Фінозы

Фінозы^[1] (ад ням.: Finne — плаўнік рыбы) — захворванне жывёл, якое выклікаецца фінамі — лічынкамі стужачных чарвей сямейства тэнііды (Taeniidae)^[1].

Этыялогія

Заражэнне людзей адбываецца пры ўжыванні мяса, інфікаванага фінамі, з недастатковай тэрмічнай апрацоўкай. Лічынка ўнутры чалавека спее і ператвараецца ў дарослага чарвя.

Жывёлы заражаюцца пры ўжыванні ўзбуджальніка з заражаным кормам або вадой.

Сімптомы

Хворая жывёла слабее, у яе зніжаецца апетыт, тэмпература можа падвышацца да 41 °C, пачашчаецца сэрцабіцце, лімфавузлы павялічваюцца, склеры жаўцеюць. Жывёла дрэнна расце і не набірае вагу. Калі хвароба працякае ў цяжкай вострай форме, жывёла гіне праз 8-9 дзён, а пры замаруджванні цячэння хваробы, яна можа набываць хранічны характар без клінічных прыкмет.

Дыягностыка

Дыягназ ставяць пры імунабіялагічныя даследаванні жывёл, а таксама пры выяўленні фінаў у забітых жывёл.

Лячэнне і прафілактыка

Да прафілактыкі адносіцца забой жывёлы ў спецыяльна адведзеных месцах, пільны агляд мяса, захаванне асабістай гігіены, адмова ад ужывання прадуктаў, прыгатаваных з сырога або недастаткова прасмажанага мяса, і г. д.

Для лячэння рэкамендуюць панакур, гранулят мебендазола 22 %, дранцыт (празіквантэл), 3 % раствор мебендазола, фенасал-бітыянол (1 грам на 10 кг жывой масы).

Крыніцы

↑ ^а ^б Фінозы // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.. — С. 207

Літаратура

«Кыргызстан». Улуттук энциклопедия: 7-том / Башкы ред. Ү. А. Асанов. К 97. Б.: «Кыргыз энциклопедиясы» башкы редакциясы, 2015. — 832 б., илл. ISBN 978-9967-14-125-4

[ЭПБ-1] а ^б Фінозы // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.. — С. 207

[1]