Міхал Ромер

Не блытаць з Міхал Піус Ромер.

Міхал Ромер
маршалак шляхты Троцкага павета 1814 — 1817
маршалак шляхты Віленскай губерні з 1817
Нараджэнне	2 верасня 1778(1778-09-02) Вільня, Віленскі павет, Віленскае ваяводства, Вялікае Княства Літоўскае
Смерць	14 студзеня 1853(1853-01-14) (74 гады) Вільня, Віленскі павет, Віленская губерня, Расійская імперыя
Месца пахавання	Касцёл Найсвяцейшай Дзевы Марыі ў Троках
Род	Ромеры
Бацька	Стэфан Дамінік Ромер[d]
Маці	Ганна з Пацаў[d]
Жонка	Рахеля з дэ Раесаў[d]
Дзеці	Эдвард Ян Ромер, Севярын Ромер[d], Міхал Стэфан Ромер[d] і Ганна з Ромераў[d]
Грамадзянства	Расійская імперыя Рэч Паспалітая
Член у	Дасканалая еднасць[d] Нацыянальнае патрыятычнае таварыства[d] Таварыства шубраўцаў Нацыянальнае масонства[d]
Адукацыя	Віленскі ўніверсітэт
Медыяфайлы на Вікісховішчы

Miхал Юзаф Ромер (польск.: Michał Józef Römer, 14 верасня 1778—14 студзеня 1853) — грамадска-палітычны дзеяч Расійскай імперыі, масон.

Біяграфія

Жонка Рахеля дэ Раес

З шляхецкага роду Ромераў. Вучыўся ў Віленскім універсітэце. У 1803—1813 гадах прэзідэнт 2-га дэпартамента Віленскага галоўнага суда, у 1808—1818 --адзін з трох камісараў Віленскай адукацыйнае судовай камісіі. У вайну 1812 года загадам Напалеона прызначаны прэзідэнтам Вільні, але ў верасні 1812 года пакінуў пасаду з прычыны канфлікту з французскімі ўладамі, якія збіраліся зачыніць Віленскі ўніверсітэт. У 1814—1817 гадах — троцкі павятовы маршалак, з 1817 — віленскі губернскі маршалак. Прыхільнік скасавання прыгоннага права, у 1817 годзе ўзначальваў дэлегацыю шляхты, якая безвынікова звярталася да імператара з адпаведным праектам. Адзін з арганізатараў і кіраўнікоў масонства ў Беларусі і Літве, майстар Вялікай правінцыйнай Літоўскай ложы «Дасканалае адзінства», якая кіравала дзейнасцю астатніх беларуска-літоўскіх лож. Адзін з заснавальнікаў (1819) патрыятычнай арганізацыі Валяр’яна Лукасінскага «Нацыянальнае масонства», сябар Патрыятычнага таварыства, паплечнік Тамаша Зана. У маі 1826 года арыштаваны, зняволены ў Варшаўскай турме, потым у Петрапаўлаўскай крэпасці ў Санкт-Пецярбургу да 1830 года. У 1830—1832 гадах у ссылцы ў Варонежы. Пасля вяртання на радзіму адышоў ад грамадскай дзейнасці.

Пахаваны разам з жонкай Рахеляй дэ Раес у сямейнай капліцы Ромераў у касцёле Найсвяцейшай Дзевы Марыі ў Троках. У сярэдзіне XIX стагоддзя скульптар Казімір Ельскі (1782—1867) стварыў для іх класіцыстычныя надмагіллі, упрыгожаныя скульптурнымі выявамі памерлых і алегарычнымі кампазіцыямі.

Спасылкі

• На Вікісховішчы ёсць медыяфайлы па тэме Міхал Ромер