ФК Порту

Порту
Порту
Поўная назва	Futebol Clube do Porto
Заснаваны	28 верасня 1893
Горад	Порту, Партугалія
Стадыён	Эштадыу ду Драган; Умяшчальнасць: 50 033
Галоўны трэнер	Vítor Bruno[d];
Чэмпіянат	Прымейра-ліга
2022/23	2 месца
Сайт	Афіцыйны сайт

«Порту» (парт.: Porto) — партугальскі футбольны клуб з горада Порту. 30-разовы чэмпіён Партугаліі, 19-разовы ўладальнік Кубка Партугаліі і 23-разовы ўладальнік Суперкубка Партугаліі. Двухразовы ўладальнік Кубка чэмпіёнаў (1987, 2004), уладальнік Кубка УЕФА (2003), пераможца Лігі Еўропы (2011). Клуб быў заснаваны 28 верасня 1893 года^[1]^[2]^[3], з’яўляецца прадстаўніком «вялікай тройкі» футбольных клубаў Партугаліі разам з «Бенфікай» і «Спортынгам». Прыхільнікаў «Порту» часцяком называюць «цмокамі».

«Порту» з’яўляецца другім самым паспяховым партугальскім футбольным клубам, маючы на сваім рахунку 67 нацыянальных тытулаў. Больш, паводле гэтага паказчыку, толькі ў «Бенфікі». Акрамя таго, клуб мае рэкордную серыю з пяці перамог запар у чэмпіянаце Партугаліі, якія клуб атрымліваў з 1995 па 1999 гады. «Порту» мае і значныя перамогі ў міжнародных спаборніцтвах. Гэтак клуб мае перамогі ў такіх турнірах, як Кубак еўрапейскіх чэмпіёнаў 1986/87, Міжкантынентальны кубак 1987, Суперкубак УЕФА 1987, стаўшы такім чынам адным з нешматлікіх клубаў у свеце, якія маюць перамогі трох асноўных міжнародных тытулаў адначасова і адзіным такім у Партугаліі, Кубак УЕФА 2003, Ліга чэмпіёнаў УЕФА 2003/2004, Міжкантынентальны кубак 2004, Ліга Еўропы УЕФА 2010/2011.

«Порту» быў адным з членаў-заснавальнікаў Прымейра-Лігі ў 1933 годзе, і, разам з «Бенфікай» і «Спортынгам», ён ніколі не вылятаў з першага дывізіёна партугальскага футбола. Таксама «Порту» быў адным з членаў-заснавальнікаў расфарміраванай G-14, а таксама з’яўляецца членам Еўрапейскай асацыяцыі клубаў.

Стадыён

Хатнія матчы клуб праводзіць на «Эштадыу ду Драган», які літаральна перакладаецца як стадыён цмокаў, у Порту. Стадыён быў пабудаваны ў 2003 годзе як замена старога клубнага стадыёна, «Эштадыу даш Анташ», і як месца для правядзення матчаў чэмпіянату Еўропы 2004. Стадыён мае ўмяшчальнасць у 50 399 заўзятараў, а ўсе месцы з’яўляюцца сядзячымі. Назва стадыёна паходзіць ад прысутнасці дракона на гербе горада Порту ў часы існавання манархіі.

Спланаваны стадыён быў архітэктарам Мануэлем Салгаду і пабудаваны забудоўшчыкам Grupo Amorim. Кошт аб’екта склаў амаль 98 млн еўра, з якіх амаль 18,5 млн было ўтрымана з падаткаплацельшчыкаў. Каб падтрымліваць выдаткі, кожная трыбуна атрымала адну ці дзве спонсарскія назвы. Гасцявы сектар на стадыёне размяшчаецца ў левым куце паўночнай трыбуны, у той час як прыхільнікі мясцовага клуба месцяцца на паўднёвай трыбуне.

У недалёкім мінулым было завершана будаўніцтва мульты-спартыўнай арэны каля стадыёна, для іншых кантраляваных клубам спартыўных каманд, як каманды па гандболе і баскетболе, якія з’яўляюцца рэгулярнымі прэтэндэнтамі на нацыянальныя тытулы, а таксама каманда па хакеі на роліках, якая з’яўляецца адной з найлепшых у гэтым відзе спорту ва ўсім свеце.

Музей

Футбольны клуб «Порту» мае больш чым 20 кубкаў і трафеяў у экспазіцыі свайго музея, які размяшчаецца ў межах стадыёна. Музей яшчэ не адчынены для публічнага прагляду, аднак у недалёкай будучыні плануецца яго адкрыццё.

Склад

Станам на люты 2024 года.


№	Паз.	Імя	Нар.
2	Аб	Фабіу Кардозу	1994
3	Аб	Пепэ (капітан)	1983
5	Аб	Іван Маркана	1987
6	ПА	Стывен Эўштакіу	1996
8	ПА	Марка Груіч	1996
9	Нап	Мехдзі Тарэмі	1992
10	Нап	Франсішку Кансейсан	2002
11	Нап	Пепэ	1997
12	Аб	Зайду Санусі	1997
13	Нап	Галену	1997
14	Аб	Клаўдыу Рамуш	1991
15	Аб	Хорхэ Санчэс	1997
16	ПА	Ніка Гансалес	2002
17	ПА	Іван Хаймэ	2000
18	Аб	Вендэл	1993
19	Нап	Дэні Лоадэр	2000


№	Паз.	Імя	Нар.
20	ПА	Андрэ Франку	1998
22	ПА	Алан Варэла	2001
23	ПА	Жуан Марыу	2000
28	ПА	Рамарыу Баро	2000
29	Нап	Тоні Марцінес	1997
30	Нап	Эванілсан	1999
31	Аб	Атавіу	2002
55	Аб	Жуан Мендыш	2000
67	ПА	Вашку Соса	2003
70	Нап	Гансалу Боржыс	2001
71	Бр	Франсішку Мейшэду	2001
87	ПА	Бернарду Фолья	2002
91	Бр	Гансалу Рыбейру	2006
94	Бр	Самуэл Португал	1994
97	Аб	Зэ Педру	1997
99	Бр	Дыёгу Кошта	1999

Крыніцы

↑ Rab MacWilliam; Tom Macdonald (2001-10). The World Encyclopedia of Soccer: A Complete Guide to the Beautiful Game. Lorenz Books. ISBN 978-0-7548-0828-2.
↑ Keir Radnedge (2001). The illustrated encyclopedia of soccer. Universe Pub. ISBN 978-0-7893-0670-8.
↑ Gustavo Poli; Lédio Carmona (2006). Almanaque do futebol(недаступная спасылка). ISBN 978-85-7734-002-6.

Спасылкі

На Вікісховішчы ёсць медыяфайлы па тэме ФК Порту
Афіцыйны сайт

[1] Rab MacWilliam; Tom Macdonald (2001-10). The World Encyclopedia of Soccer: A Complete Guide to the Beautiful Game. Lorenz Books. ISBN 978-0-7548-0828-2.

[2] Keir Radnedge (2001). The illustrated encyclopedia of soccer. Universe Pub. ISBN 978-0-7893-0670-8.

[3] Gustavo Poli; Lédio Carmona (2006). Almanaque do futebol(недаступная спасылка). ISBN 978-85-7734-002-6.

[1]

[2]

[3]

Папярэднік Сцяўа	Кубак еўрапейскіх чэмпіёнаў 1986—1987 Фіналіст: Баварыя	Пераемнік ПСВ
Папярэднік Мілан	Кубак еўрапейскіх чэмпіёнаў 2003—2004 Фіналіст: Манака	Пераемнік Ліверпул

У сацыяльных сетках	Facebook · LinkedIn · Twitter · Twitter
Фота, відэа і аўдыё	Instagram · TikTok · YouTube
Тэматычныя сайты	eu-football.info · FootballDatabase.eu · ForaDeJogo · Soccerbase · Soccerway · playmarkerstats.com · Transfermarkt · worldfootball.net · УЕФА · Giant Bomb
Слоўнікі і энцыклапедыі	Вялікая нарвежская · Вялікая расійская (старая версія)
Нарматыўны кантроль	LCCN: n95060677 · VIAF: 157265818