Педагагічны ўніверсітэт імя Адукацыйнай камісіі ў Кракаве

Педагагічны ўніверсітэт імя Адукацыйнай камісіі ў Кракаве
польск.: Uniwersytet Pedagogiczny im. Komisji Edukacji Narodowej w Krakowie
Арыгінальная назва	польск.: Uniwersytet Pedagogiczny im. Komisji Edukacji Narodowej w Krakowie
Міжнародная назва	Pedagogical University of Cracow
Заснаваны	1946
Тып	педагагічны ўніверсітэт
Рэктар	Пётр Борэк
Рэктар	Piotr Borek[d]
Студэнты	12 000
Размяшчэнне	Кракаў
Юрыдычны адрас	вул. Падхарунжых 2, 30-084 г. Кракаў, Польшча
Сайт	up.krakow.pl
Медыяфайлы на Вікісховішчы

Педагагічны ўніверсітэт імя Адукацыйнай камісіі ў Кракаве (польск.: Uniwersytet Pedagogiczny im. Komisji Edukacji Narodowej w Krakowie) — польская дзяржаўная вышэйшая навучальная ўстанова педагагічнага профілю са статусам універсітэта, якая знаходзіцца ў Кракаве.

Названы ў гонар утворанай у 1773 годзе ў Рэчы Паспалітай Адукацыйнай камісіі - фактычна першага ў Еўропе і свеце міністэрства адукацыі.

Агульная характарыстыка

Вучэльня спачатку называлася Дзяржаўнай вышэйшай педагагічнай школай і спецыялізавалася на падрыхтоўцы настаўнікаў для пачатковай школы. Цыкл навучання ахопліваў 3 гады і заканчваўся дыпломным іспытам. Пачынаючы з 1949/1950 навучальнага года таксама пачалося навучанне настаўнікаў сярэдніх школ, вучэльня пачала сваю дзейнасць у новай арганізацыйнай структуры, заснаванай на факультэтах. Адначасова былі створаны такія інстытуцыі і пасады, як сенат, саветы факультэтаў, рэктар, прарэктары і дэканы.

У 1954 годзе педагагічная школа атрымала статус вышэйшай навучальнай установы, дзе навучанне доўжылася ўжо 4 гады, а выпускнікі атрымлівалі поўную вышэйшую адукацыю і ступень магістра. Палітычныя пераўтварэнні 1956 года прывялі да таго, што вучэльня атрымала значную аўтаномію, і ўпершыню былі праведзеныя выбары рэктара. Ім стаў прафесар Вінцэнт Данэк. Пачынаючы з 1958/1959 навучальнага года, тэрмін навучання быў падоўжаны да 5 гадоў.

У 1959 годзе вучэльня атрымала права прысваення навуковай ступені доктара ў галіне лінгвістыкі, мовазнаўства, гісторыі, філасофіі, паліталогіі, біялогіі, геаграфіі, матэматыкі, педагогікі, выяўленчага мастацтва, фізікі, а ў 1967 годзе - права правядзення хабілітацыі ў галіне лінгвістыкі, мовазнаўства, гісторыі і біялогіі.

У 1973 годзе вучэльня была названая ў гонар Адукацыйнай камісіі Рэчы Паспалітай.

1 кастрычніка 1999 года ўступіў у сілу закон аб перайменаванні вучэльні ў Педагагічную акадэмію імя Адукацыйнай камісіі ў Кракаве, а 20 лістапада 2008 года ўступіў у сілу чарговы закон, перайменаваўшы акадэмію на ўніверсітэт.

Структура

Факультэты

• Факультэт гуманітарных навук
• Факультэт дакладных і прыродазнаўчых навук
• Факультэт сацыяльных навук
• Факульэт педагогікі і псіхалогіі
• Факультэт мастацтва

Інстытуты

• Інстытут біялогіі
• Інстытут англійскай філалогіі
• Інстытут польскай філалогіі
• Інстытут філасофіі і сацыялогіі
• Інстытут фізікі
• Інстытут геаграфіі
• Інстытут графікі і дызайну
• Інстытут гісторыі і архівістыкі
• Інстытут інфарматыкі
• Інстытут жывапісу і мастацкай адукацыі
• Інстытут матэматыкі
• Інстытут навук аб бяспецы
• Інстытут навук аб інфармацыі
• Інстытут педагагічных навук
• Інстытут тэхнічных навук
• Інстытут неафілалогіі
• Інстытут дашкольнай і школьнай педагогікі
• Інстытут спецыяльнай педагогікі
• Інстытут паліталогіі
• Інстытут права, адміністрацыі і эканомікі
• Інстытут псіхалогіі
• Інстытут сацыяльных спраў
• Інстытут медыя-мастацтва

Спасылкі

• На Вікісховішчы ёсць медыяфайлы па тэме Педагагічны ўніверсітэт імя Адукацыйнай камісіі ў Кракаве
• Афіцыйная інтэрнэт-старонка ўніверсітэта