Уладзімір Прэлаг

Уладзімір Прэлаг
басн.: Vladimir Prelog
Дата нараджэння	23 ліпеня 1906(1906-07-23)
Месца нараджэння	Сараева, Боснія
Дата смерці	7 студзеня 1998(1998-01-07) (91 год)
Месца смерці	Цюрых, Швейцарыя
Месца пахавання	Мірагай[d]
Грамадзянства	Швейцарыя
Род дзейнасці	хімік, прафесар універсітэта
Навуковая сфера	біяхімія
Месца працы	Заграбскі ўніверсітэт, Швейцарская вышэйшая тэхнічная школа Цюрыха
Альма-матар	Чэшскі тэхнічны ўніверсітэт
Навуковы кіраўнік	Эміль Вотачак[d]
Узнагароды і прэміі	Нобелеўская прэмія па хіміі (1975)
Уладзімір Прэлаг на Вікісховішчы

Уладзімір Прэлаг (басн.: Vladimir Prelog; 23 ліпеня 1906, Сараева, Боснія — 7 студзеня 1998, Цюрых) — швейцарскі хімік-арганік.

Біяграфія

Пасля заканчэння хімічнага факультэта Чэшскага тэхнічнага ўніверсітэта ў 1928 годзе (цяпер Вышэйшая школа хімічнай тэхналогіі) працаваў у Празе ў Лабараторыі сінтэзу тонкіх хімічных рэчываў. У 1935 вярнуўся ў Югаславію, дзе выкладаў арганічную хімію ў Заграбскім універсітэце. У 1941 пасля акупацыі Югаславіі фашысцкімі войскамі Прэлаг пераехаў у Швейцарыю. Працаваў у Канфедэратыўнай вышэйшай тэхнічнай школе ў Цюрыху; там у 1957 прыняў ад Л. Ружычка яго Лабараторыю арганічнай хіміі - адзін з буйных цэнтраў вывучэння хіміі прыродных злучэнняў і фізіялагічна актыўных рэчываў.

Асноўныя працы

Уладзіміру Прэлагу належаць працы па стэрэахіміі і распрацоўцы сучасных метадаў даследавання складаных арганічных злучэнняў, у тым ліку шэрагу практычна важных антыбіётыкаў.

Нобелеўская прэмія

Нобелеўская прэмія па хіміі (1975) за даследаванні ў галіне стэрэахіміі арганічных малекул і рэакцый.

Спасылкі

• Інфармацыя з сайта Нобелеўскага камітэта (англ.) 
• Профіль Уладзіміра Прэлага на афіцыйным сайце РАН