Бялькоўшчынскі сельсавет

Бялькоўшчынскі сельсавет
Краіна	Беларусь
Уваходзіць у	Верхнядзвінскі раён
Уключае	32 населеныя пункты
Адміністрацыйны цэнтр	Бялькоўшчына
Дата ўтварэння	20 жніўня 1924
Насельніцтва (2009)	2 971
Часавы пояс	UTC+03:00
Код аўтам. нумароў	2

Бялько́ўшчынскі сельсаве́т — адміністрацыйна-тэрытарыяльная адзінка ў складзе Верхнядзвінскага раёна Віцебскай вобласці. Цэнтр — аграгарадок (да 2010 г. вёска) Бялькоўшчына.

Утвораны 20 жніўня 1924 года ў складзе Дрысенскага раёна Полацкай акругі БССР. Цэнтр — маёнтак Бялькоўшчына. 21 жніўня 1925 года перайменаваны ў Жоўнінскі сельсавет, цэнтр перанесены ў вёску Жоўніна. Пасля скасавання акруговай сістэмы з 26 ліпеня 1930 года ў Дрысенскім раёне БССР, з 21 чэрвеня 1935 года — Полацкай акругі, з 20 лютага 1938 года — Віцебскай вобласці, з 20 верасня 1944 года — Полацкай вобласці, з 8 студзеня 1954 года — Віцебскай вобласці. 25 снежня 1962 года Дрысенскі раён перайменаваны ў Верхнядзвінскі. У 1971 годзе скасаваны вёскі Валькова і Журкі, у 1987 годзе — вёскі Асёткі, Быстрыцы, Казачкі, Шыпілкі. 29 чэрвеня 1995 года цэнтр сельсавета перанесены ў вёску Бялькоўшчына. 8 красавіка 2004 года Жоўнінскі сельсавет перайменаваны ў Бялькоўшчынскі, да сельсавета далучана тэрыторыя скасаванага Галубаўскага сельсавета (вёскі Балоціна, Вераб'ёва, Галубава, Жоўтаўшчына, Забор'е, Зара, Крыськава, Лакісава, Лаўрукі, Матукі, Пользіна, Пушталёва, Сакалоўшчына, Свіраўшчына, Ульянова).

27 чэрвеня 2008 года скасаваны вёскі Барсукі, Матукі і Паташня.

Насельніцтва сельсавета паводле перапісу 2009 года — 2971 чалавек, з іх 92,2 % — беларусы, 5,6 % — рускія.

Літаратура

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.