Пасікы (Львоў)

З пляцоўкі Вікіпедыя
Перайсці да навігацыі Перайсці да пошуку
Пасікы
Пасіки
Lviv, Pasichna Street.jpg
Горад Львоў
Адміністрацыйны раён горада Лычакіўскі раён,
Сыхіўскі раён
Першае згадванне ХVI ст.
Ранейшы статус фальварак
Год уключэння ў межы горада ХХ ст.

Пасікы[1] (укр.: Па́сіки) — мясцовасць у Лычакіўскім і Сыхіўскім раёнах Львова, якая знаходзіцца ў ваколіцах сучаснай вул. Пасічнай.

Гісторыя[правіць | правіць зыходнік]

У XVI ст. львоўскія мяшчанскія сем'і Шымановічаў і Бернатовічаў заклалі ў гэтых мясцінах свае пчальнікі. У ХХ ст. адрознівалі Пасікы Лычакіўскія (уздоўж цяперашняй вул. Пасічнай), якія належалі да маёнткаў манахінь-бенедыктынак, Пасікы Галіцкія (у ваколіцах цяперашняй вул. Джорджа Вашынгтона) і Пасікы Гарадскія (у ваколіцах вул. Пыманэнка).

Гэтыя паселішчы былі забудаваныя сядзібамі жыхароў львоўскіх прадмесцяў, што займаліся пераважна агародніцтвам і, традыцыйна, пчалярствам. У пачатку ХХ ст. на Пасіках Галіцкіх, каля парку Пагулянка, пабудавалі вялікія цагельні, якія належалі іпатэчнаму банку, да якіх праклалі чыгуначны шлях ад станцыі Пэрсэнкіўка. Па вул. Пасікы Галіцкія №18а была гарадская змяшаная школа імя Св. Мікалая.

На Пасіках Лычакіўскіх, паблізу парку ў 1914-1915 гг. хавалі расійскіх вайскоўцаў, якія загінулі ў бітвах Першай сусветнай вайны або памерлых у львоўскіх шпіталях. Праз блізкасць пяшчаных кар'ераў ўзнікла небяспека для існавання могілак, таму ў 1935-1936 гг. астанкі эксгумавалі і перанеслі на аўстрыйскія ваенныя могілкі (частка Лычакіўскіх).

У савецкі час частка плато былых могілак была знесеная. На гэтым месцы быў уладкаваны стадыён спарткомплексу Львоўскага ўніверсітэта. У 1952 г. на астатняй тэрыторыі былых могілак былі збудаваныя новыя мемарыяльныя вайсковыя могілкі "Холм Славы" , дзе былі пахаваныя некалькі тысяч савецкіх вайскоўцаў.

У 1957-1960 гг. тэрыторыю ўздоўж вул. Пасічнай паміж вул. Мядовай пячоры і вул. Кітайскай забудавалі малапавярховымі дамамі па тыпавых праектах. У 1960-1980-х гг. вул. Пасічную (тады яна называлася праспектам Ленінскага камсамола) і вул. Батальную (сучасную вул. Дж. Вашынгтона) забудавалі шматпавярховымі стандартнымі дамамі, сярод якіх вылучаецца 16-павярховы будынак з маналітнага жалезабетону (вул. Пасічная, 104). Непадалёк пазней збудавана царква Звеставання Прасвятой Багародзіцы. З міжваеннага перыяду на вул. Пасічнай захавалася некалькі віл і арыгінальная ваданапорная вежа.

Зноскі