Роберт Сандэрсан Малікен

Роберт Сандэрсан Малікен
англ.: Robert Sanderson Mulliken
Роберт Малікен, Чыкага, 1929 г.
Дата нараджэння	7 чэрвеня 1896(1896-06-07)[…]
Месца нараджэння	Ньюберыпорт[d], акруга Эсэкс[d], Масачусетс, ЗША
Дата смерці	31 кастрычніка 1986(1986-10-31)[…] (90 гадоў)
Месца смерці	Арлінгтан, Вірджынія, ЗША
Грамадзянства	ЗША
Бацька	Samuel Parsons Mulliken[d]
Род дзейнасці	фізік, хімік-тэарэтык, выкладчык універсітэта
Навуковая сфера	фізічная хімія, арганічная хімія і тэарэтычная хімія
Месца працы	Універсітэт штата Фларыда Чыкагскі ўніверсітэт Нью-Ёркскі ўніверсітэт
Навуковая ступень	доктар філасофіі
Альма-матар	Гарвардскі ўніверсітэт Чыкагскі ўніверсітэт Масачусецкі тэхналагічны інстытут
Навуковы кіраўнік	Уільям Харкінс[d]
Член у	Лонданскае каралеўскае таварыства Нацыянальная акадэмія навук ЗША Міжнародная акадэмія квантавых малекулярных навук[d] Амерыканская акадэмія мастацтваў і навук Амерыканскае філасофскае таварыства Амерыканская асацыяцыя садзейнічання развіццю навукі Амерыканскае фізічнае таварыства
Узнагароды	Нобелеўская прэмія па хіміі (1966) Медаль Прыстлі (1983)
Медыяфайлы на Вікісховішчы

Роберт Сандэрсан Малікен (англ.: Robert Sanderson Mulliken; 7 чэрвеня 1896, Ньюберыпорт, Масачусетс — 31 кастрычніка 1986, Арлінгтан, Вірджынія) — амерыканскі фізік і хімік, прафесар, лаўрэат Нобелеўскай прэміі па хіміі (1966).

Адукацыя

Скончыў школу ў Ньюберыпорце ў 1913 годзе і паступіў у Масачусецкі тэхналагічны інстытут, здолеўшы выйграць стыпендыю на навучанне (як і яго бацька). Спецыялізаваўся ў хіміі. Яшчэ студэнтам апублікаваў першую навуковую працу, прысвечаную сінтэзу арганічных хларыдаў. Вучачыся ў інстытуце, Малікен яшчэ не быў упэўнены, што абярэ навуковую дзейнасць, таму вывучаў таксама хімічную тэхналогію і нават наведваў хімічныя заводы ў Масачусетсы і Мэне. У 1917 годзе атрымаў ступень бакалаўра па хіміі.

Узнагароды і навуковае прызнанне

Акрамя Нобелеўскай прэміі, Малікен быў узнагароджаны Амерыканскім хімічным таварыствам медалём Гілберта Ньютана Люіса (1960), медалём Тэадора Уільяма Рычардса (1960), узнагародай Петэра Дэбая па фізічнай хіміі (1963) і медалём Уіларда Гібса (1965). Ён быў членам амерыканскай Нацыянальнай акадэміі навук (1936), Амерыканскай асацыяцыі садзейнічання развіццю навукі і Амерыканскай акадэміі навук і мастацтваў, а таксама замежным членам Лонданскага каралеўскага таварыства (1967). Малікену былі прысуджаны ганаровыя ступені Калумбійскага, Маркецкага, Кембрыджскага і Стакгольмскага ўніверсітэтаў.

Літаратура

• R. Stephen Berry, Biographical Memoirs, Vol. 78: Robert Sanderson Mulliken, 1896—1986 (Washington, D.C.: The National Academy Press, 2000), pages 146—165. На сайце: http://books.nap.edu/html/biomems/rmulliken.pdf Архівавана 7 чэрвеня 2011..

Спасылкі

• Інфармацыя з сайта Нобелеўскага камітэта (англ.)