Мікалаеўскі сельсавет (Буда-Кашалёўскі раён)
Мікалаеўскі сельсавет | |
---|---|
Краіна | Беларусь |
Уваходзіць у | Буда-Кашалёўскі раён |
Уключае | 11 населеных пунктаў |
Адміністрацыйны цэнтр | Мікалаеўка |
Дата ўтварэння | 28 чэрвеня 1973 |
Насельніцтва (2009) | 1 048 |
Часавы пояс | UTC+03:00 |
Тэлефонны код | 02336 |
Код аўтам. нумароў | 3 |
Афіцыйны сайт |
Мікалаеўскі сельсавет — адміністрацыйна-тэрытарыяльная адзінка ў складзе Буда-Кашалёўскага раёна Гомельскай вобласці Беларусі. Цэнтр — вёска Мікалаеўка.
Гісторыя
20 жніўня 1924 года ў Гарадзецкім раёне быў утвораны Прыбарскі сельсавет з цэнтрам у вёсцы Прыбар, з 4 жніўня 1927 года ў складзе Рагачоўскага, з 5 красавіка 1936 года Буда-Кашалёўскага раёнаў Бабруйскай (да 26 ліпеня 1930 года) акругі, з 20 лютага 1938 года Гомельскай вобласці. З 1939 года цэнтр сельсавета быў перанесены ў вёску Царкоўе, а 28 чэрвеня 1973 года цэнтр быў перанесены ў вёску Мікалаеўка і сельсавет быў пераіменаваны адпаведна ў Мікалаеўскі сельсавет.
20 ліпеня 2010 года вёска Саўгасная была пераіменаваная ў Царкоўе[1].
У склад Мікалаеўскага сельсавета ўваходзілі: да 1928 года пасёлак Азэтаўка, да 1929 года пасёлак Зборны, да 1930 года пасёлак Міхееў, да 1969 года пасёлак Зялёны Краж, вёска Анастасеўка (не існуюць).
Насельніцтва
Насельніцтва сельсавета паводле перапісу 2009 года — 1048 чалавек[2], з іх 94,1 % — беларусы[3].
Вядомыя выхадцы
- Сяргей Аляксеевіч Панамароў — Герой Савецкага Саюза.
- Рыгор Якаўлевіч Кісялёў (18.5.1913 — 10.4.1970) — дзяржаўны дзеяч Беларускай ССР. З 1953 года міністр культуры, з 1964 года міністр асветы БССР, у 1968—1970 гадах намеснік старшыні Савета Міністраў БССР. Дэпутат Вярхоўнага Савета БССР (1951—1970). Заслужаны дзеяч культуры БССР (1963). Яго імя носіць вясковая сярэдняя школа.
Зноскі
Літаратура
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012.