Аляксандр Завадскі

Аляксандр Завадскі польск.: Aleksander Zawadzki
Фатаграфія
2-і Старшыня Дзяржаўнага савета ПНР
20 лістапада 1952 — 7 жніўня 1964
Папярэднік:	Баляслаў Берут
Пераемнік:	Эдвард Ахаб
Партыя:	Польская аб'яднаная працоўная партыя[d] і Польская працоўная партыя[d]
Дзейнасць:	палітык, ваеннаслужачы
Веравызнанне:	атэізм
Нараджэнне:	16 снежня 1899(1899-12-16) Дамброва-Гурніча, Расійская імперыя
Смерць:	7 жніўня 1964(1964-08-07) (64 гады) Варшава, Польская Народная Рэспубліка
Пахаванне:	Вайсковыя Павонзкі[d]
Узнагароды:

Аляксандр Завадскі (польск.: Aleksander Zawadzki) (20 снежня 1899, Бендзін, Расійская імперыя — 7 жніўня 1964, Варшава, ПНР) — польскі дзяржаўны дзеяч, Старшыня Дзяржаўнага савета Польскай народнай Рэспублікі ў 1952—1964 гадах.

Біяграфія

Нарадзіўся ў горадзе Бендзін (на той момант — Германская імперыя, цяпер — Польшча). З 1915 года — рабочы па найму ў сельскай гаспадарцы, затым у металургіі і шахтах. У 1922 годзе стаў членам Камуністычнага саюза моладзі Польшчы (КСМП), з 1923 года — член Камуністычнай партыі Польшчы. За сваю рэвалюцыйную дзейнасць быў неаднаразова арыштаваны і правёў у турме больш за 11 гадоў.

З 1939 года — у СССР, удзельнічае ў арганізацыі Саюза польскіх патрыётаў і Войска Польскага. У 1944—1945 гадах — начальнік штаба партызан у Польшчы і намеснік камандуючага Войска Польскага па палітычнай частцы.

Пасля заканчэння Другой сусветнай вайны ў 1945—1948 гадах быў упаўнаважаным урада ў Сілезіі, затым — ваяводам Дамброўскі-Сілезскага ваяводства. З снежня 1948 г. становіцца членам ЦК і Палітбюро ЦК Польскай аб'яднанай рабочай партыі (ПАРП). У 1949—1952 — намеснік старшыні Савета Міністраў.

20 лістапада 1952 стаў Старшынёй Дзяржаўнага савета Польскай народнай Рэспублікі і захаваў за сабой гэты пост да сваёй смерці 7 жніўня 1964. Памёр у Варшаве.