Броўтана

Броўтана
	руск. Броутона
	; Выгляд з космасу
Характарыстыкі
Плошча	7 км²
Насельніцтва	0 чал.
Размяшчэнне
	46°43′ пн. ш. 150°44′ у. д.HGЯO
Акваторыя	Ціхі акіян
Краіна	Расія;
	Броўтана
Медыяфайлы на Вікісховішчы

Востраў Броўтана (руск.: Броутона) — востраў у Вялікай градзе Курыльскіх астравоў. Адміністрацыйна ўваходзіць у склад Сахалінскай вобласці Расіі. Плошча — 7 км².

Прырода і геаграфія

Знаходзіцца ў Ахоцкім моры. Мае вулканічнае паходжанне. Над паверхняй дамінуе вулкан Броўтана (каля 800 м) — найвышэйшы пункт на востраве над узроўнем мора. Бераг акружаны галечнымі пляжамі, але далей пачынаюцца стромкія скальныя масівы. На паўночным усходзе — 2 ручаі.

Вакол вострава на працягу 3,7 км моцная магнітная анамалія.

Камяністая паверхня вострава Броўтана бедная і не спрыяе разнастайнасці мясцовай флоры. Вылучаецца вузкая палоска хмызняку з хвоі сібірскай кедравай.

Фаўна — грызуны, марскія птушкі, шмат ластаногіх.

Гісторыя

Айны, першыя насельнікі Курыльскіх астравоў, называлі востраў Броўтана Маканруру, што значыла «зваротны востраў». Яны наведвалі яго сезонна для палявання на ластаногіх.

У XVIII—XIX стагоддзях востраў даследваўся рускімі, брытанскімі, японскімі экспедыцыямі. Названы ў гонар брытанскага даследчыка Вільяма Роберта Броўтана.

У 1875—1945 гадах уваходзіў у склад Японіі. У 1945 годзе быў далучаны да РСФСР.

Востраў незаселены.

Літаратура

Высоков М. С., Василевский А. А., Костанов А. И., Ищенко М. И. История Сахалина и Курильских островов с древнейших времён до начала XXI столетия (Праверана 11 ліпеня 2023) (руск.) / Ответственный редактор М. С. Высоков. — Южно-Сахалинск: Сахалинское книжное издательство, 2008. — 712 с. — 1 000 экз. — ISBN 978-5-88453-207-5.

Спасылкі

Остров Броутона (Геаграфічнае апісанне і карта) // Камчатско-Курильские экспедиции (руск.) (Праверана 11 ліпеня 2023)