Дубраўскі раён

Дубраўскі раён
Дубровский район
Сцяг Герб
Краіна	Расія
Статус	раён
Уваходзіць у	Бранскую вобласць
Адміністрацыйны цэнтр	Дубраўка
Дата ўтварэння	1929
Насельніцтва	22 000
Плошча	1 030 км²
Часавы пояс	UTC+3
Тэлефонны код	+7 48332
Код аўтам. нумароў	32
Афіцыйны сайт (руск.)
Медыяфайлы на Вікісховішчы

Ду́браўскі раён (руск.: Дубровский район) — адміністрацыйна-тэрытарыяльная адзінка на паўночным захадзе Бранскай вобласці Расіі. Адміністрацыйны цэнтр — пасёлак Дубраўка.

Геаграфія

Плошча раёна — 1030 км². Мяжуе на поўначы з Рагнедзінскім раёнам, на поўдні — з Клетнянскім раёнам, на ўсходзе — з Жукаўскім раёнам, на захадзе — са Смаленскай вобласцю.

Асноўныя рэкі — Сешча, Белізна, Дзясна.

Гісторыя

Дубраўскі раён быў утвораны ў 1929 годзе на аснове Дубраўскай воласці Бежыцкага павета Бранскай губерні і частцы Сешчанскай воласці Рослаўскага павета Смаленскай губерні. Спачатку раён уваходзіў у склад Рослаўльскай акругі Заходняй вобласці.

У 1937 годзе была ўтворана Арлоўская вобласць, у якую разам з іншымі раёнамі цяперашняй Бранскай вобласці ўвайшоў і Дубраўскі раён.

5 ліпеня 1944 года ўказам Прэзідыума Вярхоўнага Савета СССР была ўтворана Бранская вобласць, у склад якой быў уключаны і Дубраўскі раён.

У 1963—1972 гадах у склад раёна ўваходзіла тэрыторыя часова скасаванага Рагнедзінскага раёна.

Дэмаграфія

Насельніцтва раёна складае 22,0 тыс. чалавек. Усяго налічваецца 127 сельскіх населеных пунктаў.

Адміністрацыйна-тэрытарыяльны падзел

Пасля муніцыпальнай рэформы (2005) у раёне налічваецца 1 гарадское і 6 сельскіх паселішчаў:

Гарадскія паселішчы:

• Дубраўскае гарадское паселішча

Сельскія паселішчы:

• Алешынскае сельскае паселішча
• Пеклінскае сельскае паселішча
• Рабчынскае сельскае паселішча
• Рэкавіцкое сельскае паселішча
• Сешчанскае сельскае паселішча
• Сяргееўскае сельскае паселішча

Транспарт

Праз раён праходзяць чыгунка і аўтадарога, якія злучаюць Бранск і Смаленск.

Славутасці

• Царква Св. Тройцы ў в. Галубея.
• Царква Нараджэння Божай Маці ў в. Давыдчычы.
• Царква Праабражэння Гасподняга ў Рэкавічы.
• Парк «Трохбрацкае».

Вядомыя асобы

• Данііл Сяргеевіч Клімоўскі (1920—1982) — беларускі гісторык. Доктар гістарычных навук (1979), прафесар (1980).

Спасылкі

• На Вікісховішчы ёсць медыяфайлы па тэме Дубраўскі раён
• Дубраўскі раён на Radzima.org