Кузня (карціна Джозефа Райта)
| ||
| Джозеф Райт | ||
| Кузня. 1771 | ||
| The Blacksmith's Shop | ||
| Матэрыял | Палатно | |
|---|---|---|
| Тэхніка | алей | |
| Музей і мастацкая галерэя Дэрбі, Вялікабрытанія | ||
 Медыяфайлы на Вікісховішчы | ||
«Кузня» (англ.: The Blacksmith's Shop) — тэма, якая паўтараецца ў пяці карцінах англійскага мастака Джозефа Райта 1771—1773 гадоў.
На той з карцін, што захоўваецца ў Музеі і мастацкай галерэі Дэрбі, выяўлены трое мужчын за працай над жалезным або сталёвым вырабам. Прысутнасць гледачоў і начная праца тлумачыцца працай па-за будынкам: Райт адлюстроўвае папраўку чагосьці для падарожніка пры святле свечкі[1]. Гэтая абстаноўка дазваляе паказаць навык мастака ў працы з такім асвятленнем[2][3]. У правай частцы карціны выяўлены мужчына, які абапіраецца на палку і нічога не робіць. Нікальсан адзначае, што на яго глядзяць без асуджэння, але з павагай[1]. Карціна была набыта ArtFund і Музеем і мастацкай галерэяй Дэрбі ў 1979 годзе прыкладна за 69000 фунтаў у сям’і Грэг (Greg), якая валодала ёй з 1875 года[4].
Больш познія версіі, на якіх праца каваля выяўлена больш традыцыйна, цяпер захоўваюцца ў Эрмітажы ў Санкт-Пецярбургу і ў Галерэі Тэйт у Лондане. На іх выяўлены моцны мужчына, які працуе з кавальскім горнам у той час, як за ім назірае яго сям’я. Паравыя кузні былі ўжо не ў навінку, але інавацыя Райта заключаецца ў тым, што ён палічыў іх выдатным аб’ектам для мастацкага адлюстравання. Гэта прывяло да таго, што яго карціны часта выкарыстоўваюцца як сімвал прамысловай рэвалюцыі і Асветніцтва.
У 1772 годзе Райт стварыў версію карціны 44 на 52 цалі пад назвай The Iron Forge, якую прадаў лорду Пальмерстону (Palmerston) за 200 фунтаў; гэтая карціна па-ранейшаму захоўваецца ў сям’і Пальмерстонаў. Іншая версія карціны, 41 на 44 цалі, An Iron Forge («Кузня, выгляд звонку», 105х140 см[3]), была прададзена Кацярыне Вялікай (яна ж пазней купіла яшчэ дзве карціны Райта, пра вывяржэнне Везувія і феерверк, але карціна з кавалём была прызнана лепшай з набытых[5]; у аснове кампазіцыі — малюнак пяром, які захоўваецца, як і адна з карцін, у Музеі і мастацкай галерэі Дэрбі[3]). Яшчэ адна версія карціны, The Blacksmith's Shop, была прададзена Першаму лорду Мельбурн (Melbourne). Яна заставалася ў сям’і Мельбурн да перадачы ў Down House, дзе далучылася да калекцыі ў гонар Чарльза Дарвіна; на дадзены момант карціна знаходзіцца ў калекцыі Мелана.
Зноскі
- 1 2 Benedict Nicolson; Paul Mellon Foundation for British Art (1968). Joseph Wright of Derby: painter of light. Paul Mellon Foundation for British Art; Routledge and K. Paul. pp. 51–. ISBN 9780710062840. Праверана 13 May 2011.
- ↑ The Blacksmith’s Shop Архівавана 4 мая 2009., Derby.gov.uk, accessed May 2011
- 1 2 3 Кузня, выгляд звонку (руск.)(недаступная спасылка). Эрмітаж. Архівавана з першакрыніцы 11 лістапада 2007. Праверана 17 мая 2011.
- ↑ The Blacksmith’s Shop(недаступная спасылка), artfund.org, accessed May 2011
- ↑ Joseph Wright of Derby: Art, the Enlightenment and Industrial Архівавана 15 сакавіка 2007., RevolutionaryPlayers, accessed May 2011