Шчэцінскі ўніверсітэт

Шчэцінскі ўніверсітэт
польск.: Uniwersytet Szczeciński
Арыгінальная назва	польск.: Uniwersytet Szczeciński
Заснаваны	1985
Тып	класічны ўніверсітэт
Рэктар	Вальдэмар Тарчыньскі
Рэктар	Waldemar Tarczyński[d]
Студэнты	14 000
Краіна	Польшча
Размяшчэнне	Шчэцін
Юрыдычны адрас	вул. Папы Яна Паўла ІІ 22а, 70-453 г. Шчэцін, Польшча
Сайт	usz.edu.pl
Медыяфайлы на Вікісховішчы

Шчэцінскі ўніверсітэт (польск.: Uniwersytet Szczeciński) — польская дзяржаўная вышэйшая навучальная ўстанова са статусам універсітэта, якая знаходзіцца ў горадзе Шчэцін.

Агульная характарыстыка

Універсітэт быў створаны 1 кастрычніка 1985 года. Ён паўстаў на аснове аб’яднання факультэта інжынерна-эканамічнага транспарту Шчэцінскай палітэхнікі (які бярэ пачатак з 1946 года, калі гэта была асобная навучальная ўстанова: Акадэмія гандлю, а з 1950 года — Вышэйшая школа эканомікі) і Вышэйшай педагагічнай школы, якая функцыянавала з 1968 года як Трохгадовая школа настаўнікаў. У яе склад тады ўваходзілі 4 факультэты, 2 інстытуты, якія дзейнічалі на правах факультэтаў, і пяць агульнаўніверсітэцкіх падраздзяленняў.

На 2020 год ва ўніверсітэце працуюць каля 1100 выкладчыкаў і больш за 800 супрацоўнікаў адміністрацыі.

Структура

Інстытуты

• Інстытут біялогіі
• Інстытут фізікі
• Інстытут матэматыкі
• Інстытут марскіх і экалагічных навук
• Інстытут лінгвістыкі
• Інстытут літаратуры і новых медыяў
• Інстытут гісторыі
• Інстытут філасофіі і кагнітывістыкі
• Інстытут псіхалогіі
• Інстытут сацыялогіі
• Інстытут педагогікі
• Інстытут навук аб палітыцы і бяспецы
• Інстытут эканомікі і фінансаў
• Інстытут кіравання
• Інстытут прасторавай эканомікі і сацыяльна-эканамічнай геаграфіі
• Інстытут навук аб фізічнай культуры
• Інстытут правазнаўчых навук
• Інстытут тэалагічных навук

Факультэты

• Гуманітарны факультэт
• Факультэт дакладных і прыродазнаўчых навук
• Тэалагічны факультэт
• Факультэт сацыяльных навук
• Факультэт права і адміністрацыі
• Факультэт фізічнай культуры і аховы здароўя
• Факультэт эканомікі, фінансаў і кіравання

Спасылкі

• На Вікісховішчы ёсць медыяфайлы па тэме Шчэцінскі ўніверсітэт
• Афіцыйная інтэрнэт-старонка ўніверсітэта