Будынак Камерцыйнага банка (Гомель)
Славутасць | |
Будынак Камерцыйнага банка | |
---|---|
![]() Будынак камерцыйнага банка, 2021 г. | |
52°25′42″ пн. ш. 31°00′47″ у. д.HGЯO | |
Краіна | |
Месцазнаходжанне | |
Архітэктурны стыль | гістарызм[d], мадэрн, класіцызм і ракако |
Архітэктар | Станіслаў Данілавіч Шабунеўскі |
Дата заснавання | 1901 |
![]() |
Будын́ак Камерцы́йнага ба́нка (Буды́нак Ві́ленскага камерцы́йнага ба́нка) — помнік грамадскай архітэктуры гістарызму ў Гомелі. Пабудаваны ў 1910 годзе (архітэктар Станіслаў Шабунеўскі) на рагу вуліц Румянцаўскай і Троіцкай (цяпер Савецкая і Сялянская 17/10). У архітэктуры будынка прасочваецца ўплыў архітэктуры ракако.
Гісторыя
[правіць | правіць зыходнік]![](http://upload.wikimedia.org/wikipedia/commons/thumb/1/11/Homiel%2C_Prabojnaja-Trajeckaja%2C_Vilenski._%D0%93%D0%BE%D0%BC%D0%B5%D0%BB%D1%8C%2C_%D0%9F%D1%80%D0%B0%D0%B1%D0%BE%D0%B9%D0%BD%D0%B0%D1%8F-%D0%A2%D1%80%D0%B0%D0%B5%D1%86%D0%BA%D0%B0%D1%8F%2C_%D0%92%D1%96%D0%BB%D0%B5%D0%BD%D1%81%D0%BA%D1%96_%281901-17%29.jpg/220px-Homiel%2C_Prabojnaja-Trajeckaja%2C_Vilenski._%D0%93%D0%BE%D0%BC%D0%B5%D0%BB%D1%8C%2C_%D0%9F%D1%80%D0%B0%D0%B1%D0%BE%D0%B9%D0%BD%D0%B0%D1%8F-%D0%A2%D1%80%D0%B0%D0%B5%D1%86%D0%BA%D0%B0%D1%8F%2C_%D0%92%D1%96%D0%BB%D0%B5%D0%BD%D1%81%D0%BA%D1%96_%281901-17%29.jpg)
У 1873 годзе ў Вільні быў закладзены Віленскі прыватны камерцыйны банк, і неўзабаве адно з ягоных аддзяленняў адкрылася ў Гомелі. Для яго быў збудаваны дом на рагу вуліц Румянцаўскай і Троіцкай паводле праекта архітэктара Станіслава Шабунеўскага.
У часы Другой сусветнай вайны будынак пашкоджаны, рэканструяваны ў 1947 годзе. У будынку размяшчаўся Гомельскі абкам камсамола. Цяпер у ім, сярод іншых, месціцца ўпраўленне адукацыі Гомельскага гарадскога выканаўчага камітэта.
Архітэктура
[правіць | правіць зыходнік]Мураваны 3-павярховы Г-падобны ў плане будынак. Фасады падзелены прафіляваным карнізным поясам на 2 ярусы: ніжні (1-ы паверх, у якім размяшчаліся канторскія памяшканні, зроблены ў выглядзе цокаля, мае руставаныя прасценкі паміж аконнымі праёмамі; верхні аб’ядноўвае 2-гі і 3-і паверхі, дзе былі жылыя пакоі. Кампазіцыю верхняга яруса ўтварае рытм завершаных маскаронамі ў складаных паводле формы картушах пілястраў, паміж якімі размешчаны нішы з 2 парамі прамавугольных аконных праёмаў. Прасценкі паміж вокнамі аформлены пілястрамі (у 2-м паверсе завершаны мадульёнамі, у 3-м вырашаны ў выглядзе гермы на канеліраваным плоскім пастаменце). Паміж 2-м і 3-м паверхамі скульптурныя ўстаўкі з насычаным раслінным арнаментам. Высокі антаблемент з арнаментаваным лепкай фрызам і вынесеным наперад прафіляваным карнізам на дэкаратыўных мадульёнах, завершаны нізкім крапаваным атыкам. На 3-м паверсе размешчаны балконы, упрыгожаныя каванай агароджай. Цэнтр галоўнага фасада (на вул. Сялянскай) вылучаны рызалітам, галоўны ўваход — паўкалонамі іанічнага ордара.
Літаратура
[правіць | правіць зыходнік]- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.