Аяўскі дзяржаўны ўніверсітэт

Не блытаць з Аяўскі ўніверсітэт.

Аяўскі дзяржаўны навукова-тэхналагічны ўніверсітэт
англ.: Iowa State University of Science and Technology
Арыгінальная назва	англ.: Iowa State University of Science and Technology
Міжнародная назва	англ.: Iowa State University
Заснаваны	1858
Студэнты	36 660, 30 708 і 29 969
Краіна	ЗША
Размяшчэнне	Эймс, Аява, ЗША
Сайт	iastate.edu
Медыяфайлы на Вікісховішчы

Аяўскі дзяржаўны ўніверсітэт (англ.: Iowa State University), афіцыйна Аяўскі дзяржаўны навукова-тэхналагічны ўніверсітэт (англ.: Iowa State University of Science and Technology) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Эймс у штаце Аява, ЗША.

Агульная характарыстыка

Заснаваны ў 1858 годзе як сельскагаспадарчы каледж і ўзорная ферма. 4 ліпеня 1959 года каледж быў афіцыйна перайменаваны ў дзяржаўны навукова-тэхналагічны ўніверсітэт. Гэта буйнейшы ўніверсітэт штата па колькасці студэнтаў. У ім прапануецца больш за 100 праграм атрымання ступені бакалаўра, 112 праграм атрымання ступені магістра і 83 праграмы атрымання ступені доктара. Ён класіфікуецца як доктарскі ўніверсітэт з вельмі высокай даследчай актыўнасцю. Універсітэт з'яўляецца сядзібай для адной з дзесяці нацыянальных навукова-даследчых лабараторый Міністэрства энергетыкі ЗША, навукова-даследчай лабараторыі біяаднаўляльных крыніц энергіі, інстытута раслінаводства і розных іншых навукова-даследчых інстытутаў.

Структура

• Каледж сельскай гаспадаркі і навук пра жыццё
• Каледж ветэрынарнай медыцыны
• Каледж вольных мастацтваў і навук
• Каледж бізнесу
• Каледж навук аб чалавеку
• Каледж дызайну
• Каледж магістратуры

Гл. таксама

• Спіс універсітэтаў штата Аява

Спасылкі

• На Вікісховішчы ёсць медыяфайлы па тэме Аяўскі дзяржаўны ўніверсітэт
• Афіцыйная інтэрнэт-старонка ўстановы