Вікіпедыя:Значнасць асоб

З пляцоўкі Вікіпедыя
Jump to navigation Jump to search
Кароткая спасылка-перанакіраванне ВП:ЗА
ВП:КЗА

Значнасць у Вікіпедыі — крытэрый уключэння артыкулаў, заснаваны на энцыклапедычнай прыдатнасці тэмы артыкула. Дзеля з’яўлення артыкулаў пра асоб гэтыя асобы мусяць быць у першую чаргу значнымі для Вікіпедыі, і не абавязкова знакамітымі ці папулярнымі — хоць апошняе таксама не выключана.

Назва артыкула павінна называць прадмет артыкула. Калі звестак дастаткова дзеля стварэння артыкула пра саму асобу, варта назваць артыкул яго імем: «Лявон Іванюк». Калі ж плануецца змясціць інфармацыю толькі пра адну падзею з жыцця асобы, тады след назваць артыкул паводле гэтай падзеі, напрыклад выпадак са Стывам Бартманам(англ.) бел.. Часам бывае багата інфармацыі на асобны артыкул пра і так значную асобу. Калі артыкул пра значную асобу ўжо даволі вялікі, частку інфармацыі з яго можна вынесці ў асобны артыкул.

Асноўны крытэрый[правіць зыходнік]

Асобы лічацца значнымі, калі яны неаднаразова згаданыя ў розных апублікаваных надзейных другасных крыніцах, незалежных адна ад адной і ад самога суб’екта.

  • Калі адной асобна ўзятай крыніцы недастаткова дзеля пацверджання значнасці, варта скампанаваць некалькі незалежных крыніц; адзін факт згадання суб’екта ў другасных крыніцах можа быць недастатковы дзеля вызначэння значнасці.
  • Першакрыніцы могуць быць выкарыстаныя ў артыкуле дзеля паўнейшага асвятлення, аднак на значнасць суб’екта яны не ўплываюць.

Асобы, якія адпавядаюць асноўнаму крытэрыю, могуць лічыцца значнымі без праверкі дадатковых крытэрыяў (ніжэй). Аднак артыкулы пра гэтых асоб усё ж могуць быць не створаныя, калі яны трапляюць пад крытэрыі выключэння, такія як вядомасць толькі з-за адной падзеі, або пералічаныя ў Чым не ёсць Вікіпедыя.

Дадатковыя крытэрыі[правіць зыходнік]

Асобы лічацца значнымі, калі адпавядаюць прынамсі адной з наступных умоў. Неадпаведнасць гэтым крытэрыям не можа лічыцца канчатковым доказам нязначнасці асобы; і наадварот, адпаведнасць аднаму ці некалькім з іх не гарантуе ўключэнне асобы ў спіс значных.

Асобы, якія не адпавядаюць гэтым дадатковым крытэрыям, усё-ткі могуць быць прызнаныя значнымі згодна з Вікіпедыя:Значнасць. Рэдактарам гэтыя крытэрыі могуць быць прыдатнымі дзеля вызначэння, ці ёсць сэнс патрабаваць у артыкуле дадатковых крыніц (шляхам прастаноўкі {{Крыніца?}} або {{Няма крыніц}}), ці лепей выставіць артыкул на выдаленне.

Біяграфіі ў цэлым[правіць зыходнік]

  1. Асоба атрымала вядомую і значную ўзнагароду або прэмію ці была намінаваная некалькі разоў;
  2. Асоба зрабіла шырока прызнаны ўнёсак, які стаў прызнаным фактам у ейнай галіне.

Навукоўцы[правіць зыходнік]

Шматлікія навукоўцы, даследнікі, філосафы (дзеля зручнасці назавем іх «навуковы свет») даволі ўплывовыя ў навуковым свеце без згадвання іх біяграфій у другасных крыніцах.

Творчыя прафесіі[правіць зыходнік]

Аўтары, рэдактары, журналісты, кінавытворцы, фатографы, мастакі, архітэктары і іншыя прадстаўнікі творчых прафесій:

  1. Асоба лічыцца значнай ці шырока цытаваная сучаснікамі ці паслядоўнікамі;
  2. Асоба вядомая дзякуючы вынаходніцтву якасна новай канцэпцыі, тэорыі ці тэхнікі;
  3. Асоба стварыла ці адыграла значную ролю ў сумесным стварэнні значнага ці добра вядомага твору. Але гэты твор мусіць быць прадметам незалежнай кнігі, поўнаметражнага фільма, ці мноства незалежных артыкулаў у перыёдыках;
  4. Твор (або творы) асобы альбо a) сталі значным помнікам; b) сталі грунтоўнай часткай значнай выставы; c) займелі значную ўвагу крытыкаў; d) прадстаўленыя ў сталых калекцыях некалькі значных галерэй ці музеяў.

Ахвяры і злачынцы[правіць зыходнік]

Асоба, якая вядома толькі ў сувязі з злачынствам ці судовым працэсам, звычайна не павінна быць прычынай стварэння асобнага артыкула, калі існуе такі артыкул, у які можна ўключыць усю інфармацыю пра такую асобу. Калі існы артыкул мае вялікі памер, тады яго варта падзяліць на меншыя памерам.

Калі падыходзячых артыкулаў не існуе, тады злачынец ці ахвяра можа быць значнай для Вікіпедыі асобай толькі тады, калі ён адпавядае аднаму з наступных крытэрыяў:

Для ахвяраў і памылкова абвінавачаных

  1. Ахвяра злачынства ці памылкова абвінавачаная ў злачынстве асоба, знакамітая толькі адной падзеяй, якая адыграла значную ролю ў задакументаванай гісторыі. Гістарычная значнасць асобы вызначаецца сталым апісаннем падзеі ў надзейных другасных крыніцах, якія надаюць асаблівую ўвагу ролі гэтай асобы.

Для злачынцаў

  1. ахвяра злачынства — вядомая ў краіне ці міжнародна асоба, напрыклад (але не толькі) палітыкі ці знакамітасці;
  2. матыў ці спосаб выканання злачынства незвычайны і з гэтай прычыны дастаткова асветлены ў крыніцах. Гістарычная значнасць вызначаецца сталым апісаннем падзеі ў надзейных другасных крыніцах;
    • Увага: чалавек, абвінавачаны ў злачынстве, лічыцца невінаватым, пакуль яго віна не будзе даказана ў судзе. Таму рэдактары мусяць устрымлівацца ад стварэння артыкулаў па меркаваных злачынцах да той пары, пакуль прысуд не будзе вынесены.

Эстрадныя артысты[правіць зыходнік]

Акцёры, акцёры агучкі, комікі, заканадаўцы думак, мадэлі і знакамітасці:

  1. Здымаліся ў значных ролях у шматлікіх значных фільмах, тэлеперадачах, выступалі на сцэне ці інш.;
  2. Маюць вялікую аўдыторыю ці значны «культ асобы»;
  3. Зрабілі ўнікальны, пладавіты ці інавацыйны ўнёсак у галіне шоў.

Ваенныя[правіць зыходнік]

  1. Асобы, узнагароджаныя найвышэйшымі нацыянальнымі ўзнагародамі за адвагу;
  2. Асобы, узнагароджаныя другімі паводле значнасці нацыянальнымі ўзнагародамі за адвагу некалькі разоў;
  3. Знаходзяцца ў званні не ніжэй за генерала/флагмана/камадора ці іх эквівалентаў;
  4. Знаходзяцца на найвышэйшых пасадах ва ўзброеных сілах (напрыклад, начальнік Генеральнага штаба) ці найвышэйшага аддзялення (напрыклад, начальнік штаба сухапутных сіл);
  5. Адыгралі значную ролю ў значнай ваеннай падзеі;
  6. Камандавалі значнай ваеннай адзінкай у бітве;
  7. Унеслі ў ваенную навуку значны ўнёсак, які бясспрэчна належыць ім;
  8. Сталі неаспрэчнымі вынаходнікамі формы ваеннаы тэхналогіі, якая значна змяніла спосаб вядзення вайны;
  9. Прызнаныя сучаснікамі як аўтарытэтная крыніца па вайсковай справе.

Для мэтаў гэтага крытэрыя «значная вайсковая адзінка» азначае буйны баявы карабель, дывізію і больш, ці іх адпаведнікі.

Палітыкі[правіць зыходнік]

  1. Палітыкі і суддзі, якія займалі міжнародныя, дзяржаўныя ці рэгіянальныя (абласныя) пасады, члены або былыя члены нацыянальных, дзяржаўных ці рэгіянальных заканадаўчых органаў. Гэта тычыцца таксама асоб, якія былі абраныя ў такія органы, але пакуль не прыступілі да выканання паўнамоцтваў.
  2. Асноўныя мясцовыя палітычныя дзеячы, якія займелі значны розгалас у прэсе.
  3. Іншыя мясцовыя палітыкі і неабраныя кандыдаты ў заканадаўчыя структуры могуць таксама быць значнымі, калі адпавядаюць агульнаму крытэрыю «значнай колькасці згадак у надзейных крыніцах, незалежных ад суб’екта артыкула».
  4. Для мэтаў гэтага правіла паслы не лічацца займальнікамі міжнародных пасадаў.

Калі кандыдаты ў выбарныя органы не адпавядаюць гэтым крытэрыям, прынята ствараць перанакіраванне з артыкулаў з іх імёнамі на адпаведны артыкул пра выбары ў такія органы. Кароткія біяграфічныя звесткі пра кандыдатаў можна змясціць у гэтым артыкуле.

Спартсмены[правіць зыходнік]

Удзельнікі Алімпійскіх гульняў незалежна ад выніку.

Няслушныя крытэрыі[правіць зыходнік]

  • Той факт, што асоба А мае стасункі з добра вядомай асобай Б, напрыклад з’яўляецца мужам ці дзіцём — не падстава для стварэння асобнага артыкула пра А (калі не існуе значнага асвятлення асобы А). Звесткі пра А можна ўключыць у артыкул пра Б.
  • Варта пазбягаць крытэрыяў ацэнкі значнасці паводле статыстыкі пошукавых сістэм (кшталту Google hits ці Alexa) або паводле колькасці знойдзеных у сеціве фатаздымкаў. Карыстаючыся пашуковікамі, улічвайце якасць, а не колькасць спасылак.

Гл. таксама[правіць зыходнік]