Будынак Камерцыйнага банка (Гомель)

З пляцоўкі Вікіпедыя
Jump to navigation Jump to search
Будынак
Будынак Камерцыйнага банка
Гомель. Будынак камерцыйнага банка.jpg
52°25′36,86″ пн. ш. 31°00′49,48″ у. д.HGЯO
Краіна Беларусь
Горад Гомель
Архітэктурны стыль гістарызм
Аўтар праекта С. Шабунеўскі
Дата заснавання 1901

Будынак Камерцыйнага банка (Будынак Віленскага камерцыйнага банка) — помнік грамадскай архітэктуры гістарызму. Пабудаваны ў 1910 годе (арх. С. Шабунеўскі) на рагу вуліц Румянцаўскай і Троіцкай (сучасныя вуліцы Савецкая і Сялянская 17/10). У архітэктуры будынка прасочваецца ўплыў архітэктуры ракако.

Архітэктура[правіць | правіць зыходнік]

Мураваны 3-павярховы Г-падобны ў плане будынак. Фасады падзелены прафіляваным карнізным поясам на 2 ярусы: ніжні (1-ы паверх, у якім размяшчаліся канторскія памяшканні, вырашаны ў выглядзе цокаля, мае руставаныя прасценкі паміж аконнымі праёмамі; верхні аб'ядноўвае 2-гі і 3-і паверхі, дзе знаходзіліся жылыя пакоі. Кампазіцыю верхняга яруса ўтварае рытм завершаных маскаронамі ў складаных па форме картушах пілястраў, паміж якімі размешчаны нішы з 2 парамі прамавугольных аконных праёмаў. Прасценкі паміж вокнамі аформлены пілястрамі (у 2-м паверсе завершаны мадульёнамі, у 3-м вырашаны ў выглядзе гермы на канеліраваным плоскім пастаменце). Паміж 2-м і 3-м паверхамі скульптурныя ўстаўкі з насычаным раслінным арнаментам. Высокі антаблемент з арнаментаваным лепкай фрызам і вынесеным наперад прафіляваным карнізам на дэкаратыўных мадульёнах, завершаны нізкім крапаваным атыкам. На 3-м паверсе размешчаны балконы, упрыгожаныя каванай агароджай. Цэнтр галоўнага фасада (на вул. Сялянскай) вылучаны рызалітам, галоўны ўваход — паўкалонамі іанічнага ордэра. У будынку размяшчаўся Гомельскі абком камсамола.

Літаратура[правіць | правіць зыходнік]

  • Архітэктура Беларусі: Энцыклапедычны даведнік. — Мн.: БелЭн, 1993. — 620 с.: іл. — ISBN 5-85700-078-5.