Новы Світ (Львоў)

З Вікіпедыі, свабоднай энцыклапедыі
Новы Світ
Новий Світ
Горад Львоў
Адміністрацыйны раён горада Франкіўскі раён
Першае згадванне 1860-я гг.
Ранейшы статус сяло, прадмесце
Год уключэння ў межы горада ХІХ ст.
Лагатып Вікісховішча Медыяфайлы на Вікісховішчы

Новы Світ[1] (укр.: Нови́й Світ), таксама На Байках (укр.: На Ба́йках) ці Байкы (укр.: Ба́йки) — мясцовасць у Франкіўскім раёне Львова. Абмежаваная з поўдня чыгункай на Кульпаркіў, з захаду - вуліцай Герояў УПА, з усходу - вул. Княгіні Вольгі і вул. Сахарава, з поўначы — вул. С. Бандэры. Ужо больш стагоддзя гэта адзін з самых элітных раёнаў Львова.

Гісторыя[правіць | правіць зыходнік]

Калісці гэта было адно з прыгарадных сёлаў Львова, якое ўжо ў XVI ст. згадваецца як львоўскае прадмесце. Але яшчэ ў 1860-х гг. тады ўжо гарадскі раён меў сельскі выгляд. Ягоныя жыхары займаліся садаводствам і агародніцтвам, мулярствам. У 1870 г. львоўскі магістрат ўпарадкаваў назвы вуліц і ўвёў нумарацыю дамоў.

У 1890-х гг. раён з усходу пачалі асвойваць архітэктары Ю. Захарэвіч і І. Левінскі, якія стварылі тут адзін з найпрыгажэйшых куткоў Львова. Па сёння захоўваецца планіроўка вуліц і камунікацый, створаная па задуме гэтых вядомых архітэктараў. З захаду раён пачаў забудоўваць і развіваць прадпрымальнік А. Франц, сродкамі якога была пракладзеная цяперашняя вул. Канавальца. Таму гэтая частка раёна звалася Францыўкай. Тут размяшчаліся фабрыка будаўнічых матэрыялаў І. Левінскага і гіпсавае прадпрыемства братоў Францаў.

У канцы XIX ст. на Новым Свеце была самая дарагая ў Львове нерухомасць. 18 студзеня 1907 г. ад "Венскай кавярні" (сучасны пр-т Свабоды) сюды была пракладзеная лінія электрычнага трамвая. Аднак пасля гэтага кошт тутэйшай зямлі ўпаў удвая.

У 1920-1930-х гг. раён зноў стаў папулярным для будаўніцтва віл. Тады раён забудоўваўся ў стылі функцыяналізму, вілы будавалі пасярод зялёных насаджэнняў, што было ў духу моднай тады ідэі горада-саду. У міжваенны перыяд мясцовасць была выдзелена ў асобны адміністратыўны раён горада.

У час нямецкай акупацыі раён "Новы Світ" быў выдзелены для пражывання выключна арыйскага насельніцтва, нягледзячы на тое, што ў раёне сучаснага Палаца спорту «Украіна» быў уладкаваны канцлагер для савецкіх ваеннапалонных.

У савецкі час забудова мясцовасці была кропкавай, а на ўскраіне мясцовасці быў пабудаваны завод «Кінескоп», а крыху далей — Львоўскі завод тэлеграфнай апаратуры. Пасля Другой сусветнай вайны мясцовасць стала асновай новага Савецкага раёна горада (сёння — Франкоўскі раён).

Аб'екты[правіць | правіць зыходнік]

Зноскі