Рыхард фон Шуберт

Рыхард фон Шуберт
ням.: Adolf Louis Theodor Richard von Schubert
Нараджэнне	19 красавіка 1850(1850-04-19) Ютросін, Гміна Ютросін, Равіцкі павет, Велікапольскае ваяводства, Польшча
Смерць	13 мая 1933(1933-05-13) (83 гады) Марбург, Раён Марбург-Бідэнкопф, адміністрацыйная акруга Гісен[d], Гесэн, Германія
Дзейнасць	афіцэр
Ваенная служба
Гады службы	1867 — 1917
Прыналежнасць	Германская імперыя
Род войскаў	Пруская армія
Званне	Генерал-палкоўнік
Камандаваў	39-я пяхотная дывізія рэзервовы XIV корпус 8-я армія рэзервовы XXVII корпус 7-я армія
Бітвы	Франка-пруская вайна Першая сусветная вайна
Узнагароды
Медыяфайлы на Вікісховішчы

Ры́хард фон Шу́берт (ням.: Adolf Louis Theodor Richard von Schubert; 19 красавіка 1850 — 13 мая 1933) — германскі ваенны дзеяч, генерал-палкоўнік.

Біяграфія

У 1867 годзе ўступіў у 7-ы піянерны батальён, З 1868 года служыў у артылерыі. Удзельнік франка-прускай вайны 1870—71. У 1875—78 гадах вучыўся ў Ваеннай акадэміі ў Берліне. З 1879 годзе служыў у Генштабе, у 1888-91 — у Вялікім Генштабе. З 1895 года камандзір 30-га палявога артылерыйскага палка, з 1899 года — 16-й, затым 33-й палявой артылерыйскай брыгады, з 1902 года — 39-й дывізіі. З 1904 года быў начальнікам штаба II АК. З 1906 года губернатар Ульма. З 1907 года інспектар палявой артылерыі, а з 1911 года ў рэзерве.

Першая сусветная вайна

З пачаткам вайны 2 жніўня 1914 года прызначаны камандзірам XIV рэзервовага корпуса ў складзе 7-й арміі генерала Ёзаса фон Хеерынга. Дзейнічаў у Вагезах. Пасля прызначэння генерала Паўля фон Гіндэнбурга камандуючым 9-й арміяй у перыяд з 18 верасня па 8 кастрычніка 1914 года камандаваў 8-й арміяй на Усходнім фронце, знаходзячыся ў падначаленні Гіндэнбурга і маючы задачай забеспячэнне абароны Усходняй Прусіі ў выпадку магчымага рускага наступу. Пры гэтым 8-я армія была значна аслаблена, бо найбольш баяздольныя часткі перададзеныя ў 9-ю армію. 27 кастрычніка 1914 года прыняў камандаванне над XXVII рэзервовым корпусам у Фландрыі. З 28 жніўня 1916 года камандуючы 7-й арміяй у Францыі. З 11 сакавіка 1917 года атрымаўшы званне генерал-палкоўнік быў пераведзены ў рэзерв.

22 жніўня 1916 года ўзнагароджаны ордэнам Pour le Mérite.

Спасылкі

• Залесский К.А. Кто был кто в Первой мировой войне. — М.: АСТ, 2003. — 896 с. — 5 000 экз. — ISBN 5-271-06895-1.