Вяндзеж

Вёска Вяндзеж Краіна Беларусь Вобласць Мінская Раён Пухавіцкі Сельсавет Навасёлкаўскі Каардынаты 53°33′14″ пн. ш. 28°04′44″ у. д. Часавы пояс UTC+3 Тэлефонны код +375 1713 Паштовыя індэксы 222847 Аўтамабільны код 5 Вяндзеж на карце Беларусі ±

Вяндзеж на Вікісховішчы

Вяндзе́ж, Вендзеж (трансліт.: Viandziež, руск.: Вендеж) — вёска ў Пухавіцкім раёне Мінскай вобласці. Уваходзіць у склад Навасёлкаўскага сельсавета.

Геаграфія

Знаходзіцца за 9 км на захад ад раённага цэнтра.

Праз тэрыторыю вёскі праходзіць чыгунка Мінск — Асіповічы, на якой маецца прыпыначны пункт Вяндзеж.

Гісторыя

Вядома ў 1816 годзе як фальварак Навасёлкаўскай воласці Ігуменскага павета Мінскай губерні Расійскай імперыі, уласнасць Ратынскіх. У сяр. XIX ст. маёнтак, уласнасць С. Быкоўскага. У 1917 годзе вёска.

У канцы лютага 1918 года тэрыторыя акупіравана войскамі кайзераўскай Германіі. 25 сакавіка 1918 года згодна з Трэцяй Устаўной граматай абвяшчалася часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б)Б яна ўвайшла ў склад Савецкай Беларусі, з 27 лютага 1919 года — у ЛітБел ССР. У час Польска-савецкай вайны ў жніўні 1919 — ліпені 1920 года пад акупацыяй Польшчы.

З 31 ліпеня 1920 года ў БССР. У 1940 годзе да Вяндзежа была далучана в. Вяндзежская Слабада.

З канца чэрвеня 1941 года да 3 ліпеня 1944 года акупіравана нямецкімі войскамі.

Насельніцтва

• Кан XIX ст. — 2 двары, 18 жыхароў.
• 1917 год — 6 двароў, 47 жыхароў.
• 1960 год — 166 жыхароў.
• 1999 год — 39 чалавек.
• 2002 год — 25 двароў, 35 жыхароў.
• 2010 год — 24 чалавекі

Славутасці

• Рэшткi сядзiбнага будынка. Вядома пад назвай — Панскi двор Вяндзеж.

Літаратура

• Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с. — 3000 экз. ISBN 985-01-0251-9
• Гарады і вёскі Беларусі: Энцыклапедыя. Т. 8: Мінская вобласць, кн. 4 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2013. — 528 с.: іл. — 2 000 экз. — ISBN 978-985-11-0735-9.

Спасылкі

• На Вікісховішчы ёсць медыяфайлы па тэме Вяндзеж