Маргер (опера)

Маргер
польск.: Margier
Кампазітар	Канстанцін Горскі
Лібрэтыст	Уладзіслаў Сыракомля Канстанцін Горскі
Мова лібрэта	польская руская
Крыніца сюжэту	Маргер (паэма)
Дзеяў	3
Карцін	6
Год стварэння	1905
Першая пастаноўка	13 студзеня 1927
Месца першай пастаноўкі	Вялікі тэатр імя Станіслава Манюшкі ў Познані
Месца дзеяння	Пулен
Час дзеяння	1336

«Ма́ргер» (польск.: Margier) — опера Канстанціна Горскага, найважнейшы твор кампазітара. Для лібрэта асновай стала аднайменная паэма Уладзіслава Сыракомлі.

Кампазітар жанрава вызначыў свой твор як «драматычная опера». Яна была напісаная ў Харкаве. У 1905 г. опера выйшла асобным дзвюхмоўным выданнем (па-польску і па-руску), аднак на сцэне пры жыцці аўтара не ставілася, упершыню яна там з’явілася толькі ў 13 студзеня 1927 г. у Познані.

У архіве Вялікага тэатра імя Станіслава Манюшкі дагэтуль старанна захоўваецца копія рукапісу «Маргера» ды іншыя матэрыялы, звязаныя з жыццём і творчасцю кампазітара.

Напісанне

На думку Радаславы Аладавай, магчыма, што аўтарам лібрэта быў сам кампазітар, які падпісаўся псеўданімам W. W. G. (В. Вальгер). Да гэткай думкі схіляўся раней і Э. Вроцкі, зазначыўшы, што кампазітар не стаў выкарыстоўваць ужо гатовае лібрэта, напісанае Уладзіславам Сыракомлем для Станіслава Манюшкі, а прыклаў намаганні да стварэння новага.

Пераклады

У 2009 г. Васіль Сёмуха пераклаў лібрэта на беларускую мову.

Літаратура

• Аладава, Р. М. Константин Горский и его опера «Маргер» в контексте белорусской культуры. — Минск: УО «Белорусская государственная академия музыки», 2006. — 216 с.
• Шумская, І. Музыка ў кантэксце беларуска-польскага міжкультурнага ўзаемадзеяння (бел.). — Мінск: Медысонт, 2011. — 160 с. — ISBN 978-985-6982-20-3.

Спасылкі

• Аладава, Р. М. Опера К. Горскага «Маргер» у кантэксце беларускай культуры (бел.) // Белорусский сборник. — 2006. — № 3.
• Аладава, Р. М. Опера К. Горскага «Маргер» у кантэксце беларускай культуры (бел.) // Лідскі Летапісец. — Студзень-чэрвень 2009. — № 1-2 (45-46). — С. 61-62.