Максім Юр’евіч Рамашчанка

Максім Рамашчанка
Агульная інфармацыя
Поўнае імя	Максім Юр'евіч Рамашчанка
Нарадзіўся	31 ліпеня 1976(1976-07-31) (44 гады) Паўлаград, Днепрапятроўская вобласць, УССР, СССР
Грамадзянства	Беларусь Украіна
Рост	180 см
Вага	75 кг
Пазіцыя	паўабаронца
Інфармацыя пра клуб
Клуб	завяршыў кар’еру
Кар’ера
Клубная кар’ера*
1993	Паліграфтэхніка (Александрыя)	17 (2)
1993 — 1994	Дняпро (Магілёў)	15 (1)
1994	Фандак (Бабруйск)	1 (0)
1995 — 1996	МПКЦ (Мазыр)	58 (21)
1997 — 2000	Дынама (Масква)	89 (15)
2000 — 2003	Газіянтэпспор	62 (20)
2003 — 2004	Трабзанспор	20 (6)
2004 — 2006	Дынама (Масква)	43 (9)
2007	Тарпеда (Масква)	27 (15)
2008 — 2009	Бурсаспор	36 (4)
2009	Хімкі	8 (0)
2010	Салют (Белгарад)	10 (1)
2010 — 2012	Дынама (Бранск)	52 (9)
2012 — 2013	Хімкі	13 (0)
Нацыянальная зборная**
1995 — 1997	Беларусь (да 21)	12 (5)
1998 — 2008	Беларусь	64 (20)
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў ** Колькасць гульняў і галоў за нацыянальную зборную ў афіцыйных матчах

Максім Юр'евіч Рамашчанка (укр.: Максим Юрійович Ромащенко; нар. 31 ліпеня 1976, Паўлаград) — беларускі футбаліст украінскага паходжання, паўабаронца. Завяршыў кар’еру ў 2013 годзе. З’яўляецца рэкардсменам нацыянальнай зборнай Беларусі па колькасці забітых галоў (20). Футбаліст года Беларусі (2004).

Максім з’яўляецца малодшым братам беларускага футбаліста і трэнера Міраслава Рамашчанкі.

Кар’ера

Выхаванец днепрапятроўскага футбола, пачынаў дарослую кар’еру ва Украіне, у клубе «Паліграфтэхніка». З 1993 года выступаў у Беларусі за «Дняпро», «Фандак» і МПКЦ (разам з апошнім клубам стаў чэмпіёнам краіны).

Выступаў у маскоўскім «Дынама» з 1997 па 2006 год (з перапынкам). У дублюючым складзе «Дынама» правёў 14 матчаў і забіў 3 галы. За асноўны склад правёў 116 матчаў, забіў 22 мяча.

У 2007 годзе быў іграком футбольнага клуба «Тарпеда» (Масква), які выступаў у першым дывізіёне Расіі. Клуб не вырашыў задачу па вяртанні ў Прэм'ер-лігу, а ўмовы новага кантракту, прапанаванага тарпедаўскім кіраўніцтвам, Рамашчанка не задаволілі, і ён пакінуў каманду.

У студзені 2008 года Рамашчанка заключыў кантракт з турэцкім клубам «Бурсаспор» тэрмінам на 1,5 года.

26 чэрвеня 2009 года Максім падпісаў кантракт з падмаскоўнымі «Хімкамі» тэрмінам на 1,5 года. Па заканчэнні сезону на правах свабоднага агента пакінуў клуб.

26 студзеня 2010 года падпісаў кантракт з белгарадскім «Салютам», які раней узначаліў яго брат Міраслаў. Улетку таго ж года Максім, па ўзаемнай згодзе разарваў кантракт з «Салютам».

23 ліпеня 2010 падпісаў кантракт з «Дынама» (Бранск) да канца 2010 года з магчымай пралангацыяй, а 10 студзеня 2011 клуб падоўжыў пагадненне з паўабаронцам па схеме «год + паўгады». У канцы жніўня 2012 года вярнуўся ў «Хімкі». Па заканчэнні сезону 2012/13 завяршыў прафейсіную кар’еру. У цяперашні час разам з сям'ёй жыве ў Маскве.

У 1998—2008 — ігрок зборнай Беларусі. Лепшы бамбардзір зборнай (20 галоў). Усяго за зборную зрабіў 1 хет-трык і 4 дубля, у тым ліку дубль у браму зборнай Італіі (13 кастрычніка 2004 года, выніковы лік 3:4).

Спасылкі

• Профіль на сайце national-football-teams.com(англ.) 
• Статыстыка на сайце Федэрацыі футбола Украіны (укр.) 
• Профіль на сайце soccerway.com (руск.) 
• Профіль на сайце by.tribuna.com (руск.) 
• Профіль на сайце teams.by (руск.) 
• Профіль на сайце transfermarkt.de(ням.)