Тэрпсіхора (муза)

Тэрпсіхора пэнзля Жана Марка Нацье, 1739

Тэрпсіхора (грэч. Τερψιχόρα) — муза танца. З’яўляецца персанажам грэчаскай міфалогіі, папулярны вобраз і сімвал ў мастацтве. Згодна з Дыядорам, атрымала імя ад асалоды (терпейн) гледачоў, якія тыя атрымлівалі ад мастацтва. Яе імя сярод муз называе і Цец.

Была дачкой Зеўса і Мнемасіны. Лічыцца заступніцай танцаў і харавых спеваў. Тэрпсіхора адлюстроўвалася ў выглядзе маладой жанчыны, з усмешкай на твары, часам у позе танцоркі, а часцей у выглядзе жанчыны, якая сядзіць і грае на ліры. На малюнках мела наступныя характэрныя атрыбуты: на галаве быў вянок, у адной руцэ яна трымала ліру, а ў другой плектар.

Тэрпсіхора лічыцца маці сірэн (бацькам быў бог ракі Ахелой) і спевака Ліна (па іншай версіі яго маці — іншая муза Уранія). Згодна Гігіну — маці Еўмолпа. Згадваецца ў творчасці Піндара. Тэрпсіхору звязваюць з Дыянісам, прыпісваючы ёй атрыбут гэтага бога — плюшч (пра што абвяшчае надпіс на Геліконе, прысвечаны Тэрпсіхоры). У гонар Тэрпсіхоры названы астэроід (81) Тэрпсіхора, адкрыты ў 1864 годзе.