Геранім Фларыян Радзівіл

Геранім Фларыян Радзівіл
Геранім Фларыян Радзівіл
	; Якуб Весэль (ням.) (бел.. «Партрэт Гераніма Фларыяна Радзівіла»
	; Трубы
харунжы вялікі літоўскі
	1750 — 1760
Нараджэнне	4 мая 1715; Белая, Берасцейскі павет, Берасцейскае ваяводства, Вялікае Княства Літоўскае, Рэч Паспалітая, Польшча;
Смерць	17 мая 1760 (45 гадоў); Белая, Берасцейскі павет, Берасцейскае ваяводства, Вялікае Княства Літоўскае, Рэч Паспалітая, Польшча;
Месца пахавання	Крыпта-пахавальня Радзівілаў;
Род	Радзівілы
Бацька	Караль Станіслаў Радзівіл
Маці	Ганна Кацярына з Сангушкаў
Жонка	Тэрэза з Сапегаў[d], Магдалена Чапская[d] і Анеля Мянчынская[d]
Дзейнасць	палітык
Узнагароды
	Медыяфайлы на Вікісховішчы

Геранім Фларыян Радзівіл (4 мая 1715, г. Бяла Брэсцкага ваяв. — 17 мая 1760) — дзяржаўны дзеяч ВКЛ, мецэнат.

Біяграфія[правіць | правіць зыходнік]

Сын Караля Станіслава Радзівіла і Ганны Кацярыны з Сангушкаў Радзівіл.

Атрымаў хатнюю адукацыю, у 1730—35 падарожнічаў за мяжой. 3 1731 стаў фактычным уладальнікам (юрыдычным з 1744) т.зв. «Нойбургскіх маёнткаў». Трымаў таксама Пшэмысльскае і Крычаўскае староствы.

Падчашы ВКЛ у 1739—50, вялікі харужы ВКЛ з 1750. Меў 6-тысячнае войска (па колькасці раўнялася войску ВКЛ). Гарнізоны размяшчаліся ў Слуцку (галоўныя сілы), Бялай, Біржах, Кейданах, Невелі, Себежы, Крычаве, Капылі, Нягневічах, Рубяжэвічах, Беліцы і набіраліся з мясцовай шляхты і ваенна-служылых людзей (зямян, выбранцаў і інш.); афіцэры запрашаліся часткова з-за мяжы. У Бялай, пасля ў Слуцку трымаў афіцэрскую школу (кадэцкі корпус). Геранім Фларыян Радзівіл захоўваў жорсткі парадак у сваіх гарадах і маёнтках, задушыў Крычаўскае паўстанне 1743-44. У 1756 пачаў будаваць на востраве Жыд-возера (перайменаваў яго ў Князьмор, цяпер воз. Чырвонае) мураваны замак пад назвай Венецыя; меркаваў стварыць на возеры флот з артылерыяй.

Заснаваў тэатр у Бялай і Слуцкі тэатр Радзівілаў (1751), артысты для якога рыхтаваліся ў спецыяльнай школе (першая ў Рэчы Паспалітай). Сабраў карцінную галерэю, вялікую бібліятэку, арганізаваў значнае будаўніцтва ў сваіх рэзідэнцыях — Бялай і Слуцку.

У шлюбах з Тэрэзай Сапегай, Магдаленай Чапскай і Анеляй Мянчынскай дзяцей не меў, і яго маёнткі перайшлі да брата Міхала Казіміра Радзівіла «Рыбанькі».

Зноскі

Літаратура[правіць | правіць зыходнік]

Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 792 с. — ISBN 985-11-0378-0 (т. 2), ISBN 985-11-0315-2.
Шышыгіна-Патоцкая К. Я. Нясвіж і Радзівілы. — Мн.: Беларусь, 2007. — 240 с.: іл. ІSBN 978-985-01-0740-4.

Спасылкі[правіць | правіць зыходнік]

На Вікісховішчы ёсць медыяфайлы па тэме Геранім Фларыян Радзівіл