Сляпянскія могілкі

З Вікіпедыі, свабоднай энцыклапедыі
Сляпянскія могілкі
Месца, дзе размяшчаліся Сляпянскія могілкі
Месца, дзе размяшчаліся Сляпянскія могілкі
53°55′45″ пн. ш. 27°38′02″ у. д.HGЯO
Размяшчэнне
Краіна
МесцазнаходжаннеМінск 
Гісторыя
Дата ліквідацыі2004 
Лагатып Вікісховішча Медыяфайлы на Вікісховішчы

Сляпянскія могілкі (таксама вядомыя як могілкі каля Абсерваторыі) — зніклыя могілкі былых вёсак Вялікая і Малая Сляпянка, якія знаходзіліся на цяперашняй тэрыторыі Мінска побач з дзяржаўнай абсерваторыяй і былым Маскоўскім аўтавакзалам. Першы раз пра іх згадваецца ў XVII ст[1]. На тэрыторыі могілак дзейнічала царква, якая працавала да 1934 г. і была разбурана ў пачатку 1950-х гг[2]. Падчас будаўніцтва Маскоўскай шашы часткова знішчаны ў 1930-х гг[3]. Пазней яшчэ частка пахаванняў была знішчана ў пачатку 1970-х гг. падчас работ на Ленінскім праспекце (цяпер пр. Незалежнасці). Пры гэтым частка пахаванняў перавезена па згодзе сваякоў у іншыя месцы, частка ліквідавана, аб чым сведчаць старажылы Мінска. Падчас гэтай першай хвалі ліквідацыі могілак былі зафіксаваны выпадкі дзіцячага вандалізму адносна касцей памерлых[4]. Пазней, згодна вусных успамінаў супрацоўнікаў «Белгідрамета», асобныя пахаванні былі ліквідаваны ў пачатку 1980-х гг. падчас будаўніцтва першай лініі мерапалітэна[5].

Рэшткі агароджы(?). На фоне гідраметэаралагічная абсерваторыя

У першае дзясяцігоддзе ХХІ ст. рэштка магіл, якія захаваліся з 1970-х гг. была ліквідавана, але толькі ў сэнсе вывазу агароджы, крыжоў і помнікаў, самі пахаванні не былі эксгуміраваны і зніклі[6], таму слядоў іх існавання на паверхні зямлі амаль не захавалася за выключэннем асобных рэшткаў цаглянага плоту вакол іх тэрыторыі. На жнівень 2017 г. на паверхні засталіся вярхушкі трох магільных помнікаў, якія ўжо сышлі ў грунт[7]. Тым не менш, могілкі па-ранейшаму пазначаны на картах і атласах горада (звычайна без назвы) ў адрозненні ад іншых знішчаных могілак[8].

Гл. таксама[правіць | правіць зыходнік]

Зноскі

  1. ↑ Кладбище бывших деревень Большая и Малая Слепянка Архівавана 4 сакавіка 2016. // Минск старый и новый
  2. ↑ Павел Боянков, священник. То, что имеем, досталось дорогой ценой // «Минский курьер» № 617 12 Мая 2005г
  3. ↑ Вероника ЧЕРКАСОВА. ГОРОД МЕРТВЫХ В ГОРОДЕ ЖИВЫХ // Белгазета № 2 (318) 14 января 2002 г
  4. ↑ [1]
  5. ↑ Могілкі каля Абсерваторыі // Блог Андрэя Берастоўскага
  6. ↑ [2]
  7. ↑ Могілкі каля Абсерваторыі // Блог Андрэя Берастоўскага
  8. ↑ Напр.: Улицы Минска. Малый атлас. 5-е издание, исправленное и дополненное. Мн.: «Квадрограф», 2012, сс. 29 30, 43, 44

Спасылкі[правіць | правіць зыходнік]


Узята з "https://be.wikipedia.org/w/index.php?title=Сляпянскія_могілкі&oldid=4453588"