Універсітэт Яна Каханоўскага ў Кельцах

З пляцоўкі Вікіпедыя
Універсітэт Яна Каханоўскага ў Кельцах
польск.: Uniwersytet Jana Kochanowskiego w Kielcach
Jan Kochanowski University Campus.jpg
Арыгінальная назва польск.: Uniwersytet Jana Kochanowskiego w Kielcach
Міжнародная назва Jan Kochanowski University in Kielce
Заснаваны 1969
Рэарганізаваны 2011
Тып класічны ўніверсітэт
Рэктар Станіслаў Глушэк
Рэктар Stanisław Głuszek[d][1]
Студэнты 11 000
Размяшчэнне Кельцы
Юрыдычны адрас вул. Жэромскага 5,
25-369 г. Кельцы, Польшча
Сайт ujk.edu.pl
Лагатып Вікісховішча Медыяфайлы на Вікісховішчы

Універсітэт Яна Каханоўскага ў Кельцах (польск.: Uniwersytet Jana Kochanowskiego w Kielcach) — польская дзяржаўная вышэйшая навучальная ўстанова са статусам універсітэта і з сядзібай у горадзе Кельцы.

Агульная характарыстыка[правіць | правіць зыходнік]

Першапачаткова вучэльня створана ў 1969 годзе як Вышэйшая настаўніцкая школа. У наступныя гады яна зведала шматлікія пераўтварэнні, атрымаўшы ў 2008 годзе статус універсітэта, а ў 2011 годзе - класічнага універсітэта. З 1979 года вучэльня носіць імя Яна Каханоўскага.

У 1981 годзе быў створаны факультэт ў Пётркаве Трыбунальскім, які пасля стаў філіялам універсітэта. У 2000 годзе была створана Свентакшыская акадэмія, якая ў 2008 годзе была ператворана ва Універсітэт гуманітарных навук Яна Каханоўскага ў Кельцах. 1 кастрычніка 2011 года вучэльня атрымала сучасную назву і статус. У канцы 2016 года на базе скасаванагабылоў Дзяржаўнай вышэйшай прафесійнай школы ў Сандаміры быў утвораны факультэт Універсітэта Яна Каханоўскага.

Такім чынам, вучэльня за сваю гісторыю мела наступныя назвы:

  • 1969-1973 - Вышэйшая настаўніцкая школа ў Кельцах
  • 1973-1979 - Вышэйшая педагагічная школа ў Кельцах
  • 1979-2000 - Вышэйшая педагагічная школа імя Яна Каханоўскага ў Кельцах
  • 2000-2008 - Свентакшыская акадэмія імя Яна Каханоўскага ў Кельцах
  • 2008-2011 - Універсітэт гуманітарных навук Яна Каханоўскага ў Кельцах
  • з 2011 - Універсітэт Яна Каханоўскага ў Кельцах

Па стане на 1 кастрычніка 2019 года ва ўніверсітэце працавала каля 900 супрацоўнікаў, у тым ліку 76 прафесароў. У 2018/2019 навучальным годзе ва ўніверсітэце навучалася 11 339 студэнтаў, у тым ліку 8 749 - на стацыянарных студыях першай і другой ступені вышэйшай адукацыі. На канец 2015 года універсітэцкая бібліятэка ў Кельцах мела ў сваіх фондах больш за 481 тыс. выданняў, больш за 69 тыс. асобнікаў перыядычных выданняў і каля 10,5 тыс. інвентарных адзінак спецыяльных сбораў.

Структура[правіць | правіць зыходнік]

  • Гуманітарны Факультэт
  • Факультэт дакладных і прыродазнаўчых навук
  • Факультэт педагогікі і псіхалогіі
  • Факультэт мастацтваў
  • Факультэт права і сацыяльных навук
  • Collegium Medicum
  • Філіял у Пётркаве Трыбунальскім
  • Філіял у Сандаміры

Спасылкі[правіць | правіць зыходнік]

  1. https://radon.nauka.gov.pl/dane/profil/451f3300-ea98-4941-a77e-31f6cc80cbeb Праверана 17 верасня 2022.