Пераклад зборніка «Кабзар» Сыракомлі

Кабзар
Кабзар
	польск.: Kobzarz; укр.: Кобзарь
Жанр	паэтычны зборнік
Аўтар	Тарас Шаўчэнка (арыгінал); Уладзіслаў Сыракомля (пераклад)
Дата першай публікацыі	1863
Выдавецтва	Абрагам Ас
Месца публікацыі	Вільня
Колькасць старонак	120

Пераклад зборніка «Кабзар» Сыракомлі (руск.: Kobzarz) — польскамоўны няпоўны пераклад зборніка Тараса Шаўчэнкі, здзейснены Уладзіславам Сыракомлем. Кніга апублікаваная пасмяротна, хаця падрыхтаваў яе пісьменнік яшчэ пры жыцці^[1].

Пераклад Сыракомлі цалкам выдаваўся чатыры разы: у 1863 г. у Вільні^[2], 1872 г. (у складзе 10-томнага збору твораў) у Варшаве, 1883 г. у Львове^[1] і 1993 г. зноў у Вільні^[3]. У 1955 г. у Варшаве выдалі зборнік выбраных твораў Шаўчэнкі, у якім змясцілі 9 перакладаў Сыракомлі^[1].

Змест

У прадмове беларускі пясняр адзначае важную ролю Шаўчэнкі ва ўкраінскай літаратуры і дае высокую ацэнку ягонай творчасці. Тамсама Сыракомля піша, што не пераклаў паэмы «Гайдамакі» і апусціў некаторыя месцы «Тарасовай ночы», бо «тут аўтар, мачаючы пэндзаль у кроў, эстэтычна сапсаваў прыгажосць сваіх вобразаў». Да таго ж перакладчык не мог не ведаць, што «Гайдамакаў» ужо перакладае Леанард Савінскі^[1].

Агулам перакладзена 14 твораў з 17 другога выдання «Кабзара» (выйшла 23 студзеня 1860). На думку Вячаслава Рагойшы, Сыракомля перакладаў Шаўчэнку яшчэ раней з першага выдання 1840 г.^[1]

У сваім перакладзе Уладзіслаў Сыракомля імкнуўся перадаць эстэтычную вартасць арыгіналу^[1]. У той жа час перакладчык змякчаў вобраз «ляхаў» і, прыхільна ставячыся да Украіны, усюды ствараў яе станоўчы вобраз. Адаптуючы зборнік пад беларускага чытача, Сыракомля ўжывае збольшага сілаба-танічны верш, нехарактэрны польскай паэзіі, нават там, дзе Шаўчэнка выкарыстоўвае сілабічны верш, традыцыйны для польскай мовы. Часам перакладчык змяняе форму верша, вольна адступае ад арыгіналу^[1].

Зноскі

↑ ^а ^б ^в ^г ^д ^е ^ё Рагойша, В. На хвалі добрасуседства (бел.) // Літаратура і мастацтва. — 27 верасня 2013. — № 38 (4736). — С. 8. — ISSN 0024-4686.
↑ Szewczenko, Т. Kobzarz Tarasa Szewczenki (польск.). — Wilno: Nakładem A. Assa, 1863. — 120 с.
↑ Szewczenko, Т. Kobzarz (польск.). — Vilnius: Vaga, 1993. — 3 000 экз.

Спасылкі

Рагойша, В. На хвалі добрасуседства (бел.) // Літаратура і мастацтва. — 27 верасня 2013. — № 38 (4736). — С. 8. — ISSN 0024-4686.
Вишневьська, О. Перекладацька рецепція творчості Шевченка у польській літературі ХІХ століття(укр.) // Науковий часопис Інституту Польщі Східноєвропейського національного університету імені Лесі Українки. — 12 Листопада, 2018.
Pačovskij, F. I. Władysław Syrokomla jako tłumacz Szewczenki(польск.) // Annales Universitatis Mariae Curie-Skłodowska. — 1963. — С. 149-166.

[:0-1] а ^б ^в ^г ^д ^е ^ё Рагойша, В. На хвалі добрасуседства (бел.) // Літаратура і мастацтва. — 27 верасня 2013. — № 38 (4736). — С. 8. — ISSN 0024-4686.

[2] Szewczenko, Т. Kobzarz Tarasa Szewczenki (польск.). — Wilno: Nakładem A. Assa, 1863. — 120 с.

[3] Szewczenko, Т. Kobzarz (польск.). — Vilnius: Vaga, 1993. — 3 000 экз.

[1]

[2]

[3]