Горная сістэма Атлас

Атлас
Карта, якая паказвае размяшчэнне гор Атлас на поўначы Афрыкі (адзначана чырвоным)
Каардынаты: 31.061667, -7.91583331°03′42″ пн. ш. 7°54′57″ з. д.31.061667° пн. ш. 7.915833° з. д.
Размяшчэнне	Марока, Алжыр, Туніс
Даўжыня	2 400 км
Найвышэйшая вяршыня	Тубкаль
Вышыня вяршыні	4167 м
Катэгорыя на Вікісховішчы

Хрыбты Атласкіх гор

Карта, якая паказвае размяшчэнне гораў Атлас у Марока

Атла́с, Атла́скія го́ры (араб.: جبال الأطلس; назва паходзіць ад грэч. Ἄτλας — імя грэчаскага атланта Атласа) — вялікая горная сістэма на паўночным захадзе Афрыкі, цяглая ад атлантычнага узбярэжжы Марока праз Алжыр да берагоў Туніса; пазней уся горная сістэма ад мыса Катэй (сучасны мыс Спартэль каля Танжэра) да Сіртаў (Малы Сірт). Даўжыня хрыбтоў 2 400 км. Найвышэйшы пункт — гара Тубкаль (4 167 м), знаходзіцца на паўднёвым захадзе Марока.

Першапачаткова Атласам звалася толькі частка горнай сістэмы ў межах старажытнай Маўрытаніі, гэта значыць захад і цэнтр сучаснага Атласа.

Горы Атлас аддзяляюць міжземнаморскае і атлантычнае ўзбярэжжа ад пустыні Сахара. Населены галоўным чынам арабамі і берберамі (Марока), у тым ліку кабіламі (Алжыр). Атласкія горы складаюцца з хрыбтоў Тэль-Атлас, Высокі Атлас, Сярэдні Атлас, Сахарскі Атлас, унутраных плато (Высокія плато, Мараканская Месета) і раўнін.

Упершыню антычны свет пазнаў пра існаванне гор Атласа з вандраванняў фінікійцаў, а затым з перыпла Ганона і плавання Палібія, прадпрынятага ім каля 146 да н.э. Першым з рымлян, якія перасеклі горы Атласа, быў Гай Святоній Паулін (42 н.э.). Падрабязнае апісанне Атласа ўтрымліваецца ў працах Максіма з Ціра (II ст. н. э.).