Вікіпедыя:Значнасць асоб

Значнасць у Вікіпедыі — крытэрый уключэння артыкулаў, заснаваны на энцыклапедычнай прыдатнасці тэмы артыкула. Для ўключэння артыкула пра асобу яна мусіць быць у першую чаргу значнай для Вікіпедыі, не абавязкова знакамітай або папулярнай — хоць апошняе таксама не выключана.

Асноўны крытэрый

Асноўны артыкул: Вікіпедыя:Значнасць § Агульны крытэрый значнасці

Асоба можа лічыцца значнай, калі яна досыць падрабязна апісана ў надзейных другасных крыніцах, незалежных ад яе.

• Калі адной асобна ўзятай крыніцы недастаткова для пацвярджэння значнасці, варта скампанаваць некалькі незалежных крыніц; адзін факт згадвання суб’екта ў другасных крыніцах можа быць недастатковым для вызначэння значнасці.
• Першакрыніцы могуць быць выкарыстаны ў артыкуле для паўнейшага асвятлення, аднак значнасць суб’екта не пацвярджаюць.

Асоба, якая адпавядае асноўнаму крытэрыю, можа лічыцца значнай без праверкі дадатковых крытэрыяў. Аднак артыкулы пра такіх асоб усё ж могуць быць не створаны, калі яны трапляюць пад крытэрыі выключэння, такія як вядомасць толькі праз адну падзею, або пералічаныя ў Чым не з’яўляецца Вікіпедыя.

Дадатковыя крытэрыі

Асоба лічыцца значнай, калі адпавядае прынамсі адной з наступных умоў.

Біяграфіі агулам

1. Асоба зрабіла ўнікальны ці інавацыйны ўнёсак у сваёй галіне, што прызнаецца спецыялістамі.
2. Асоба ўганарвана высокай узнагародай, прэміяй або званнем.
3. Імем асобы названы значны аб’ект.

Вядомасць толькі праз адну падзею

Асоба можа быць значнай для Вікіпедыі, калі незалежныя аўтарытэтныя крыніцы надаюць асаблівую ўвагу ролі гэтай асобы ў значнай падзеі.

Навукоўцы

Асобы ўплывовыя ў навуковым свеце без згадвання іх біяграфій у другасных крыніцах.

Творчыя прафесіі

1. Асоба лічыцца значнай паслядоўнікамі ці шырока цытавана.
2. Асоба вядома вынаходніцтвам якасна новай канцэпцыі, тэорыі або тэхнікі.
3. Твор або творы асобы а) сталі значным помнікам; б) сталі асноўнай часткай значнай выставы; в) прыцягнулі значную ўвагу крытыкаў; г) прадстаўлены ў сталых экспазіцыях значных галерэй ці музеяў.
4. Творца мае вялікую аўдыторыю ці значны «культ асобы».

Ваенныя

1. Узнагароджаныя найвышэйшымі нацыянальнымі ўзнагародамі за адвагу;
2. Поўныя кавалеры другіх паводле значнасці нацыянальных узнагарод за адвагу;
3. Знаходзяцца ў званні не ніжэй за генерала/флагмана/камадора ці іх эквівалентаў;
4. Знаходзяцца на найвышэйшых пасадах ва ўзброеных сілах (напрыклад, начальнік Генеральнага штаба) ці найвышэйшага аддзялення (напрыклад, начальнік штаба сухапутных сіл);
5. Адыгралі значную ролю ў значнай ваеннай падзеі;
6. Камандавалі значнай вайсковай адзінкай у ваенных дзеяннях;
7. Унеслі значны ўклад у ваенную навуку;
8. Сталі вынаходнікамі формы ваеннай тэхналогіі, якая значна змяніла спосаб вядзення вайны;
9. Прызнаны сучаснікамі як аўтарытэтная крыніца па вайсковай справе.

Для мэтаў гэтага крытэрыя «значная вайсковая адзінка» азначае буйны баявы карабель, дывізію і больш, ці іх адпаведнікі.

Палітыкі

1. Палітыкі і суддзі, якія займалі міжнародныя ці вышэйшыя дзяржаўныя пасады, кіраўнікі рэгіянальных (абласных) заканадаўчых, выканаўчых і судовых органаў. Гэта тычыцца таксама асоб, якія былі абраныя ці прызначаныя, але не прыступілі да выканання паўнамоцтваў.
2. Уплывовыя палітычныя дзеячы, якія займелі значны розгалас.

Дыпламаты

1. Кіраўнікі самастойных дыпламатычных прадстаўніцтваў дзяржаў у іншых дзяржавах і пры асноўных міжнародных арганізацыях.
2. Дыпламаты ў рангу надзвычайнага і паўнамоцнага пасла ці аналагічным вышэйшым дыпламатычным рангу.
3. Дыпламаты, прафесійная дзейнасць якіх аказала істотны ўплыў на міжнародныя адносіны.

Спартсмены

Удзельнікі Алімпійскіх гульняў незалежна ад выніку. Чэмпіёны і прызёры чэмпіянатаў свету, рэкардсмены свету ў алімпійскіх дысцыплінах.

Няслушныя крытэрыі

• Той факт, што асоба А мае стасункі з добра вядомай асобай Б, напрыклад з’яўляецца мужам ці дзіцём — не падстава для стварэння асобнага артыкула пра А (калі няма значнага асвятлення асобы А). Звесткі пра А можна ўключыць у артыкул пра Б.

Гл. таксама

• Вікіпедыя:Значнасць