім ручаём. На плане Слуцка канца XVIII стагоддзя царква паказана алтарнай часткай да вуліцы (на паўднёвы ўсход), правей ад яе знаходзілася квадратная ў плане званіца.
У пачатку XIX стагоддзя царква свайго прыхода ўжо не мела. Калі наладзілася дзейнасць заснаванай пры Троіцкім манастыры духоўнай семінарыі, была пераведзена ў падпарадкаванне гэтай навучальнай установе. У якасці семінарскай дзейнічала да 1840 года.
![](http://upload.wikimedia.org/wikipedia/commons/thumb/4/48/S%C5%82ucak%2C_Traj%C4%8Danskaja%2C_Stefana%C5%ADskaja._%D0%A1%D0%BB%D1%83%D1%86%D0%B0%D0%BA%2C_%D0%A2%D1%80%D0%B0%D0%B9%D1%87%D0%B0%D0%BD%D1%81%D0%BA%D0%B0%D1%8F%2C_%D0%A1%D1%82%D1%8D%D1%84%D0%B0%D0%BD%D0%B0%D1%9E%D1%81%D0%BA%D0%B0%D1%8F_%281901-17%29.jpg/220px-S%C5%82ucak%2C_Traj%C4%8Danskaja%2C_Stefana%C5%ADskaja._%D0%A1%D0%BB%D1%83%D1%86%D0%B0%D0%BA%2C_%D0%A2%D1%80%D0%B0%D0%B9%D1%87%D0%B0%D0%BD%D1%81%D0%BA%D0%B0%D1%8F%2C_%D0%A1%D1%82%D1%8D%D1%84%D0%B0%D0%BD%D0%B0%D1%9E%D1%81%D0%BA%D0%B0%D1%8F_%281901-17%29.jpg)
Пасля таго, як духоўную семінарыю са Слуцка перавялі ў Мінск, царкву перанеслі далей ад горада, за манастыр, на Трайчанскія могілкі. З гэтага часу Стэфанаўская царква вядома як могілкавая трайчанская, прыпісаная да гарадской Уваскрэсенскай царквы.
У 1932 годзе Стэфанаўская царква была закрыта, яе пачалі разбураць. У паўразбураным стане заставалася да пачатку 1950-х гадоў, потым яе разабралі[1].
Абраз «Узнясенне»[правіць | правіць зыходнік]
![](http://upload.wikimedia.org/wikipedia/commons/thumb/2/29/%D0%90%D0%B1%D1%80%D0%B0%D0%B7_%D0%A3%D0%B7%D0%BD%D1%8F%D1%81%D0%B5%D0%BD%D0%BD%D0%B5_%D1%81%D0%B0_%D0%A1%D1%82%D1%8D%D1%84%D0%B0%D0%BD%D0%B0%D1%9E%D1%81%D0%BA%D0%B0%D0%B9_%D1%86%D0%B0%D1%80%D0%BA%D0%B2%D1%8B_%D1%81%D0%B0_%D0%A1%D0%BB%D1%83%D1%86%D0%BA%D0%B0.jpg/220px-%D0%90%D0%B1%D1%80%D0%B0%D0%B7_%D0%A3%D0%B7%D0%BD%D1%8F%D1%81%D0%B5%D0%BD%D0%BD%D0%B5_%D1%81%D0%B0_%D0%A1%D1%82%D1%8D%D1%84%D0%B0%D0%BD%D0%B0%D1%9E%D1%81%D0%BA%D0%B0%D0%B9_%D1%86%D0%B0%D1%80%D0%BA%D0%B2%D1%8B_%D1%81%D0%B0_%D0%A1%D0%BB%D1%83%D1%86%D0%BA%D0%B0.jpg)
Ікона Узнясення Хрыстова са Стэфанаўскай царквы да вайны знаходзілася ў зборах Беларускага дзяржаўнага музея ў Мінску. Была вывезена з тэрыторыі Беларусі падчас Другой сусветнай вайны. Пасля вайны перададзена на захаванне ў Беларускі дзяржаўны музей гісторыі Вялікай Айчыннай вайны. У 1954 годзе перададзена ў Дзяржаўны мастацкі музей БССР[2].
Зноскі
- ↑ Игорь Титковский.. Стэфанаўская царква . Наследие Слуцкого края (3 красавіка 2018).
- ↑ Абраз «Узнясенне»
Літаратура[правіць | правіць зыходнік]
- Памяць. Слуцкі раён, Слуцк. Кн.1, Мн. 2000.