Востраў Танфільева
востраў Танфільева | |
---|---|
рус. Остров Танфильева, яп. 水晶島 | |
![]() Выгляд з космасу | |
Характарыстыкі | |
Плошча | 12,92 км² |
Насельніцтва | 0 чал. |
Размяшчэнне | |
43°26′19″ пн. ш. 145°54′47″ у. д.HGЯO | |
Акваторыя | Ціхі акіян |
Краіна | |
![]() |
Востраў Танфільева (руск.: остров Танфильева, яп.: 水晶島) — востраў у Малой градзе Курыльскіх астравоў. Адміністрацыйна ўваходзіць у склад Сахалінскай вобласці Расіі. На востраў таксама прэтэндуе Японія. Плошча - 12,92 км².
Мае вулканічнае паходжанне. Вышыня паверхні 8 - 12 м. Даўжыня - 8,3 км. Найбольшая шырыня - 5,5 км. Пакрыты лугамі і зараснікамі хмызняку з карлікавай бярозы і вярбы. З'яўляецца часткай прыроднага заказніка "Малыя Курылы".
У старажытнасці населены айнамі, якія называлі востраў Танфільева Шышо ("голыя скалы"). З канца XVIII ст. фактычна кантраляваўся японцамі. Афіцыйна ўвайшоў у склад Японіі толькі ў 1855 г. У канцы II Сусветнай вайны насельніцтва складала 931 чал. У 1945 г. заняты савецкімі войскамі і пазней уключаны ў склад РСФСР. У наш час на востраве Танфільева месціцца расійская памежная застава.