Адам Фішэр (дырыжор)

Адам Фішэр
венг.: Fischer Ádám
Род дзейнасці	дырыжор, рэжысёр
Дата нараджэння	9 верасня 1949(1949-09-09) (75 гадоў)
Месца нараджэння	МТК Будапешт, Венгерская Народная Рэспубліка
Грамадзянства	Венгрыя
Бацька	Шандар Фішэр[d]
Альма-матар	Венскі ўніверсітэт музыкі і выканальніцкага мастацтва (1971) Музычная акадэмія Кіджы[d]
Узнагароды і прэміі	прэмія імя Кошута (2008) Ганаровы грамадзянін Будапешта[d] (2009) Miklós Radnóti Anti-racist Prize[d] (2015) прэмія Вольфа ў мастацтве (2018) Guido Cantelli Conducting Competition[d] (1973)
Сайт	adamfischer.at
Медыяфайлы на Вікісховішчы

Адам Фішэр (венг. Fischer Ádám; нар. 9 верасня 1949, Будапешт) — венгерскі дырыжор.

Біяграфія

Нарадзіўся ў Будапешце ў яўрэйскай сям’і — сын дырыжора Шандора Фішэра, брат дырыжора Івана Фішэра. З дзіцячых гадоў спяваў у хоры хлопчыкаў Будапешцкай оперы. Вучыўся кампазіцыі і ігры на фартэпіяна ў Будапешце, затым вывучаў дырыжыраванне ў Вене пад кіраўніцтвам Ханса Свароўскі. У 1973 годзе падзяліў з Лотарам Заграшэкам першае месца на конкурсе дырыжораў імя Гвіда Кантэлі ў Італіі.

З 1973 года супрацоўнічае з Венскай дзяржаўнай операй. Дырыжуе таксама ў іншых вядучых оперных тэатрах свету.

У 1987 годзе Адам Фішэр стварыў Аўстра-венгерскі Гайдн-аркестр і заснаваў Гайднаўскі фестываль у Айзенштаце. З 1998 года — галоўны дырыжор Дацкага нацыянальнага камернага аркестра. З 2004 г. працуе таксама ў Сімфанічным аркестры Венгерскага радыё, адказваючы, у прыватнасці, за заснаваны аркестрам у 2006 годзе Будапешцкі Вагнераўскі фестываль.

У канцы 2010 склаў з сябе паўнамоцтвы музычнага дырэктара Венгерскага дзяржаўнага опернага тэатра ў знак непрымання ідэалагічнай цэнзуры з боку дзяржавы, рэпрэсіўных законаў супраць свабоды слова, прынятых урадам Віктара Орбана. Яго пратэст падтрымалі ў 2011 Андраш Шыф, Міклаш Янча і іншыя вядомыя дзеячы мастацтва Венгрыі.

Лаўрэат прэміі Вольфа ў галіне мастацтва (2018).