Луіс Федэрыка Лелуар

Луіс Федэрыка Лелуар
Luis Federico Leloi
Дата нараджэння	6 верасня 1906(1906-09-06)
Месца нараджэння	Парыж, дэпартамент Сена, Францыя
Дата смерці	2 снежня 1987(1987-12-02) (81 год)
Месца смерці	Правінцыя Катамарка, Аргенціна ці Буэнас-Айрэс, Аргенціна
Месца пахавання	Могілкі Рэкалета[d]
Грамадзянства	Аргенціна  Францыя
Род дзейнасці	урач, біяхімік, вучоны, выкладчык універсітэта, хімік
Навуковая сфера	Біяхімія
Месца працы	Кембрыджскі ўніверсітэт, Вашынгтонскі ўніверсітэт, Калумбійскі ўніверсітэт
Навуковая ступень	доктар медыцыны[d] (1932)
Альма-матар	Універсітэт Буэнас-Айрэса
Навуковы кіраўнік	Бернарда Альберта Усай
Вядомы як	першы іспанамоўны лаўрэат Нобелеўскай прэміі па хіміі
Узнагароды і прэміі
Луіс Федэрыка Лелуар на Вікісховішчы

Луіс Федэрыка Лелуар (ісп.: Luis Federico Leloi; 6 верасня 1906, Парыж — 2 снежня 1987, Аргенціна) — аргенцінскі ўрач і біяхімік, першы іспанамоўны лаўрэат Нобелеўскай прэміі па хіміі. Член Нацыянальнай АН ЗША (1960), Амерыканскай акадэміі мастацтваў і навук (1961), Лонданскага каралеўскага таварыства (1972).

Біяграфія

Скончыў універсітэт Буэнас-Айрэса (1932). У 1934—1935, 1937—1943 гадах працаваў у Інстытуце фізіялогіі пры гэтым універсітэце (з 1941 прафесар фізіялогіі). У 1936 годзе ў біяхімічнай лабараторыі Кембрыджскага ўніверсітэта. У 1943 пераехаў у ЗША. Працаваў у Вашынгтонскім (1944 г.) і Калумбійскім універсітэтах (1944—1945). У 1946 годзе вярнуўся ў Аргенціну. З 1946 загадчык біяхімічнай лабараторыі Інстытута фізіялогіі.

Асноўныя працы

Працы па метабалізму вугляводаў ў жывых клетках, а таксама вугляводных вытворных нуклеатыдаў. Лелуар і яго калегі вывучалі глікапратэіны, паказалі асноўныя шляхі метабалізму галактозы, а таксама шляхі развіцця галактаземіі — прычыны з'яўлення неўспрымальнасці да лактозы. Сумесна з групай супрацоўнікаў вылучыў і вывучыў шматлікія ферменты вугляводнага абмену.