Мічман

Мічман
Пагон мічмана ВМФ СССР
Старэйшае званне	лейтэнант і старшы мічман
Малодшае званне	Oberbootsmann[d], Gardes de la Marine[d] і кандуктор

Мічман (англ.: midshipman) — воінскае званне ў ВМФ (ВМС) многіх дзяржаў свету.

У ВМФ Расіі ў 1716—1732 гг. унтэр-афіцэрскі чын, у 1732—1751 і 1758—1917 гг. малодшы (першы) афіцэрскі чын, які адпавядаў паручніку ў арміі. У ВМФ СССР у 1940—1971 гг. воінскае званне старшынскага складу, з 1972 па 1991 гг. воінскае званне ў ВМФ і марскіх часцях пагранічных войск, якое адпавядала званню прапаршчык.

У Вялікабрытаніі, ЗША і іншых краінах — воінскае званне курсантаў старшых курсаў ваенна-марскіх ВНУ.

Перад воінскім званнем ваеннаслужачага, які праходзіць ваенную службу ў гвардзейскай вайсковай частцы, на гвардзейскім караблі, дадаецца слова «гвардыі».

Да воінскага звання вайскоўца або грамадзяніна, які знаходзіцца ў запасе ці адстаўцы, дадаюцца адпаведна словы «запасу» або «у адстаўцы».

Літаратура

• Мічман // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 491. — 10 000 экз. — ISBN 985-11-0035-8. — ISBN 985-11-0169-9 (т. 10).