Рудна

Пасёлак гарадскога тыпу
Рудна
укр.: Рудне
Выгляд мястэчка з боку чыгункі
Сцяг Герб
49°50′24″ пн. ш. 23°52′40″ у. д.
Краіна	Украіна
Вобласць	Львоўская вобласць
Раён	Львоўскі раён
Абшчына	Львоўская гарадская грамада
Гісторыя і геаграфія
Заснаваны	1866
Першая згадка	XVI ст.
ПГТ з	1940
Плошча	4,19 км²
Вышыня цэнтра	311 м
Часавы пояс	UTC+2, летам UTC+3
Насельніцтва
Насельніцтва	7500 чалавек (2022)
Шчыльнасць	1650 чал./км²
Нацыянальны склад	украінцы (пераважна)
Канфесійны склад	грэка-каталікі (пераважна)
Лічбавыя ідэнтыфікатары
Тэлефонны код	+380-32
Паштовы індэкс	79493
КААТУУ	4610165500
Паказаць/схаваць карты
Рудна
Медыяфайлы на Вікісховішчы

Рудна (укр.: Рудне) — пасёлак гарадскога тыпу ў складзе тэрыторыі, падпарадкаванай Львоўскаму гарадскому савету ў Залізнычным раёне Львова, размешчаны ў 10 км на захад ад Львова і ўваходзiць у склад Львоўскай агламерацыі.

Геаграфія

Рудна размешчана ў 10 км ад Львова і ў непасрэднай блізкасці (вул. Шэптыцкага) ад чыгуначнай станцыі "Зымна Вада" на лініі Львоў — Масціска. Ёсць яшчэ чыгуначная станцыя "Рудна", якая знаходзіцца каля мястэчка і якою ў асноўным карыстаюцца жыхары былой прыгараднай вёскі Белагоршча.

Па ўскраіне Старога Рудна праходзіць Львоўская кальцавая аўтадарога. Паміж Старым Рудна і Зымнай Вадой працякае рака Зымна Вада, якая ў сваю чаргу дзеліць некалі адну вялікую мясцовасць Зымна Вада на два самастойных населеных пункты.

Да Рудна з поўначы і захаду прымыкаюць Руднаўскі і Вараціўскі лясы. Мястэчка знаходзіцца ў рачным басейне Днястра. Праз заходнюю частку Рудна цячэ паток Зымна Вада, які ў паўднёвай частцы вёскі ўтварае сажалку, у якую з усходу ўпадае Белагорскі паток, які, у сваю чаргу, цячэ з Белагоршча. Воды, якія выцякаюць з гэтай сажалкі, на паўднёвым усходзе ўпадаюць у Старую Раку, якая з'яўляецца левым прытокам ракі Верашчыцы.

Гісторыя

Вёскі Рудна і Зымна Вада ў XIV ст. утваралі адзіны маёнтак пад назвай "Зымна Вада". Да сярэдзіны XIX ст. Рудна лічылася часткай Зымнай Вады і толькі пасля 1866 г. стала асобнай адміністрацыйнай адзінкай. У 1967-1971 гг. вёскі Дубкевічыўка і Надзільнае ўвайшлі ў склад Рудна.

Інфраструктура

• Царква Узвышэння Святога Крыжа (1678 г., УГКЦ);
• Царква Пакрава Прасвятой Багародзіцы (1935 г., ПЦУ);
• Царква Святога Уладзіміра (2000 г., УГКЦ);
• Львоўская духоўная семінарыя Св. Духа (УГКЦ);
• Сярэдняя агульнаадукацыйная школа № 74 Чыгуначнага раёна г. Львова.