Герб Рэюньёна

З пляцоўкі Вікіпедыя
Jump to navigation Jump to search
Герб Рэюньёна
Blason Réunion DOM.svg
Дэталі
Зацверджаны у 1925 годзе
Шчыт
чатырохчастковы з малым шчытком у сярэдзіне

Герб Рэюньёна быў створаны ў 1925 годзе Эмілем Мервартам(фр.) бел. з нагоды правядзення ў горадзе Петыт-Іль каланіяльнай выстаўкі(англ.) бел..

Герб уяўляе сабой чатырохчастковы шчыт, у сярэдзіне якога малы шчыток, двойчы рассечаны на блакіт, срэбра і чырвоны колер, у срэбры залатая манаграма «RF»; у першай частцы — на зялёным фоне гара з трыма вяршынямі, правая з якіх -вулкан, які вывяргаецца, над цэнтральнай вяршыняй па дузе тры сярэбраныя лацінскія літары «M», гара стаіць ля акіяна, што займае ніжнюю палову поля, усе фігуры сярэбраныя; у другой частцы — у рассечаным на блакіт і чырвоны колер сярэбраны карабель, які плыве па хвалях таго ж металу; у трэцяй частцы — у блакітным полі тры залатыя лілеі; у чацвёртай частцы — чырвонае поле абсыпана залатымі пчоламі.

Вялікі герб таксама змяшчаедэвіз «Florebo Quocumque Ferar», які знаходзіцца над шчытом на залатой стужцы, апавітай зялёнай галіной ванілі.

Сімволіка[правіць | правіць зыходнік]

Кожная частка шчыта мае ўласны сімвалічны сэнс. Выява ў першай частцы сімвалізуе гарысты востраў Рэюньён, тры M азначаюць лік 3 000, запісаны рымскімі лічбамі, што ў сваю чаргу з’яўляецца прыкладнай вышынёй на ўзроўнем мора найвышэйшага пункта вострава — патухлага вулкана Пітон-дэ-Неж (дакладная вышыня складае 3 069 метраў). У другой чвэрці намаляваны карабель «Святы Алексій», на якім у 1638 годзе на востраў прыбылі французы, якія абвясцілі яго ўладаннем французскай кароны. Тры лілеі ў трэцяй чвэрці сімвалізуюць Французскае каралеўства, залатыя пчолы ў чацвёртай частцы — Французскую імперыю (залатыя пчолы былі эмблемай імператара Напалеона I). Шчыток у цэнтры афарбаваны ў колеры нацыянальнага сцяга Францыі і сімвалізуе Французскую рэспубліку, тое ж значэнне мае манаграма RF (фр.: République Française — Французская рэспубліка).

Лацінамоўны дэвіз раней з’яўляўся дэвізам Французскай Ост-Індскай кампаніі і перакладаецца як «Буду квітнець там, дзе буду пасаджана». Вытворчасць ванілі з’яўляецца важнай часткай эканомікі вострава.

Спасылкі[правіць | правіць зыходнік]

  • Le Blason de l'île de la Réunion // Histoire de l'île de la Réunion. (фр.) 
  • Armoiries de la Réunion // Les emblèmes de France. — 22 Octobre 2009. (фр.) 

Гл. таксама[правіць | правіць зыходнік]